قاراعاندى. 22 قاڭتار. قازتاگ – قاراعاندى وبلىسى شاحتينسك قالاسىنىڭ اكىمى بولىپ ەرساين ناگاسپاەۆ تاعايىندالدى. جاڭا باسشىنى اكتيۆكە قاراعاندى وبلىسىنىڭ اكىمى سەرىك احمەتوۆ تانىستىردى.

«قر پرەزيدەنتىنىڭ اكىمشىلىگىمەن ۇيلەستىرىپ جانە قالالىق ءماسليحات دەپۋتاتتارىنىڭ كەلىسىمىن العان سوڭ، مەن ءوزىمنىڭ وكىمىمەن شاحتينسك قالاسىنىڭ اكىمى ەتىپ ەرساين ناعاسپاەۆتى تاعايىندايمىن»، - دەدى ايماق باسشىسى.

ەسكە سالساق، قالانىڭ بۇرىنعى اكىمى ەرلان وتەشوۆ بۇرىنىراق قاراعاندى وبلىسىنىڭ پريوزەرسك قالاسىنىڭ اكىمدىگىنە تاعايىندالعان.

31 جاسار ە. ناعاسپاەۆ ە. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن «ەكونوميست-مەنەدجەر» ماماندىعى بويىنشا بىتىرگەن. 2000-شى جىلدان مەملەكەتتىك قىزمەتتە. قر سىرتقى ىستەر مينيسترلىگىندە جۇمىس ىستەدى، قر ۆيتسە-پرەمەرىنىڭ كەڭەسشىسى، قاراعاندى قالاسىنىڭ قازبەك بي ات. اۋدان اكىمىنىڭ كومەكشىسى قىزمەتتەرىن اتقاردى. وسى تاعايىنداۋعا دەيىن قاراعاندى وبلىس اكىمىنىڭ كەڭەسشىسى بولدى.