تاۋەلسىزدىكتىڭ 20 جىلدىعىندا تۋعان سابيلەرگە ەرەكشە كۋالىك بەرىلسىن!
قر ۇكىمەتىنىڭ نازارىنا
بيىل الاش بالاسىنىڭ رۋحىن كوتەرىپ، ەڭسەسىن تىكتەيتىن، ءار قازاقتى ماقتانىش پەن شاتتىققا بولەيتىن جىل. تاۋەلسىزدىككە 20 جىل. ال قازاق حاندىعىنىڭ قۇرىلعانىنا - 555 جىل. بۇل ەكى ايتۋلى ۋاقىتتىڭ قاي قايسىسى دا بار قازاقتىڭ باسىن قوساتىن، ءبىر قازاقتىڭ بىرلىگىن نىعايتاتىن مەرەيتوي.
ەندەشە، بيىلعى تاۋەلسىزدىك مەرەكەسىن قاتارداعى كوپ مەرەكەنىڭ ءبىرى رەتىندە تويلاساق، ناۋقانشىلدىققا سالساق ەلدىگىمىزگە سىن! بيىلعى مەرەكەدە ەلدىڭ ەسىندە قالاتىن ەرەكشەلىكتەر مول بولۋ ءتيىس. تاۋەلسىزدىكتىڭ جيىرما جىلدىعىنداعى ازاتتىققا ەرەن قۇرمەت - حالىقتىڭ رۋحىن كوتەرىپ، جاس بۋىننىڭ بويىندا وتانسۇيگىشتىك سەزىمىن قالىپتاستىراتىن بولۋى شارت.
وسىعان وراي «ماسا.كز» ينتەرنەت-گازەتى قازاقستان رەسپۋبليكاسىنىڭ ۇكىمەتى مەن پارلامەنت داپۋتاتتارىنا ۇسىنىس جاساپ، ۇندەۋ تاستاۋدى ءجون كورىپ وتىر. ارينە، تاۋەلسىزدىكتىڭ 20 جىلدىعىنا وراي تالاي شارالار ىسكە اسىرىلاتىنىنا داۋىمىز جوق. دەگەنمەن، مىنا ماسەلەلەر ەسكەرىلسە نۇر ۇستىنە نۇر بولار ەدى:
1. تاۋەلسىزدىكتىڭ 20 جىلدىعىنا جانە قازاق حاندىعىنىڭ 555 جىلدىعىنا وراي بيىل دۇنيەگە كەلگەن سابيلەرگە كادىمگى كۋالىكتەردەن وزگەشە جاسالعان، مەرەكەلىك ناقىشتالعان تۋى تۋرالى كۋالىك تابىس ەتىلسە;
2. كۋالىكپەن بىرگە ارنايى توسبەلگىلەر تابىس ەتىلسە;
3. بيىل دۇنيەگە كەلگەن بۇلدىرشىندەرگە ءار سابيگە بەرىلەتىن ءبىر رەتتىك مەملەكەتتىك جاردەماقىدان وزگە 50 مىڭ تەڭگەگە دەيىنگى ارنايى سىي تاعايىندالسا;
قر ۇكىمەتىنىڭ نازارىنا
بيىل الاش بالاسىنىڭ رۋحىن كوتەرىپ، ەڭسەسىن تىكتەيتىن، ءار قازاقتى ماقتانىش پەن شاتتىققا بولەيتىن جىل. تاۋەلسىزدىككە 20 جىل. ال قازاق حاندىعىنىڭ قۇرىلعانىنا - 555 جىل. بۇل ەكى ايتۋلى ۋاقىتتىڭ قاي قايسىسى دا بار قازاقتىڭ باسىن قوساتىن، ءبىر قازاقتىڭ بىرلىگىن نىعايتاتىن مەرەيتوي.
