بۇل وزبەكستاننىڭ اقپاراتتىق تەحنولوگيالار جانە كوممۋنيكاتسيا جونىندەگى ءمينيسترى ازيم احمەدحادجاەۆ پەن رەسەيدىڭ بايلانىس جانە بۇقارالىق كوممۋنيكاتسيا ءمينيسترىنىڭ ورىنباسارى الەكسەي ۆولين اراسىندا تالقىلانعان.

كەلىسسوزگە رەسەي پرەزيدەنتى باسقارۋ ءىسىنىڭ، «روسسيا سەگودنيا»، «پەرۆىي كانال»، «روسسيا24» وكىلدەرى قاتىسقان.

اتاپ ايتقاندا، رەسەيلىك دەلەگاتسيا وزبەك ارىپتەستەرىن رەسەيدىڭ ساندىق تەلەارناعا قالاي كوشكەنىن ءتۇسىندىرىپ، ءموبيلدى تەلەارنا قۇرۋدى ۇسىنعان. مۇنان بولەك «پەرۆىي كانال» ارناسىمەن بىرلەسىپ، رەسەيلىك رەجيسسيورلەردى تارتۋ ارقىلى وزبەكستانعا ەڭبەگى سىڭگەن قايراتكەرلەر جايىندا دەرەكتى فيلمدەر ءتۇسىرۋ تالقىلانعان.

مۇنان بولەك تاراپتار مەديا سالاسىنداعى مامانداردىڭ كاسىبي بىلىكتىلىگىن ارتتىرۋ ماقساتىندا ارنايى فورۋمدار مەن سەمينارلار وتكىزىپ تۇرۋعا كەلىسكەن.

Abai.kz