استانا. 24 قاڭتار. قازتاگ – يرينا نوس. كونستيتۋتسيالىق كەڭەس (كك) دۇيسەنبى كۇنى قر پرەزيدەنتى نۇرسۇلتان نازارباەۆتىڭ پارلامەنتتىڭ اتا زاڭعا قابىلداعان وزگەرتۋلەردىڭ قولدانىستاعى كونستيتۋتسياعا سايكەستىگى تۋرالى ءوتىنىشىن قارايدى، بۇل وزگەرتۋلەرگە سايكەس، مەملەكەت باسشىسىنىڭ وكىلەتتىكتەرى رەفەرەندۋم ارقىلى ۇزارتىلادى، دەپ حابارلايدى كك ءباسپاسوز قىزمەتى.

«كونستيتۋتسيالىق كەڭەستىڭ وتىرىسى ساعات 10-دا باستالدى. وندا 14 قاڭتاردا پارلامەنت قابىلداپ، پرەزيدەنتكە قول قويۋعا ۇسىنعان «كونستيتۋتسياعا وزگەرتۋلەر مەن تولىقتىرۋلار ەنگىزۋ تۋرالى» زاڭنىڭ قر كونستيتۋتسياسىنا سايكەستىگىن قاراۋ تۋرالى مەملەكەت باسشىسىنىڭ ءوتىنىشى تالقىلانادى»، - دەپ ءمالىم ەتتى كك ءباسپاسوز قىزمەتىنىڭ قىزمەتكەرى.

ول بۇل ماسەلە بويىنشا اقىرعى شەشىم قاشان جاريا ەتىلەتىنىن حابارلاعان جوق. ونىڭ مالىمەتىنشە، دۇيسەنبى كۇنى بۇل ماسەلەنى كك مۇشەلەرى پرەزيدەنت اكىمشىلىگىنىڭ وكىلدەرىنىڭ قاتىسۋىمەن تالقىلايدى. وسىدان كەيىن كك مۇشەلەرى شەشىم قابىلداۋ ءۇشىن كەڭەسۋ بولمەسىنە كەتەدى.

استانا. 24 قاڭتار. قازتاگ – يرينا نوس. كونستيتۋتسيالىق كەڭەس (كك) دۇيسەنبى كۇنى قر پرەزيدەنتى نۇرسۇلتان نازارباەۆتىڭ پارلامەنتتىڭ اتا زاڭعا قابىلداعان وزگەرتۋلەردىڭ قولدانىستاعى كونستيتۋتسياعا سايكەستىگى تۋرالى ءوتىنىشىن قارايدى، بۇل وزگەرتۋلەرگە سايكەس، مەملەكەت باسشىسىنىڭ وكىلەتتىكتەرى رەفەرەندۋم ارقىلى ۇزارتىلادى، دەپ حابارلايدى كك ءباسپاسوز قىزمەتى.

«كونستيتۋتسيالىق كەڭەستىڭ وتىرىسى ساعات 10-دا باستالدى. وندا 14 قاڭتاردا پارلامەنت قابىلداپ، پرەزيدەنتكە قول قويۋعا ۇسىنعان «كونستيتۋتسياعا وزگەرتۋلەر مەن تولىقتىرۋلار ەنگىزۋ تۋرالى» زاڭنىڭ قر كونستيتۋتسياسىنا سايكەستىگىن قاراۋ تۋرالى مەملەكەت باسشىسىنىڭ ءوتىنىشى تالقىلانادى»، - دەپ ءمالىم ەتتى كك ءباسپاسوز قىزمەتىنىڭ قىزمەتكەرى.

ول بۇل ماسەلە بويىنشا اقىرعى شەشىم قاشان جاريا ەتىلەتىنىن حابارلاعان جوق. ونىڭ مالىمەتىنشە، دۇيسەنبى كۇنى بۇل ماسەلەنى كك مۇشەلەرى پرەزيدەنت اكىمشىلىگىنىڭ وكىلدەرىنىڭ قاتىسۋىمەن تالقىلايدى. وسىدان كەيىن كك مۇشەلەرى شەشىم قابىلداۋ ءۇشىن كەڭەسۋ بولمەسىنە كەتەدى.

ەسكە سالا كەتەيىك، 17 قاڭتاردا پارلامەنت قابىلداعان قر كونستيتۋتسياسىنىڭ 42 بابىنىڭ 5 تارماعىنا كك قر تۇڭعىش پرەزيدەنتى – ۇلت ليدەرى ن. نازارباەۆتىڭ پرەزيدەنتتىك وكىلەتتىكتەرىن رەسپۋبليكالىق رەفەرەندۋمدا ۇزارتۋ مۇمكىندىگىن قاراستىراتىن تۇزەتۋلەردىڭ كونستيتۋتسياعا سايكەستىگى تۋرالى پرەزيدەنتتىڭ ءوتىنىشىن وندىرىسكە قابىلداعان بولاتىن.

