استانا. 28 قاڭتار. قازاقپارات. بۇگىن اقوردادا مەملەكەت باسشىسى نۇرسۇلتان نازارباەۆ قازاقستان رەسپۋبليكاسى تاۋەلسىزدىگىنىڭ 20 جىلدىعىن وتكىزۋ جونىندە كەڭەس وتكىزدى.

كەڭەسكە پارلامەنت سەناتىنىڭ توراعاسى قاسىم-جومارت توقاەۆ، پارلامەنت ءماجىلىسىنىڭ توراعاسى ورال مۇحامەدجانوۆ، قازاقستان رەسپۋبليكاسىنىڭ مەملەكەتتىك حاتشىسى-سىرتقى ىستەر ءمينيسترى قانات ساۋداباەۆ، پرەزيدەنت اكىمشىلىگىنىڭ باسشىسى اسلان مۋسين، پرەمەر-ءمينيستردىڭ ورىنباسارى-يندۋستريا جانە جاڭا تەحنولوگيالار ءمينيسترى اسەت يسەكەشەۆ، «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين، رەسپۋبليكا وڭىرلەرىنىڭ اكىمدەرى، قازاقستاننىڭ مينيسترلىكتەرى مەن ۆەدومستۆولارىنىڭ باسشىلارى قاتىستى، دەپ حابارلايدى ەلباسىنىڭ ءباسپاسوز قىزمەتى.

كەڭەس بارىسىندا  قازاقستان رەسپۋبليكاسى تاۋەلسىزدىگىنىڭ 20 جىلدىعىن مەرەكەلەۋدى وتكىزۋگە دايىندىق جاساۋ ماسەلەسى، مەرەيتويدى وتكىزۋدىڭ تۇجىرىمداماسى مەن ءىس-شارالار جوسپارى تالقىلاندى.

- بۇگىن مەن جىل سايىنعى قازاقستان حالقىنا جولداۋىمدى بايان ەتتىم. جولداۋدا الداعى جىلعا ارنالعان مەملەكەتتىك ساياساتتىڭ ناقتى باسىمدىقتارى ايقىندالعان. بيىلعى جىلعى جولداۋ نەگىزىنەن الەۋمەتتىك باعىتقا يە. سوندىقتان وندا ءبىزدىڭ ازاماتتارىمىزدىڭ الەۋمەتتىك ءال-اۋقاتىن ارتتىرۋعا قاتىستى شارالاردىڭ ۇلكەن بلوگى كورىنىس تاپقان، - دەپ اتاپ ءوتتى نۇرسۇلتان نازارباەۆ، كەڭەستى اشا وتىرىپ.

استانا. 28 قاڭتار. قازاقپارات. بۇگىن اقوردادا مەملەكەت باسشىسى نۇرسۇلتان نازارباەۆ قازاقستان رەسپۋبليكاسى تاۋەلسىزدىگىنىڭ 20 جىلدىعىن وتكىزۋ جونىندە كەڭەس وتكىزدى.

كەڭەسكە پارلامەنت سەناتىنىڭ توراعاسى قاسىم-جومارت توقاەۆ، پارلامەنت ءماجىلىسىنىڭ توراعاسى ورال مۇحامەدجانوۆ، قازاقستان رەسپۋبليكاسىنىڭ مەملەكەتتىك حاتشىسى-سىرتقى ىستەر ءمينيسترى قانات ساۋداباەۆ، پرەزيدەنت اكىمشىلىگىنىڭ باسشىسى اسلان مۋسين، پرەمەر-ءمينيستردىڭ ورىنباسارى-يندۋستريا جانە جاڭا تەحنولوگيالار ءمينيسترى اسەت يسەكەشەۆ، «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين، رەسپۋبليكا وڭىرلەرىنىڭ اكىمدەرى، قازاقستاننىڭ مينيسترلىكتەرى مەن ۆەدومستۆولارىنىڭ باسشىلارى قاتىستى، دەپ حابارلايدى ەلباسىنىڭ ءباسپاسوز قىزمەتى.

