ازيادا 2011 قىسقى ويىندارىن وتكىزۋ ءۇشىن قازاقيانىڭ قازىناسىنان العاشىندا 768 200 000 اقش دوللارى ءبولىندى. بىراق، بۇل قارجىنى ساراپشىلار ازسىنىپ «ەندى جيىرما ميلليون بولسا» دەپتى. سوندا ءبىزدىڭ مىرزا ۇكىمەت «ءبارى دۇرىس بولسىنشى ءوزى...» دەپ، جيىرماڭىز نە، 301 500 000 اقش دوللارىن بىراق قۇشاقتاتقان. سوسىن «سامۇرىق-قازىنا» ۇلتتىق ءال-اۋقات قورى دا قاراپ وتىرا الماي ۇيىمداستىرۋشىلاردىڭ قولىنا 20 408 163 اقش دوللارىن ۇستاتىپ جىبەرگەن. ماي تىلەسەڭ مىنە قۇيرىق! ايتپاقشى، ازياداعا ارناپ سالىنعان ەكى قالاداعى (استانا مەن الماتى) جاڭا قۇرىلىس نىساندارى مەن كۇردەلى جوندەۋدەن وتكەن قۇرىلىس نىساندارىنان بولەك، الماتى قالاسىندا ەكى ءترامپليننىڭ قۇرىلىسىنا ۇكىمەت 34 ميلليون دوللار، ال، شىمبۇلاق كۋرورتىنا قوسىمشا نىساندار سالۋ ءۇشىن قىرىق ميلليون دوللاردان اسا قارجىنى تاعى بەرگەن. بۇعان ۇكىمەتتىك ەمەس ۇيىمدار مەن مەملەكەتتىك مەكەمەلەردەن بولىنەتىن قارجىنى قوسىڭىز. قىسقاسى، ازيادانىڭ كەڭىردەگىنە ءبىر جارىم ميلليارد اقش اقشاسىن سالىپ «ءۇھ» دەپپىز.

ازيادا 2011 قىسقى ويىندارىن وتكىزۋ ءۇشىن قازاقيانىڭ قازىناسىنان العاشىندا 768 200 000 اقش دوللارى ءبولىندى. بىراق، بۇل قارجىنى ساراپشىلار ازسىنىپ «ەندى جيىرما ميلليون بولسا» دەپتى. سوندا ءبىزدىڭ مىرزا ۇكىمەت «ءبارى دۇرىس بولسىنشى ءوزى...» دەپ، جيىرماڭىز نە، 301 500 000 اقش دوللارىن بىراق قۇشاقتاتقان. سوسىن «سامۇرىق-قازىنا» ۇلتتىق ءال-اۋقات قورى دا قاراپ وتىرا الماي ۇيىمداستىرۋشىلاردىڭ قولىنا 20 408 163 اقش دوللارىن ۇستاتىپ جىبەرگەن. ماي تىلەسەڭ مىنە قۇيرىق! ايتپاقشى، ازياداعا ارناپ سالىنعان ەكى قالاداعى (استانا مەن الماتى) جاڭا قۇرىلىس نىساندارى مەن كۇردەلى جوندەۋدەن وتكەن قۇرىلىس نىساندارىنان بولەك، الماتى قالاسىندا ەكى ءترامپليننىڭ قۇرىلىسىنا ۇكىمەت 34 ميلليون دوللار، ال، شىمبۇلاق كۋرورتىنا قوسىمشا نىساندار سالۋ ءۇشىن قىرىق ميلليون دوللاردان اسا قارجىنى تاعى بەرگەن. بۇعان ۇكىمەتتىك ەمەس ۇيىمدار مەن مەملەكەتتىك مەكەمەلەردەن بولىنەتىن قارجىنى قوسىڭىز. قىسقاسى، ازيادانىڭ كەڭىردەگىنە ءبىر جارىم ميلليارد اقش اقشاسىن سالىپ «ءۇھ» دەپپىز.

