وزبەكستان مۇسىلماندارى ءدىني باسقارماسى ء(ومدب) قىزمەتكەرىنىڭ سوزىنشە، شەرمۋرود توگاي الەۋمەتتىك جەلىلەردەگى جازبالارى ءۇشىن قىزمەتىنەن الىنعان. سەبەبى ونىڭ جازبالارى ءوزىنىڭ ورتاسىنداعى جاماعاتتى ەكىگە بولۋگە سەبەپ بولعان.
اتى-ءجونىن جاسىرعان ءدىني باسقارمانىڭ قىزمەتكەرى ادىلەت مينيسترلىگى زاڭنىڭ ورىندالۋىن قاداعالاۋ باسقارماسىنىڭ توراعاسى حۋدويور مەليەۆتىڭ ەسكەرتپەسىنەن كەيىن، باس ءمۇفتي ۋسمانحان اليموۆ شەرمۋرود توگايدى قىزمەتىنەن الۋ جونىندە شەشىم شىعارعان.
«تينچليك» مەشىتىنىڭ يمام-حاتيبى بولىپ سايدباكير دوۆۋدوۆ تاعايىندالعان.
ناۋرىز ايىندا يمام شەرمۋرود توگاي وزبەكستان مۇسىلماندارى ءدىني باسقارماسىندا جەمقورلىق جايلاعان دەپ مالىمدەدى.
ال 2 ناۋرىزدا جۇما ناماز كەزىندەگى ۋاعىزدا ول وزبەكستان ۇكىمەتى جانىنداعى ءدىن ىستەرى كوميتەتى قىزمەتىن سىنعا الىپ، يمامداردى مەشىتتەردە «ءسالافيزم» اعىمى بويىنشا ۋاعىز ايتۋعا ماجبۇرلەپ جاتىر دەگەن. سول كەزدە شەرمۋرود توگاي ءومدب توراعاسى قىزمەتىنەن كەتۋ كەرەك دەگەن.
Abai.kz