كەڭەس بارىسىندا  قازاقستان رەسپۋبليكاسى تاۋەلسىزدىگىنىڭ 20 جىلدىعىن مەرەكەلەۋدى وتكىزۋگە دايىندىق جاساۋ ماسەلەسى، مەرەيتويدى وتكىزۋدىڭ تۇجىرىمداماسى مەن ءىس-شارالار جوسپارى تالقىلاندى.

- بۇگىن مەن جىل سايىنعى قازاقستان حالقىنا جولداۋىمدى بايان ەتتىم. جولداۋدا الداعى جىلعا ارنالعان مەملەكەتتىك ساياساتتىڭ ناقتى باسىمدىقتارى ايقىندالعان. بيىلعى جىلعى جولداۋ نەگىزىنەن الەۋمەتتىك باعىتقا يە. سوندىقتان وندا ءبىزدىڭ ازاماتتارىمىزدىڭ الەۋمەتتىك ءال-اۋقاتىن ارتتىرۋعا قاتىستى شارالاردىڭ ۇلكەن بلوگى كورىنىس تاپقان، - دەپ اتاپ ءوتتى نۇرسۇلتان نازارباەۆ، كەڭەستى اشا وتىرىپ.

جولداۋدا ەكونوميكانىڭ يندۋستريالدىق-يننوۆاتسيالىق دامۋى جونىندە جاڭا مىندەتتەر قويىلدى. ونى ىسكە اسىرۋ داعدارىستان كەيىنگى دامۋدىڭ ماڭىزدى باسىمدىعىنا اينالادى.

مەملەكەت باسشىسى ۇكىمەتكە، اكىمدەرگە، بارلىق مەملەكەتتىك ورگاندارعا جولداۋدى ىسكە اسىرۋعا كىرىسۋدى تاپسىردى. حالىقتىڭ اراسىندا اۋقىمدى ءتۇسىندىرۋ جۇمىستارىن جۇرگىزۋ قاجەت، ازاماتتاردىڭ باسىمدىقتاردى ىسكە اسىرۋعا بەلسەندى ارالاسۋىنا قوزعاۋ سالۋ كەرەك. ۇكىمەت، پرەزيدەنت اكىمشىلىگى، اكىمدەر، دەپۋتاتتار، «نۇر وتان» حدپ  پرەزيدەنت جولداۋدا العا قويعان مىندەتتەردى ىسكە اسىرۋعا كىرىسۋدى ۇيلەستىرۋلەرى قاجەت.

- جولداۋدا مەن ەلىمىز تاۋەلسىزدىگىنىڭ 20 جىلدىعىن مەرەكەلەۋ ماسەلەسىن ەرەكشە اتاپ ءوتتىم. تاۋەلسىزدىك - بۇل ءبىزدىڭ باستى بايلىعىمىز، باعا جەتكىزگىسىز جەتىستىگىمىز. جاس ەلدىڭ تاريحىنداعى جاڭا ءداۋىر شىنتۋايتىندا ءوزىنىڭ باستاۋىن تاۋەلسىزدىكتەن الادى. جاسامپاز، سەنىمدى جانە قارقىندى دامۋ داۋىرىنەن. سوندىقتان تاۋەلسىزدىك مەرەيتويى ەرەكشە مانگە يە. جانە دە ءبىزدىڭ الدىمىزدا بۇل جىلدى جوعارى ۇيىمداستىرۋ جانە يدەولوگيالىق دەڭگەيدە وتكىزۋ مىندەتى تۇر، - دەپ اتاپ كورسەتتى مەملەكەت باسشىسى.

پرەزيدەنتتىڭ تاپسىرماسى بويىنشا وتكەن جىلى ۇكىمەت جانىنان ۇيىمداستىرۋ كوميتەتى جۇمىس ىستەپ، پرەزيدەنت اكىمشىلىگىمەن، مەملەكەتتىك ورگاندارمەن، «نۇر وتان» حدپ-مەن بىرلەسىپ، دايىندىق جۇمىستارىن جۇرگىزدى. تاۋەلسىزدىكتى مەرەكەلەۋدىڭ تۇجىرىمداماسى مەن ءتيىستى ءىس-شارالار جوسپارى ازىرلەندى.

