رەسپۋبليكالىق  پاتريوتتىق،  ادەبي-تانىمدىق  «ۇلت بولمىسى»  جۋرنالى وتكەن جىلى   ايگىلى «الاشوردا»  پارتياسى مەن ۇكىمەتىنىڭ قۇرىلعانىنا  عاسىر تولۋىنا  وراي پوەزيا،  پروزا،  جۋرناليستيكا جانە دراماتۋرگيا سالالارى  بويىنشا ءمۇشايرا جاريالاعان ەدى. ادەبيەتتىڭ اتالعان سالالارىن سارالاپ، ءوز الىنشە قالام تارتقان جۇيرىكتەردىڭ جارىسى قورتىندىلانىپ، بۇگىن ساڭلاقتاردىڭ ەسىم سويى انىقتالدى.

سونىمەن پروزا بويىنشا باس جۇلدەنى جازۋشى تالعات كەڭەسباەۆ جەڭىپ الدى. ونىڭ «تۇندە ۇشقان قارشىعا»  شىعارماسى ۇزدىك دەپ تانىلىپ، اۆتوكولىك يەگەرى اتاندى.

1-ورىنعا قازىلار  القاسى جاس جازۋشى، Abai.kz اقپاراتتىق پورتالىندا باس رەداكتوردىڭ ورىنباسارى قىزمەتىن اتقاراتىن قانات ابىلقايىردى لايىقتى دەپ تاپتى. جۇلدە قورى 500 مىڭ تەڭگە. 2-ورىندى مارات ءازىمحان جەڭىپ السا، 3-ورىن عالىم قاليبەكۇلىنا بۇيىردى. ىنتالاندىرۋ سىيلىعى بەكەن ىبىرايىمعا بەرىلدى. ال ءاليحان بوكەيحان اتىنداعى سىيلىقتى ەربولات باياتۇلى يەلەندى.

پوەزيا جانرى بويىنشا

1-ورىندى «عاسىر تىلەگى» شىعارماسىمەن گ. كاليدينا الدى. جۇلدە قورى 500 000 تەڭگە. 1-ورىننان كەيىنگى جۇلدەلى ورىنداردى تيىسىنشە تومەندەگى اقىندار يەلەندى:

2-ورىن اقسۇڭقار اقىنبابا. 

3-ورىن داۋلەتبەردى جەكەيۇلى.

ىنتالاندىرۋ سىيلىعى  تاڭساۋلە اگەنقىزى، مارلەن مالىكۇلى.

ن.نازارباەۆ اتىنداعى ارناي جۇلدە اقسۇيرىك جۇسىپقىزى.

م.دۋلاتۇلى اتىنداعى ارنايى جۇلدە قارلىعاش حاۆاي.

دراماتۋرگيا جانرى بويىنشا

2-ورىن دۋمان رامازان.

3-ورىن اقىلبەك شاياحمەتوۆ.

ىنتالاندىرۋ سىيلىعى ءتۇرسىنالى رىسكەلديەۆ.

قوشكە كەمەنگەرۇلى اتىنداعى ارنايى جۇلدە تورەحان مايباس.  

جۋرناليستيكا 

2-ورىن زاڭعار كارىمحان.

3-ورىن مارفۋعا شاپيان.

ىنتالاندىرۋ سىيلىعى  التىنبەك قۇمىرزاق، باۋىرجان سەگىزباەۆ، ايدىن رىسبەكۇلى.

احمەت بايتۇرسىنۇلى اتىنداعى ارنايى جۇلدە قانات جاناشۇلى.

رەداكتسيادان: ءبىزدىڭ ۇجىم ءمۇشايرادا قارا ءۇزىپ شىققان قالامگەرلەرگە ەرەكشە ىقىلاسپەن جۇلدەلەرىنە قۇتتى بولسىن ايتادى. سول جۇيرىكتەردىڭ ىشىندە ءبىز ءۇشىن، ارينە، قانات ابىلقايىردىڭ ورىنى بولەك. ول ادەبي-تانىمدىق  «ۇلت بولمىسى»  جۋرنالى ۇيىمداستىرعان بايگەگە "باباي-بۇركىت" اڭگىمەسىن سالدى. تالانتتى جاس جازۋشىنىڭ بۇل شىعارماسىندا الاش پولكىن قۇرىپ، اق پەن قىزىلدىڭ قىرعىنىنا قارسى تۇرعان، جان اياماي كۇرەسكەن وتىنشى ءالجانوۆتىڭ تاعدىرى، ونىڭ ازاتتىقتى اڭساعان ءور رۋحى ايگىلەنىپ، ولە ولگەنشە توبەسىندە اينالىپ ۇشىپ جۇرگەن قىران قۇس تۋرالى باياندالادى. ادەبي-تانىمدىق  «ۇلت بولمىسى»  جۋرنالى رۇقسات ەتسە، اۆتورمەن كەلىسە وتىرىپ، "باباي-بۇركىتتى" جاريالايتىن بولامىز.

Abai.kz