تەحنيكا عىلىمدارىنىڭ دوكتورى، پروفەسسور سايات ىبىراەۆ مەرزىمىنەن بۇرىن بوستاندىققا شىقتى. بۇل اقپاراتتىڭ راستىعىن ونىڭ ادۆوكاتى ابزال قۇسپاننان سۇراپ بىلدىك.

«قازىر عانا سوتتان شىقتىم. سايات اعالارىڭنىڭ بوستاندىققا شىققانى راس. سەمەي قالالىق سوتىنىڭ شەشىمى بۇزىلىپ، بۇگىن شقو سوتىنىڭ اپپەلياتسيا القاسىنىڭ قاۋلىسىمەن مەرزىمىنەن بۇرىن بوساتىلدى»، - دەدى ابزال قۇسپان.

ايتا كەتەيىك، 2011 جىلى سايات ىبىراەۆ «ەكسترەميزم» بابى بويىنشا 12 جىلعا سوتتالعان بولاتىن. سايات ىبىراەۆ تۇرمەدە جاتقان كەزدە Abai.kz اقپاراتتىق پورتالى تاعايىنداعان الاش ارىسى ءاليحان بوكەيحانوۆ اتىنداعى تاۋەلسىز قوعامدىق ءتوس بەلگىمەن ماراپاتتالعان ەدى. سونداي-اق، ونىڭ جازىقسىز سوتتالعانىن العاشقى كۇننەن باستاپ كوتەرگەن باسىلىم رەتىندە عالىمنىڭ بوستاندىققا شىعۋىمەن بۇكىل الاش جۇرتىن قۇتتىقتايمىز!

Abai.kz