كەڭەس بارىسىندا «تاۋەلسىزدىكتىڭ 20 جىلدىعىن وتكىزۋ جونىندەگى تۇجىرىمداما مەن ءىس-شارالار جوسپارى تۋرالى» قازاقستان رەسپۋبليكاسىنىڭ مەملەكەتتىك حاتشىسى-سىرتقى ىستەر ءمينيسترى قانات ساۋداباەۆ بايانداما جاسادى.

ءىس-شارالار جوسپارىندا «نۇر وتان» حدپ، قازاقستاننىڭ ازاماتتىق اليانسى جەلىلەرى بويىنشا ءارتۇرلى اكتسيالار وتكىزۋ قاراستىرىلعان. ازاماتتىق قوعام ينستيتۋتتارى مەرەيتويلىق جىلدى وتكىزۋدە ازاماتتىق قوعامدى كەڭىنەن تارتۋدى قامتاماسىز ەتۋگە شاقىرىلدى. جوسپاردا بارلىق وڭىرلەر قامتىلاتىن بىرقاتار ءىس-شارالار قاراستىرىلعان. مىسالى، «اۋىلدىڭ گۇلدەنۋى - قازاقستاننىڭ گۇلدەنۋى» اكتسياسى. ءاربىر تاقىرىپتىق باعىتتاردىڭ اياسىندا وڭىرلەردە ءارتۇرلى باعىتتاعى اكتسيالار وتكىزىلەتىن بولادى.

جوسپاردىڭ اياسىندا 30-عا جۋىق مادەني-كوپشىلىك ءىس-شارالاردى وتكىزۋ كوزدەلگەن. باستى مادەني وقيعانىڭ قاتارىندا - حالىقارالىق ايەلدەر كۇنى، نارۋىز مەيرامى، ەلوردا كۇنى، كونستيتۋتسيا كۇنى مەرەكەلەرىنە بايلانىستى سالتاناتتى كونتسەرتتەر وتەتىن بولادى. وقيعانىڭ شارىقتاۋ شەگى 15 جەلتوقساندا تاۋەلسىزدىكتىڭ 20 جىلدىعىنا وراي سالتاناتتى كونتسەرتكە ۇلاسادى.

مادەنيەت مينيسترلىگىنىڭ جەلىسى بويىنشا كورمەلەر مەن ەكسپوزيتسيالار ۇيىمداستىرالادى، تاۋەلسىزدىك تاقىرىبىنا ارنالعان مۋزىكالىق جانە كوركەم شىعارمالار بايقاۋلارى جاريالانىپ، قورتىندىسى جىل سوڭىندا شىعارالادى.

مەرەكەلىك باعدارلامادا جاستاردىڭ باستامالارىن قولداۋعا جانە ىسكە اسىرۋعا ەرەكشە نازار اۋدارىلعان. ەڭ ءماندى اكتسيا «نۇر وتان» حدپ «جاس وتان» قاناتىنىڭ جاستارىنىڭ ۇيىمداستىرۋىمەن وتكىزىلەدى. ولاردىڭ اراسىنداعى ءىرى شارالارى: «اۋىلدىڭ گۇلدەنۋى - قازاقستاننىڭ گۇلدەنۋى»، «ەرلىك داڭقى وشپەيدى»، «ديپلوممەن اۋىلعا». بۇل جوبالارمەن قاتار جاستار ۆولونتەرلەر رەتىندە مەرەكەلىك باعدارلاماعا بەلسەندى قاتىستىرىلادى.

عىلىمي ينستيتۋتتار جەلىسى بويىنشا عىلىمي-پراكتيالىق كونفەرەنتسيالار، فورۋمدار وتكىزۋ، كىتاپتار شىعارۋ شارالارى ىسكە اسىرىلادى.

