...ايتەۋىر شۋ ەتە تۇسەمىز. ءبىر قازاققا سوققى تيسە بولدى، وسەكشى قاتىننان بەتەر قۋانامىز، الاقايلاپ مالاقايدى اسپانعا اتامىز، اقپاراتتى جەلىدەن تەز تاراتامىز. ارعى جاعىن قازبالامايمىز، تۇك ويلانبايمىز، ەڭ باستىسى قۋانىپ، تاراتىپ ۇلگەرۋىمىز كەرەك. ول جالعان با، ادەيى سولاي ۇيىمداستىرعان با، ول جاعىن ويلايتىن سابىرلى قازاق جوق! مىنە، مىناۋ ناعىز ەرمەلى، كۇنشىل قازاقتىڭ شىنايى بەينەسى! بۇل جىگىت مەنىڭ تۋىسقانىم ەمەس، مەن اتىراۋ وڭىرىنەنمىن، بىراق بۇل ءوز قازاعىم! بۇل جىگىت ساحناعا ابايدى سومداپ شىعىپ ەدى، بىرەۋلەر "پاراقور ەرلان ءبىلال قازاققا اباي بولىپ اقىل ايتپاسىن" دەپ بۇيرەكتەن سيراق شىعارا باستاپتى.

نەگە ءبىز ىلعي قازاققا ناۋبەت جولىققاندا، قازاقتىڭ باسىنا كۇن تۋعاندا، قانداي دا ءبىر ءىس تۇسكەندە ەرەكشە قۋانامىز؟ مىنە، ءومىر شىندىعى، ءبىز وسىنداي ارتىمەن كەرى جۇرەتىن جامان ۇلت بولعانىمىز سەبەپتى ەش العا جىلجي الماي كەلەمىز. ميلليون جارىم اقشاعا ەرلاننىڭ بار جيعانىن ساتتىڭدار دا جىبەردىڭدەر. ونىڭ ەلى ءۇشىن اتقارعان قىزمەتتەرى جوق پا؟ الدە مينيستر-دەپۋتاتتىڭ پامپەرس الاتىن تيىنىنا ەرلاننىڭ ابىرويى ساي كەلمەي قالدى ما؟ پارانىڭ العان بولار، بىراق ونى ۇسىنۋشى قايدا بۇل جەردە؟ ونى ەلىكتىرىپ ازعىرعان ءىبىلىس-شايتان قايدا؟ ەرلاننىڭ ارتىنا انىق تۇسكەن بولدى عوي.

مۇنداي جۇمىستار نەگىزى ارنايى ۇيىمداستىرىلادى. قاقپانعا ءتۇسىرۋ وپەراتسياسى كۋپيۋر اقشامەن جۇزەگە اسادى. ونى ۇيىمداستىرۋشىلار كىلەڭ جانسىزدار، ناعىز ىشكى-باۋىرعا كىرەتىن ارامزا ساتقىندار! جانە ەلدى كۇيرەتەتىندەر دە سولاردان شىعادى.

جارايدى، بورىكتەرىڭدى اسپانعا اتىپ قۋانا بەرىڭدەر! ودان قىزمەتتەرىڭ مەن اتاڭ لاۋازىمدارىڭ وسە مە، الدە بويلارىڭا قان جۇگىرىپ دەنساۋلىقتارىڭ شىرايلانىپ شىعا كەلە مە؟

ءبارىن باسىنان باستاساق، پاراقورلىق پەن جەمقورلىق جۇيەسىن قۇرعان كىم؟ ارينە، بيلىكتىڭ ءوزى. "بالىق باسىنان ءشىريدى" دەگەن، قازاقستاندى سورىپ، بايلىعىن تالان-تاراجعا سالىپ، اقيقات ايتقانداردىڭ ءتىلىن كەسىپ، جاپپاي تۇرمەلەرگە توعىتىپ، حالىققا وق جۇمساپ، باسىنا اڭگىرتاياق ۇيىرگەن قاراقشىلاردى نەگە وسىلاي قۇرىقتامايسىڭدار؟ ەرلاندى ۇستاعان جەندەتتەر سوندا ارى تازا پەرىشتەلەر مە؟ ەرلاندى ۇستاۋىندا دا ءبىر گاپ بار بولار، ء"يتتىڭ ىشىنە ماي جاقپايدى" دەگەن، ءباز بىرەۋلەرگە اششى اقيقاتى جاقپاي قالعان بولار؟