ن. نازارباەۆتىڭ وكىلەتتىكتەرىن 2020 جىلدىڭ 6 جەلتوقسانىنا دەيىن ۇزارتۋ تۋرالى ماسەلە بويىنشا رەفەرەندۋم وتكىزۋ ۇسىنىسىن 2010 جىلدىڭ جەلتوقسان ايىندا باستاماشىل توپ جاساپ، كەيىن بۇل باستامانى قولداپ 5 ملن 16 مىڭ قول جيناعان، بۇل رەسپۋبليكالىق رەفەرەندۋمعا قاتىسۋ قۇقىعىنا يە ازاماتتاردىڭ جالپى سانىنىڭ 55,2% قۇرايدى. ورتالىق سايلاۋ كوميسسياسى (وسك) ازاماتتاردىڭ رەفەرەندۋم تۋرالى ۇسىنىسىن قولدارىمەن بىرگە بەكىتىپ، پرەزيدەنت ن. نازارباەۆقا جولدادى.

كونستيتۋتسيالىق زاڭنىڭ 17 بابىنا سايكەس، رەسپۋبليكالىق رەفەرەندۋم بەلگىلەۋ تۋرالى باستاما بويىنشا شەشىمدى قازاقستان پرەزيدەنتى قابىلدايدى. سونىمەن بىرگە، پرەزيدەنت بۇل ۇسىنىستى قابىلداماۋى دا مۇمكىن.

6 قاڭتاردا پارلامەنت پرەزيدەنتكە وسىنداي رەفەرەندۋم وتكىزۋ تۋرالى ءوتىنىش جاسادى. الايدا مەملەكەت باسشىسى ونى قابىلداماي تاستادى.

14 قاڭتاردا پارلامەنت كونستيتۋتسياعا رەفەرەندۋم ارقىلى پرەزيدەنتتىڭ وكىلەتتىكتەرىن ۇزارتۋ مۇمكىندىگى تۋرالى وزگەرتۋلەر مەن تولىقتىرۋلار ەنگىزۋ تۋرالى زاڭدى ءبىراۋىزدان قابىلداعان بولاتىن.

ن.نازارباەۆ پارلامەنت قابىلداعان كوسنتيتۋتسياعا وزگەرتۋلەردى قابىلداماس نەمەسە كەرى قايتارماس بۇرىن ولاردىڭ اتا زاڭعا سايكەستىگىن تەكسەرۋ ءۇشىن كك-گە ساراپتاماعا جىبەردى.

ن.نازارباەۆ رەفەرەندۋم بويىنشا شەشىم مەملەكەت پەن حالىقتىڭ مۇددەسى ءۇشىن قابىلداناتىنىن ايتقان بولاتىن.

ونىڭ پىكىرىنشە، رەفەرەندۋم وتكىزۋ – قازاقستان حالقىنىڭ ەركىنە بايلانىستى ماسەلە. بۇل تۋرالى ن.نازارباەۆ 20 قاڭتاردا اق وردادا قازاقستاندىق قوعام وكىلدەرىنىڭ قاتىسۋىمەن وتكەن جالپىقوعامدىق باستامانى قاراۋ بويىنشا كەڭەستە مالىمدەگەن بولاتىن.

«جالپىۇلتتىق باستامانى پارتيالار، قوعامدىق بىرلەستىكتەر، ۇكىمەتتىك ەمەس ۇيىمدار، قازاقستاندىقتار قولداپ وتىر. حالىقتىڭ ەركىن ەلەمەيتىن مەملەكەت قايراتكەرى جوق شىعار. بىراق مەن ءۇشىن بۇل ماسەلە مەملەكەتتىك پوزيتسيا تۇرعىسىنان اسا ماڭىزدى. سوندىقتان مەن مۇقيات سالماقتاپ، حالىق پەن مەملەكەتتىڭ مۇددەلەرىن ەسكەرىپ، ەل حالقى ءۇشىن قاجەت شەشىم قابىلدايمىن»، - دەدى ن. نازارباەۆ.

«بۇل باستامانى جالپى حالىق قولداپ، بەس ميلليوننان اسا قول جينالعانىن بىلگەندە، بويىمدا ماقتانىش سەزىمى پايدا بولدى»، - دەدى پرەزيدەنت كەڭەستە.