«نۇر وتان» حدپ جەلىسى بويىنشا جىل بويىنا تاۋەلسىزدىك تاقىرىبىنا انالعان بىرقاتار اكتسيالار ىسكە اسىرالاتىن بولادى. ولاردىڭ اراسىندا - «مەنىڭ تابىسىم - وتانىمنىڭ تابىسى»، «ەلدىك ءۇشىن، ەل ءۇشىن»، «ەل قازىناسى»، «تاۋەلسىزدىك قۇرداستارى».

كەڭەس بارىسىندا مەملەكەت باسشىسى تاۋەلسىزدىكتىڭ 20 جىلدىعىن مەرەكەلەۋدى ۇيىمداستىرۋ كەزىندە ءىس-شارالار باعدارلاماسىنا حالىقتى جەر-جەردەن جانە كەڭىنەن تارتۋدى قامتاماسىز ەتۋ قاجەتتىگىن اتاپ ءوتتى. ءاربىر قازاقستاندىق مەرەكەلىك كوڭىل-كۇيدى باستان وتكەرىپ، باستى وقيعاعا وزدەرىنىڭ دە قاتىستارى بارىن سەزىنۋلەرى ماڭىزدى.

2011 جىل - بۇل تاۋەلسىز قازاقستاننىڭ دامۋىنداعى تاريحي مارە. بۇل جىلعا ەرەكشە مارتەبە بەرۋ ءۇشىن ول رەسمي تۇردە پرەزيدەنتتىڭ جارلىعىمەن «قازاقستان رەسپۋبليكاسى تاۋەلسىزدىگىنىڭ 20 جىلدىعى جىلى» دەپ جاريالاندى.

بيىلعى جىل «بەيبىتشىلىك پەن جاسامپازدىقتىڭ 20 جىلى» دەگەن ۇرانمەن وتەدى.

ەلىمىزدىڭ مەرەيتويىن جوعارى دەڭگەيدە وتكىزۋ جانە ءتيىمدى ۇيلەستىرۋدى قامتاماسىز ەتۋ ماقساتىندا، مەملەكەتتىك حاتشى باسشىلىق جاسايتىن «قازاقستان رەسپۋبليكاسى تاۋەلسىزدىگىنىڭ 20 جىلدىعى جىلىن مەرەكەلەۋدى وتكىزۋ جونىندەگى مەملەكەتتىك كوميسسيا» قۇرىلدى. ونىڭ قۇرامىندا پرەزيدەنت اكىمشىلىگىنىڭ، ۇكىمەتتىڭ وكىلدەرى، پارلامەنت دەپۋتاتتارى، اكىمدەر، قوعامدىق قۇرىلىمداردىڭ وكىلدەرى بار.

كوميسسيا بارلىق مۇددەلى تاراپتاردى - مەملەكەتتىك ورگانداردى، قوعامدىق ۇيىمداردى، ۇكىمەتتىك ەمەس ۇيىمداردى جانە بيزنەس وكىلدەرىنىڭ كۇش-جىگەرلەرىن توپتاستىرۋدى قامتاماسىز ەتۋى كەرەك.

مەرەكەنىڭ تۇجىرىمداماسى مەن ءتيىستى ءىس-شارالار جوسپارىنا قاتىستى.

نەگىزگى يدەيا - ءاربىر ايدى بەلگىلى ءبىر تاقىرىپقا ارناۋ، سونداي-اق 16 جەلتوقسان قارساڭىندا شارىقتاۋ شەگىنە جەتكىزۋ.