ەندى ونىڭ قايدا، قالاي جۇمسالىپ جاتقانىنىڭ ءبارىن جىلىكتەپ جىپكە تىزەيىك دەپ وتىرعان جوقپىز. بىراق، ازيادا تاريحىندا جوق الاۋ تۇتاتىپ، ەلدەن ەلگە، قالادان قالاعا وت الىپ ۇشقانىمىزعا قاراعاندا، جاڭاعى اقشانى كەڭ ءپىشىپ، مول كەسىپ وتىرعانىمىز تۇسىنىكتى. وعان ازيادانىڭ ءانۇرانىنا مىنگەسكەنى ءۇشىن-اق 100 000 دوللاردى بىرەۋلەردىڭ الدىنا شاشىپ كەپ جىبەرگەنىمىزدى قوسىڭىز. وليمپيادالىق كەڭەسىنەن 2 747 244 اقش دوللارىنا جارنامالىق قۇقىق ساتىپ الىپ، ون مينۋتتىق جارنامالىق ءفيلمدى جاساۋعا  1 156 462 اقش دوللارىن جۇمساپ وتىرعانىمىز تاعى بار. التىن-كۇمىس مەدالدار دا ارتىعىمەن جاسالىپ، جارقىراپ تۇر. ايتپاقشى، بۇل مەدالداردى (اقشا شەتەلگە كەتپەسىن دەپ...) ءوزىمىز جاساعانبىز. مەدال جايىنا كەلگەندە  ۇيىمداستىرۋشىلار دا اعىنان جارىلىپ، كوكساندىقتان از ايتقان جوق. ال قالعانى شە؟ قالعانىن حالىق بىلە بەرمەيدى-اۋ...

بيلەتتى رەسەي جۇيەسىمەن ورىستار جاساپ بەرىپ جاتىر. ونى ءسىز دە، ءبىز دە بىلمەس ەدىك، ورىستار بيلەتتىڭ ۋاقىتىنا بايقاماي ماسكەۋدىڭ ۋاقىتىن قويىپ جىبەرىپتى. سوسىن بارىپ شۋ ەتە قالدىق. ازياداعا ارنالعان سايتتى كارىستەر جاساپ بەرىپ وتىر ەكەن. ونى دا بىلمەس ەدىك، سايتتىڭ قازاقشاسىنداعى قاتەلىكتەن اياق الىپ جۇرگىسىز بولعاندىقتان حابارلاسىپ جۇمىس ورىندارىنىڭ ەسىگىنەن سىعالاپ ەدىك، ءبىر توپ كارىس سىعىرايىپ ەسىككە قارادى.  ارعى تۇكپىردەن ءبىر قازاق اتىپ شىعىپ: «ولار قازاق ەمەس قوي، ونداي-ونداي قاتەلىك بولىپ تۇرادى، جوندەلىپ كەتەر... ال بارا قويىڭدار...» دەدى.

كوشەدە سەندەلىپ كەلە جاتقاندا ازيادانىڭ ەمبلەماسى كوزىمىزگە تۇسە كەتكەنى. «ءاي، تىم بولماعاندا وسىنى قازاقتار وزدەرى-اق جاساعان شىعار» دەپ انىقتاي قويساق: «ازيادانىڭ القىزىل ءتۇستى ەمبلەماسىن دايىنداۋعا تيگران ءتۋنيانتستىڭ شەبەرحاناسى جۇمىلدىرىلدى. لوگوتيپتىڭ قوسىمشا اۆتورى رەتىندە لاتۆيالىق ولافس ابزالونس بەكىتىلىپ وتىر...» دەپ تۇر. ەندى نە دەيىك!..

قىسقارتىپ ايتايىقشى، ويىندى ۇيىمداستىرىپ «الەمگە داڭقى كەتكەن» قازاق بالاسى قىل اياعى استاناداعى ازيادا وتەتىن ستوديونداردىڭ ماڭىنداعى قارىن كۇرەۋگە قاۋقارى جەتپەي وتىر. ويتكەنى، وعان بولىنگەن قارجىنى دا تۇرىكتەردىڭ فيرمالارى تەندەردەن ۇتىپ العان. ەندى ۇتۋشى مەن ۇتقىزۋشى «قار جاۋسا ەكەن» دەپ تىلەپ وتىر. ەسەپ جاپقانعا جاقسى عوي. اينالايىن ازيادا-اۋ، ءبىز سەنىڭ قاي قاجەتىڭە جاراساق ەكەن؟!..

«namys.kz» سايتى