ۇلتتىق مۇددە، ۇلتتىق نامىستان بيىك تۇراتىن ەشقانداي مۇرات جوق. جەتپىس جىل بويى شوۆينيستىك مەتروپوليانىڭ تەپەرىشىن كورگەنىمىز از بولعانداي، ەندى، مىنە، ەسىكتەن كىرىپ ءتور مەنىكى دەپ جۇرگەن تاعى ءبىر كەلىمسەك كەلىپ قازاق جونىندە، قازاق قىزدارى تۋرالى ارسىز ءسوز ايتىپ، توبەمىزگە قۇسا باستادى. ۇلكەن اقپارات كەڭىستىگىن ۇستاپ وتىرعان "Facebook مودەراتورلارى" قايدا قاراپ وتىر؟ ەۆگەني ۆوججوۆ ەسىمدى ورىس ازاماتى: «منە پوحۋي. وني پروستو وبەزيانى». كاجدىي دەن موزگ ەبۋت. كاك نام كازاكام نە ترەنيروۆاتسيا؟... (قازاقتاردى ايتادى) دەگەن اۋىر سوزدەر ايتىپ سوگەدى. ال، قازاق قىزدارى جونىندە جازعانىن قايتالاۋعا اۋزىم بارمايدى.

مىنە، وزگە ۇلت وكىلدەرىنىڭ قازاق جونىندەگى كوزقاراسى. جانە ول ارسىز ءوز ويىن ءىرى اقپارات كەڭىستىگىنە كىرەتىن Facebook ارقىلى تاراتتى. ءبىر سوزبەن ايتقاندا بۇل ازامات قازاق حالقىنىڭ، قازاق قىزدارىنىڭ ۇلتتىق ار-نامىسىنا پىشاق سىلتەدى. اسىمدى ءىشىپ، اياعىمدى تاعى تەپتى. سوڭعى جىلدارى قازاق جەرىندەگى دياسپورا وكىلدەرى ىشتەن شۋ شىعارۋدى، ۇلتارالىق قاتىناستى شايقالتۋدى جيىلەتىپ بارادى.

ءبىز نەگە وسىنداي جايلارعا «ۇلتتىق نىشان» بەرۋدەن قورقامىز؟.. سەبەبى ول ءوزىنىڭ اۋىر سوزىمەن مەنىڭ ۇلتتىق نامىسىما ءتيدى. وزگە ۇلت قازاققا مىلتىق اتادى، ال، جاۋاپتالاتىن  تاعى دا قازاق. سونىڭ سالدارىنان ەۆگەني ۆوججوۆ سەكىلدىلەر كۇننەن كۇنگە ەركىنسىپ بارادى. ۇلتارالىق ماسەلەنىڭ ءتۇيىنىن شەشكىش بولسا «ۇلتتار اسسامبلەياسىنداعى» ۇلتتى ۇيىستىرعىش زيالىلار قايدا قاراپ وتىر؟ وسى ما ولاردىڭ دوسشىل جۇرەك، بىرلىككە شاقىرعان اعايىنشىلىعى؟ نەگە  ۆوججوۆ سياقتىلاردى تەزگە سالمايدى؟ الدە، بۇل قازاقتار بارىنە كونە بەرەدى دەگەندەرى مە؟

ءبىز نەگە  ەشتەڭەنى سەزىنبەيتىن، نامىسسىز، ەز بولىپ بارا جاتىرمىز؟ قازاقستاندا ۇلتتىق مۇددەنى قورعايتىن مەملەكەت، زاڭ ورىندارى بار ما وسى؟ ۇلتتىڭ ءوزىن-ءوزى قورعاۋى ءۇشىن، زاڭ دا قاتال، ءداستۇر دە قاتتى بولۋى كەرەك ەمەس پە؟

«جامان ءۇيدى قوناعى بيلەيدى»  دەگەن - وسى. ۇلتىمنىڭ ار-نامىسى، قىزدارىمىڭ ابىرويى مەن ءۇشىن بارىنەن بيىك.

ءسوزدىڭ قىسقاسى، بىزدەردى دياسپورا وكىلدەرىنىڭ قايتا-قايتا ارانداتۋ ارەكەتتەرى الاڭداتادى. شىدامنىڭ دا شەگى بار، قازاقتى اشىندىرا بەرۋگە بولمايدى. ەۆگەني ۆوججوۆتىڭ ءىسى باسىنعاندىق، جۇگەنسىزدىك، نامىسىمىزدى قورلاۋ. بۇعان مودەراتورلار، پروكۋراتۋرا، ءىىب قر-نىڭ كونستيتۋتسياسى مەن زاڭدارىنا سايكەس ءوز سوزدەرىن ايتىپ، زاڭ تەزىنە الۋلارى كەرەك. «نامىس - ادامزاتتىڭ التىن تۋى» دەگەن باۋىرجان مومىشۇلى، «ديسكريميناتسيا» ماسەلەسىن قوزدىرعانى ءۇشىن قر-نىڭ زاڭىنا سايكەس پروكۋراتۋرا ورگاندارى مۇنى ايعاقتارمەن دالەلدەپ، شوۆينيست ەۆگەني ۆوججوۆتىڭ ۇستىنەن قىلمىستىق ءىس كوتەرەدى دەپ ۇمىتتەنەمىن.

ن.قوشامانۇلى، اقتوبە قالاسى

Abai.kz اقپاراتتىق پورتالىندا جاريالانعان ماقالاعا پىكىر ايتىپ، ويىڭىزدى بىلدىرگىڭىز كەلسە،مىنا پاراقشاعا جازىپ قالدىرىڭىز!

Abai.kz