- ءارتۇرلى باعىتتار بويىنشا ۇلكەن جۇمىس كولەمى جوسپارلانعان. ولاردى ورىنداۋ قاجەت. وسى رەتتە، ءفورماليزمدى، ءبىر سارىندىلىقتى، ارتىق داڭعازالىقتى ويدان الىپ تاستاۋ كەرەك. ءاربىر وقيعا ءماندى ءارى مازمۇندى بولۋى ءتيىس. ۇكىمەت «قازاقستان رەسپۋبليكاسى تاۋەلسىزدىگىنىڭ 20 جىلدىعى مەرەكەلەۋدىڭ مەرەيتويلىق مەدالى تۋرالى» جارلىق جوباسىن ەنگىزۋى قاجەت. اتالعان مەدالمەن تاۋەلسىزدىكتى نىعايتۋعا، ەلىمىزدىڭ قالىپتاسۋىنا ەلەۋلى ۇلەسىن قوسقان ازاماتتار ماراپاتتالاتىن بولادى، - دەپ اتاپ ءوتتى مەملەكەت باسشىسى.

جالپى العاندا، ۇكىمەت تاراپىنان ءىس-شارالاردى قارجىلاندىرۋدى قامتاماسىز ەتۋ ماسەلەسى شەشىمىن تاپقان. مەرەكەلەۋگە تەك مەملەكەتتىك ورگاندار عانا ەمەس، سونىمەن قاتار ىسكەر توپتار دا اتسالىسادى.

پرەزيدەنت ۇكىمەتكە «سامۇرىق-قازىنا» ۇلتتىق ءال-اۋقات قورى» اق-مەن بىرلەسىپ قازاقستاندىق كومپانيالار تاراپىنان دەمەۋشىلىك قولداۋ كورسەتۋ ماسەلەسىن پىسىقتاۋدى تاپسىردى.

ماڭىزدى باعىت - بۇل وڭىرلىك دەڭگەيدە ءىس-شارالارعا دايىندىق جاساۋ جانە ونى وتكىزۋ. ءاربىر وڭىردە تاۋەلسىزدىك مەرەيتويىن مەرەكەلەۋ جونىندە وڭىرلىك جوسپارلار ازىرلەنگەن. ول جوسپارلار مەرەكەلەۋ تۇجىرىمداماسىنا قاتاڭ تۇردە سايكەس كەلىپ، ءار ءوڭىردىڭ ەرەكشەلىگىن ەسكەرىپ، ورتاق ءىس-شارالار جوسپارىنا ۇيلەستىرىلۋى قاجەت.

مەرەيتويلىق جىل ­- جاڭا وندىرىستەر مەن جاڭا جۇمىس ورىندارى اشىلاتىن، الەۋمەتتىك-مادەني ماقساتتاعى نىساندار پايدالانۋعا بەرىلەتىن جىل بولۋى ءتيىس. جەرگىلىكتى جەرلەردە وسى باعىتتاعى شارالاردى قاراستىرۋ قاجەت.

- مەن مەرەيتوي ­­- بۇل بارلىق ەلدى مەكەندەردىڭ ءبىرىن قالدىرماي رەتكە كەلتىرۋدىڭ جاقسى مۇمكىندىگى ەكەنىن بۇعان دەيىن دە ايتتىم. ولاردىڭ اباتتاندىرۋىنا ۇنەمى نازار اۋدارىپ، جولدار مەن الەۋمەتتىك-مادەني ماقساتتاعى نىساندارعا جوندەۋ جۇمىستارىن جۇرگىزىپ، گاز تارتىپ، اۋىز سۋمەن قامتاماسىز ەتىپ، جاسىل جەلەككە اينالدىرۋ جۇمىستارىن قولعا الۋ قاجەت. جاقسى باستامالاردى ىسكە اسىرۋ ماڭىزدى، مىسالى، «اۋىلدىڭ گۇلدەنۋى - قازاقستاننىڭ گۇلدەنۋى» مارافون-ەستافەتاسىن ىسكە اسىرۋداعى اقتوبە وبلىسىنىڭ تاجىريبەسىن ايتۋعا بولادى. اتالعان باستاما قازىر جالپىۇلتتىق سيپاتقا يە بولدى. سوندىقتان مۇنداي باستامانى قولداۋ قاجەت. حالىقتىڭ تولعاقتى پروبلەماسىن شەشۋ - باستى باسىمدىق ءارى سىزدەردىڭ جۇمىستارىڭىزدىڭ كورسەتكىشى بولا الادى، - دەپ اتا ءوتتى مەملەكەت باسشىسى.

