بۇل جونىندە داستانبەك سارىمساكوۆتىڭ اكەسى حۋرساندبەك سارىمساكوۆ وشتا وتكىزگەن ءباسپاسوز ءماسليحاتى كەزىندە ايتتى.

"ميرزياەۆ قىرعىزستانعا 5 قىركۇيەكتە كەلدى، ال مەنىڭ ۇلىمدى 2 قىركۇيەكتە ۇستاپ اكەتتى. ونى «ەلشىلىكتى، شىركەۋدى جارىپ، وزبەك پرەزيدەنتىنە قاستاندىق جاساماق بولدى» دەپ ايىپتادى. مەنىڭ ۇلىم جالعىز ءوزى وسىنىڭ ءبارىن ۇيىمداستىرماق بولىپتى-مىس. ەگەر وسىلاي بولسا، ونىڭ سىبايلاستارى بولۋى كەرەك عوي. قۇقىق قورعاۋ ورگاندارىنان بۇل جازانىڭ اقيقاتىن اشۋدى تالاپ ەتەمىن. وسى كۇنگە دەيىن بىردە-ءبىر دالەل جوق،" – دەدى حۋرساندبەك سارىمساكوۆ.

بىلتىر 2 قىركۇيەكتە 30 جاستاعى وش وبلىسى گايرات اۋىلىنىڭ تۇرعىنى داستانبەك سارىمساكوۆ ۇستالعان بولاتىن. سول كەزدە قۇقىق قورعاۋ ورگاندارى ونىڭ كولىگىنەن ءبىر قاپ جارىلقىش زات تابىلعانىن مالىمدەگەن.

بىراق سوتتالۋشىنىڭ اكەسى ۇيىندە ەشقانداي جارىلقىش زات بولماعانىن ايتادى. ونى تەك ازاپتاۋ ارقىلى مويىنداتتى دەيدى حۋرساندبەك سارىمساكوۆ.

17 ساۋىردە وش وبلىستىق سوتى بەكزات وسمونكۋلوۆ حۋرساندبەك سارىمساكوۆتىڭ بارلىق شاعىمىن جوققا شىعاردى. ونىڭ ايتۋىنشا، داستانبەك سارىمساكوۆتى ازاپتاۋ ورىن الماعان.

"سوت بارىسىندا ول سيرياداعى سودىرلارمەن بايلانىستا بولعانىن مويىندادى. مۇنان بولەك ول الەۋمەتتىك جەلى ارقىلى ءبىر اداممەن بايلانىسقانىن، ول وش جانە بىشكەك قالالارىندا جارىلىس جاساۋعا شاقىرعانىن مويىندادى", – دەيدى بەكزات وسمونكۋلوۆ.

Abai.kz