قازىرگى ۋاقىتتا وبلىستا جەتىم جانە اتا-اناسىنىڭ قامقورلىعىنسىز قالعان 1463 بالا بار. ونىڭ ىشىندە 697 بالا - جەتىم، 658-ءى - اتا-اناسىنىڭ قامقورلىعىنسىز قالعاندار.
قازىرگى كەزدە وسىنداي بالانىڭ جارىم كوڭىلىنە قۋانىش سىيلاپ، بالانى ءوز قامقورلىعىنا الىپ، بالالارعا اتا-انالىق ماحابباتىن سىيلاعان جاندار بارشىلىق. سونداي التىن جۇرەكتى جاندارعا ۇكىمەتىمىز قولداۋ كورسەتۋدە. مىسالى، سوڭعى جىلدارى بالانى جاڭا وتباسىنا بەيىمدەۋدىڭ تاعى ءبىر ءتۇرى - پاتروناتتىق تاربيە جولعا قويىلدى.
پاتروناتتىق تاربيە - جەتىمدىكتىڭ الدىن الۋعا جانە بالانىڭ ۇلكەندەرمەن، اينالاسىنداعى ادامدارمەن تۇراقتى تۇردە قارىم-قاتىناس جاساپ وتىرۋىنا جانە ولاردىڭ پسيحيكاسىنىڭ دۇرىس دامۋىنا اسەرى مول. قازىرگى ۋاقىتتا وبلىستا 74 وتباسى ۇيىندە 108 بالا تاربيەلەنىپ جاتىر.
وبلىستىق بالالاردىڭ قۇقىقتارىن قورعاۋ دەپارتامەنتى توقسان سايىن پاترونات وتباسى ۇيلەرىن ارالاپ، ولاردىڭ جاعدايلارىمەن تانىسىپ، قيىندىق تۋىنداپ وتىرعان ماسەلەلەرى تۋرالى اڭگىمەلەسەدى.

قازىرگى ۋاقىتتا وبلىستا جەتىم جانە اتا-اناسىنىڭ قامقورلىعىنسىز قالعان 1463 بالا بار. ونىڭ ىشىندە 697 بالا - جەتىم، 658-ءى - اتا-اناسىنىڭ قامقورلىعىنسىز قالعاندار.
قازىرگى كەزدە وسىنداي بالانىڭ جارىم كوڭىلىنە قۋانىش سىيلاپ، بالانى ءوز قامقورلىعىنا الىپ، بالالارعا اتا-انالىق ماحابباتىن سىيلاعان جاندار بارشىلىق. سونداي التىن جۇرەكتى جاندارعا ۇكىمەتىمىز قولداۋ كورسەتۋدە. مىسالى، سوڭعى جىلدارى بالانى جاڭا وتباسىنا بەيىمدەۋدىڭ تاعى ءبىر ءتۇرى - پاتروناتتىق تاربيە جولعا قويىلدى.
پاتروناتتىق تاربيە - جەتىمدىكتىڭ الدىن الۋعا جانە بالانىڭ ۇلكەندەرمەن، اينالاسىنداعى ادامدارمەن تۇراقتى تۇردە قارىم-قاتىناس جاساپ وتىرۋىنا جانە ولاردىڭ پسيحيكاسىنىڭ دۇرىس دامۋىنا اسەرى مول. قازىرگى ۋاقىتتا وبلىستا 74 وتباسى ۇيىندە 108 بالا تاربيەلەنىپ جاتىر.
وبلىستىق بالالاردىڭ قۇقىقتارىن قورعاۋ دەپارتامەنتى توقسان سايىن پاترونات وتباسى ۇيلەرىن ارالاپ، ولاردىڭ جاعدايلارىمەن تانىسىپ، قيىندىق تۋىنداپ وتىرعان ماسەلەلەرى تۋرالى اڭگىمەلەسەدى.
اقتوبە قالاسىندا ءبىر وتباسىندا بىرنەشە بالادان تاربيەلەپ وتىرعان وتباسىلار بار. قازىرگى ۋاقىتتا 9 وتباسى 2 بالادان تاربيەلەپ وتىر. ولاردىڭ ىشىندە بالكۇمىس يسماعۇلوۆا، باعداگۇل قازبانوۆا جانە تاعى وسباسقا پاترونات تاربيەشىلەرى وزدەرىنىڭ قامقورلىعىنا العان بالالاردىڭ تاربيەسىنە، ءبىلىم بەرۋ جانە الەۋمەتتىك ماسەلەسىنە ەرەكشە كوڭىل ءبولىپ، بارلىق جاعدايلار جاساپ وتىر. تاربيەلەنۋشىلەر دە وزدەرىنىڭ قامقورشى تاربيەشىلەرىنە ءدان ريزا. وتباسىنىڭ نەگىزگى مىندەتى - بالانى ەڭبەك ەتۋگە، الدىنا ماقسات قويىپ سول مۇراتتارعا جەتە بىلۋگە تاربيەلەۋ. وتباسىنداعى ەرەسەكتەرى وزدەرىنىڭ ونەگەسى ارقىلى جاس بالالارعا ۇلگى بولادى.
ءاربىر بالانى اسىراپ-باعۋعا قازاقستان رەسپۋبليكاسىنىڭ ۇكىمەتى پاترونات تاربيەشىلەرىنە بەلگىلەنگەن تارتىپپەن جانە مولشەردە اي سايىن اقشالاي قاراجات تولەپ وتىر.
بالالار ۇيىندەگى بالالارعا ۇكىمەت قانشا جاعداي جاساسا دا، اتا-انانىڭ مەيىرىم شۋاعىنا جەتپەيدى. سوندىقتان جۇرەگى كەڭ، تۇرمىسى ءتاۋىر ازاماتتار بالالار ۇيىنەن قامقورشىلىققا، پاتروناتقا بالا الىپ جاتسا، ەلىمىزدە جەتىم بالالار سانى ازايار ەدى…

ب.تويبازاروۆا،
وبلىستىق بالالاردىڭ قۇقىقتارىن قورعاۋ دەپارتامەنتىنىڭ
قورعانشىلىق جانە بالالارعا كومەك ءبولىمىنىڭ باس مامانى
«اقتوبە» وبلىستىق گازەتى 9 ماۋسىم 2009 جىل