ەندى قاراڭدار، قازىرگى تاڭدا ەرلان سەندەر ءۇشىن "سوڭعى ادام، ولەكسە، كۇناھار، يت، دوڭىز، شايتان، ادام ەمەس، حايۋان، ماقۇلىق" سولاي ما؟ ەندى ەرلان سوندا ءبىتتى مە، ەل-حالىق ورتاسىنا قوسىلا الماي ما؟ ول ەندى ءتىرى ولىك پە؟ سەندەر ءبىر اقشا ءۇشىن بەلگىلى ءبىر ازاماتتى ءتىرى ولىككە اينالدىردىڭدار ما؟! حالىق، سەندەردىكى نە قۋانىش؟

الدارىڭدا نە جاتقانىن بىلەسىڭدەر مە؟ قازىر قۋانىپ وتىرعاندار، سەندەردىڭ الدارىڭدا بۇداندا زورى تۇرعان بولار، ونى قايدان بىلەسىڭدەر؟ سوندىقتاندا، ءىستىڭ بايىبىن بىلمەي ء"ورالاپ" قۋانباڭدار!

بيلىكتىڭ ۇرلىعىن اشكەرە ەتە المايدى ەكەنسىڭدەر، بيلىكتىڭ قولىنا كىسەن سالا المايدى ەكەنسىڭدەر، وسىنى باستاعان بيلىك ەكەنىن بىلە تۇرا ءلام-ميم دەي المايدى ەكەنسىڭدەر، ەرلاندى ۇستاۋدا ءبىر ۇلكەن ءىس تىندىردىق دەپ ۋھىلەپ، ەزۋلەرىڭدى قۇلاققا بايلاپ، ماڭداي تەرلەرىڭدى دامبالدارىڭمەن سۇرتپەي-اق قويىڭدار! سەندەردىڭ ماقساتتارىڭ شىنىمەندە جەمقورلىقپەن كۇرەسۋ ەمەس، بەلگىلى ءبىر تۇلعانى ەل الدىندا ماسقارالاۋ عانا! ەرلاندى قۇلاتۋشىلارعا ءھام ساحناعا ورالۋىنا قارسىلارعا ايتارىم، سۇتتەن اق، سۋدان تازا بولۋدىڭ قانداي قاجەتتىلىگى بار؟ ال جەمقورلىق ومىرلىككە جالعاسادى. سەبەبى، بيلىكتىڭ ءوزىنىڭ ارانى اشىلىپ كەنەۋى كەتكەن!

ونىڭ ەمى - قابىردەگى ءبىر ۋىس توپىراق قانا! بىراق، ەرلان ساعان دا ايتارىم، باسقا ءتۇستى، باسپاقشىلسىڭ ەندى، سابىر ەت! قازىر بالەلى كەزەڭ ەكەنىن بىلمەيسىڭ بە؟ ەگەر ولاي ەمەس بولسا، مۇمكىندىگىڭ بار دا ءوز باسىڭدى اراشالاپ ال، شىندىقتى جايىپ سال!

* * *

كوكەلەرىم-اۋ، ەرلاندى الداعان اقشالارىڭ دەپۋتاتتىڭ بالالارىنىڭ ءبىر ايلىق قىدىرۋعا كەتەتىن تيىنى عوي، اكتيۆى مەن پامپەرىسىنەن اۋىسپايتىن، كەرەك بولسا انا قازاقتاردىڭ باسىنا ساڭعىرتىپ قويعان ءۇندىس پەن كارىستىڭ كو..ن سۇرتەتىن اقشاسى عوي. وعان بولا ەرەكەڭدى كۇيدىرمەسەڭدەرشى، ودان دا انا 22 ميليارد پەن زەينەتاقى قورىنداعى جوعالعان 70 ميلياردتى ىزدەسەڭدەرشى؟

تۇرار شاپقارا

Abai.kz