بيىلعى جىلى قازاقستاننىڭ قازىرگى تاريحىنا ارنالعان عىلىمي ەڭبەكتەر جارىق كورەتىن بولادى. ەكونوميكا مەن الەۋمەتتىك سالانى رەفورمالاۋ، ساياسي جاڭارتۋ، سىرتقى ساياساتتى قالىپتاستىرۋ، جاڭا استانا، قازاقستاندىق پاتريوتيزم مەن حالىقتىڭ بيلىگى، وڭىرلىك ينتەگراتسيا : وسىنىڭ ءبارى دە جەكەلەگەن عىلىمي ەڭبەكتەردىڭ جازىلۋىنا تاقىرىپ بولا الادى. عىلىمي ينستيتۋتار وسى باعىتتا جۇمىس جۇرگىزۋلەرى كەرەك.

تاۋەلسىزدىك مەرەيتويى - شىعارماشىلىق ينتەلليگەنتسيا وكىلدەرى - جازۋشىلار، مۋزىكانتتار، سۋرەتشىلەر ءۇشىن ۇلكەن قىزمەت الاڭى.

تاۋەلسىزدىك مەرەيتويىن مەرەكەلەۋگە ازاماتتىق قوعام ينستيتۋتتارى مەن حالىقتىڭ ءارتۇرلى بۋىنىن كەڭىنەن تارتۋدى قاجەت ەتەدى.

بۇل جۇمىستى باسقارۋدا «نۇر وتان» حدپ ەرەكشە ءرول اتقارۋى كەرەك. سونداي-اق، قازاقستان حالقى اسسامبلەياسىنا دا مىندەتتەر جۇكتەلدى.

قازاقستاننىڭ ازاماتتىق اليانسى جەلىسى بويىنشا بۇل جۇمىسقا ۇكىمەتتىك ەمەس ۇيىمداردى بەلسەندە تۇردە تارتۋ قاجەت. «اتامەكەن» كاسىپكەرلەر وداعىمەن تىعىز جۇمىس جۇرگىزۋ كەرەك. جاستارمەن جۇمىس ىستەۋگە بارىنشا كوڭىل ءبولىنۋى ءتيىس. جاستار بىرلەستىكتەرىنىڭ باستامالارىنا قولداۋ كورسەتىپ، ولارعا پراكتيكالىق تۇرعىدا كومەك بەرىپ، ماڭىزدى ءىس-شارانى وتكىزۋگە كەڭىنەن تارتۋ قاجەت. تاۋەلسىزدىكتىڭ قۇندىلىعىن ناسيحاتتاۋ جونىندە وقۋ ورىندارىندا بەلسەندى جۇمىستار جۇرگىزۋ كەرەكتىگى تۋىندايدى. وسىنىڭ ءبارى جاستاردىڭ جاعىمدى بەلسەندىلىگىن ارتتىرۋعا، پاتريوتيزمگە باۋلىپ، ولاردىڭ قازاقستاننىڭ تاۋەلسىزدىگىنىڭ قۇرىلىسىنا ورتاق ەكەندىكتەرىن سەزىنۋلەرىنە سەپتىگىن تيگىزۋى ءتيىس.

- تاۋەلسىزدىك - بۇل بولاشاق ۇرپاقتارعا قالدىرۋ ءۇشىن كوزدىڭ قاراشىعىنداي ساقتايتىن جانە نىعايتاتىن، ءبىزدىڭ باستى يگىلىگىمىز. ەلىمىز ءوزىنىڭ دامۋىنىڭ 20 جىلى ىشىندە قول جەتكىزگەننىڭ بارلىعى تاۋەلسىزدىكتىڭ ارقاسىندا كەلدى جانە ءبىز وسىنى ەشقاشان ۇمىتپاۋعا ءتيىسپىز. بۇل - وتكەندەگى جەتىستىكتەرىمىز تۋرالى ايتۋعا عانا ەمەس، بۇل ەرتەڭگى كۇنگە سەنىممەن قاراۋىمىزعا سەبەپ. بىرلەسكەن كۇش-جىگەرىمىزدىڭ ارقاسىندا ءبىز تاۋەلسىزدىك مەرەيتويىن ەڭ بيىك دەڭگەيدە وتكىزەتىنىمىزگە سەنەمىن، - دەپ اتاپ كورسەتتى نۇرسۇلتان نازارباەۆ.