ەندەشە، بيىلعى تاۋەلسىزدىك مەرەكەسىن قاتارداعى كوپ مەرەكەنىڭ ءبىرى رەتىندە تويلاساق، ناۋقانشىلدىققا سالساق ەلدىگىمىزگە سىن! بيىلعى مەرەكەدە ەلدىڭ ەسىندە قالاتىن ەرەكشەلىكتەر مول بولۋ ءتيىس. تاۋەلسىزدىكتىڭ جيىرما جىلدىعىنداعى ازاتتىققا ەرەن قۇرمەت - حالىقتىڭ رۋحىن كوتەرىپ، جاس بۋىننىڭ بويىندا وتانسۇيگىشتىك سەزىمىن قالىپتاستىراتىن بولۋى شارت.
وسىعان وراي «ماسا.كز» ينتەرنەت-گازەتى قازاقستان رەسپۋبليكاسىنىڭ ۇكىمەتى مەن پارلامەنت داپۋتاتتارىنا ۇسىنىس جاساپ، ۇندەۋ تاستاۋدى ءجون كورىپ وتىر. ارينە، تاۋەلسىزدىكتىڭ 20 جىلدىعىنا وراي تالاي شارالار ىسكە اسىرىلاتىنىنا داۋىمىز جوق. دەگەنمەن، مىنا ماسەلەلەر ەسكەرىلسە نۇر ۇستىنە نۇر بولار ەدى:
1. تاۋەلسىزدىكتىڭ 20 جىلدىعىنا جانە قازاق حاندىعىنىڭ 555 جىلدىعىنا وراي بيىل دۇنيەگە كەلگەن سابيلەرگە كادىمگى كۋالىكتەردەن وزگەشە جاسالعان، مەرەكەلىك ناقىشتالعان تۋى تۋرالى كۋالىك تابىس ەتىلسە;
2. كۋالىكپەن بىرگە ارنايى توسبەلگىلەر تابىس ەتىلسە;
3. بيىل دۇنيەگە كەلگەن بۇلدىرشىندەرگە ءار سابيگە بەرىلەتىن ءبىر رەتتىك مەملەكەتتىك جاردەماقىدان وزگە 50 مىڭ تەڭگەگە دەيىنگى ارنايى سىي تاعايىندالسا;
4. سابيدى دۇنيەگە اكەلگەن انالاردىڭ بارلىعى مەرەكەلىك ماقتاۋ قاعازبەن ماراپاتتالسا.
بۇل شارا ەلىمىزدىڭ بولاشاعى سانالاتىن ءبۇلدىرشىندىرىمىزدىڭ بويىندا پاتريوتتىق سەزىمدى بالا كۇنىنەن قالىپتاستىرىپ، اتا-انالاردىڭ دا ەرتەڭگە دەگەن سەنىمىن ارتىرادى دەپ بىلەمىز.
بۇل ۇسىنىسىمىزدىڭ دەپۋتاتتار مەن ۇكىمەتتەن قولداۋ تابارىنا سەنەمىز!
تاۋەلسىزدىگىمىز - ءتاۋ ەتكەن تۇعىرىمىز! تاۋەلسىزدىگىمىز - بەت بۇراتىن قۇبىلامىز! تاۋەلسىزدىگىمىز - ءتاۋبامىز! تاۋەلسىزدىگىمىز - ازات ۇل مەن قىزىمىز!
ەندەشە، تاۋەلسىزدىكتىڭ 20 جىلدىعىندا دۇنيەگە كەلگەن ۇل-قىزدارىمىز ازات ەلدىڭ ۇلاندارى ەكەنىن ءومىر بويى ماقتان تۇتۋى ءتيىس!
بۇل شارا بۇكىل الاش بالاسىنىڭ، قازاقستاندى مەكەن ەتكەن وزگە ۇلت وكىلدەرىنىڭ ەلىمىزگە دەگەن قۇرمەتى مەن سۇيىسپەنشىلىگىن ارتتىرادى دەپ سانايمىز!
