باس پروكۋراتۋرا دەرەگىنە سايكەس، 2015 جىلى قورعانىس مينيسترلىگىنىڭ ەسەبىنە 70 ميلليون سوم اسكەري نىساندارىنىڭ ءبىرىن جوندەۋگە، ياعني ەلدىڭ اسكەري قاۋىپسىزدىگىن قامتاماسىز ەتۋگە بولىنگەن. بىراق مينيسترلىك پەن ونىڭ بولىمشەلەرىندەگى شەنەۋنىكتەر، سونىمەن بىرگە "اسكەر كۋرۋلۋش" مەملەكەتتىك كاسىپورىنى بيۋدجەت قاراجاتىنىڭ جۇمسالۋ ماقساتىن وزگەرتكەن. 37 ملن سوم بەلگىلەنگەن اسكەري نىساندارعا قاتىسى جوق قۇرىلىس-مونتاج جۇمىستارىنا جانە تاۋار الۋعا جۇمسالعان.

بۇعان قوسا، 9 ملن سوم قۇرىلىس جۇمىستارى مەن ماتەريالدار قۇنىن ادەيى ءوسىرىپ كورسەتۋ ارقىلى ۇرلانعان.

"بۇل ءۇش جىل بۇرىن بولعان، بىراق ونىڭ جاي-جاپسارى ەندى عانا بەلگىلى بولدى. تەرگەۋ ءجۇرىپ جاتىر، سونىڭ قورىتىندىسى بويىنشا كىنالىلەر جازالانادى", - دەدى اسكەري پروكۋرور نۋركامال نابيەۆ.

اسكەري پروكۋراتۋرا قىلمىسقا قاتىسى بارلاردىڭ ەسىمدەرىن اتاعان جوق.

Abai.kz