*** 
كەڭەس بارىسىندا سونداي-اق وڭىرلەردە ۇدەمەلى يندۋستريالدىق-يننوۆاتسيالىق باعدارلامانى ىسكە اسىرۋ ماسەلەسى تالقىلاندى.

2010 جىلى 23 مىڭ تۇراقتى جۇمىس ورنىنىڭ اشىلۋىمەن، قۇنى 800 ملرد. استام تەڭگەنىڭ يندۋستريالاندىرۋ كارتاسى پايدالانۋعا بەرىلدى.

- جاھاندىق داعدارىستىڭ ءبىزدىڭ ەلىمىزدىڭ ەكونوميكاسىنا ىقپال ەتۋىنە قاراماستان، ءبىز تەك ەكونوميكالىق ءوسىمدى ساقتاپ قانا قويعانىمىز جوق، قارجىلىق جۇيەنى جانە وتكەن جىلدارى قابىلداعان بارلىق الەۋمەتتىك مىندەتتەمەلەردى ساقتاپ قالدىق. ءبىز ەكونوميكا مەن مەملەكەتتى دامىتۋدى باسقارۋدا جۇيەلى جانە تەرەڭ وزگەرىستەردى باستادىق. بۇل تۋرالى مەن قازاقستان حالقىنا جولداۋىمدا تولىق ايتىپ ءوتتىم، - دەپ اتاپ ءوتتى مەملەكەت باسشىسى.

جەدەل ەكونوميكالىق جاڭارۋدىڭ نەگىزىنىڭ ءبىرى - يندۋستريالدىق جوبالاردى مەملەكەتتىك قولداۋ ايقىندالدى. مەملەكەتتىك - جەكە مەنشىك ارىپتەستىكتىڭ بىرەگەي قۇرالى - يندۋستريالاندىرۋ كارتاسى ىسكە قوسىلدى. كارتاداعى ءاربىر جوباعا مەملەكەتتىك ورگانداردىڭ باسشىلارى دەربەس جاۋاپكەر رەتىندە بەكىتىلدى. ءاربىر جوبانىڭ مەملەكەتتىك قولداۋ شاراسى اياسىندا رەسۋرستىق جانە سۇرانىستىق قامتاماسىز ەتۋ مانىنە ساراپتاما جۇرگىزىلدى. بۇل ءۇشىن ۇكىمەت وندىرىستىك قۋاتتىلىقتى ورنالاستىرۋ سحەماسىن ازىرلەپ، بەكىتتى.

پرەزيدەنت اۋىلعا ارنالعان كرەديت ماسەلەسىنە ەرەكشە نازار اۋداردى.

- ەلدى مەكەندەردە قازاقستان حالقىنىڭ شامامەن تەڭ جارتىسى تۇرادى. ەلىمىزدىڭ جەتىستىككە جەتۋى اۋىلدىڭ دامۋ قارقىنىنا بايلانىستى. وسى سالانى رەتتەۋ، ميكروكرەديتتىك جۇيەگە قول جەتىمدىلىكتى قۇرۋعا كۇش-جىگەردى باعىتتاۋ كەرەك، - دەپ اتاپ ءوتتى نۇرسۇلتان نازارباەۆ.

مەملەكەت باسشىسى سونداي-اق اكىمدەرگە باعا جانە تاريفتەر جاعدايىن تۇراقتاندىرۋ جونىندە ناقتى شارالاردى قابىلداۋ، كوممۋنالدىق ينفراقۇرىلىم جونىندەگى ماسەلەنى پىسىقتاۋ تۋرالى تاپسىرما بەردى.