ءبىزدىڭ بيلىك تۋرالى وسىعان دەيىن دە ءبىراز ايتىلدى. بيلىك سىني پىكىردى قابىلداۋعا دايىن ەمەس، قۇلىقسىز. سىني پىكىر ايتقانداردى جاۋ سانايدى. ءبىزدىڭ بيلىككە شىندىقتى ايتۋ - ەت پەن سورپاعا تويدىرىپ، شارشاتىپ، ماقتاپ-ماسايراتىپ، كوزى جۇمىلىپ، ۇيىقتاپ بارا جاتقاندا ۇستىنە كورپە جاۋىپ، «سەنىكى دۇرىس ەمەس-اۋ» دەپ كۇرسىنەتىن دارەجەدە. ەلدەگى جەمقورلىقتى جەڭەمىز دەگەنى شىن بولسا، ءباسپاسوز ءاربىر شەنەۋنىكتى يتشە تالاپ، قىلمىسى اشىلعاندار، كۇدىككە ىلىنگەندەر اسىلىپ، يا اتىلىپ ولەتىن جاعدايعا جەتكىزۋ كەرەك. سوندا بالكىم، ءبىراز كەمشىلىكتىڭ الدىن الار ەدىك. ءاربىر جۇرگەن-تۇرعانى، ىشكەن-جەگەنى، ايتقانى-ىستەگەنى قوعامدىق باقىلاۋعا الىنباي، كۇن سايىن جۋرناليستەردىڭ الدىنا شىعىپ، ىستەگەنىن حالىققا ەجىكتەپ تۇسىندىرمەي، ەلىمىزدە ەشتەڭە ونبەيدى. ءباسپاسوزدىڭ جارتىلاي، شيرەك بوستاندىعى بولمايدى. يا بوستانسىڭ، ەركىنسىڭ، ويىڭا كەلگەندى ەركىن جازاسىڭ، يا قۇلسىڭ، بايلاۋلى، سۇيەك كەمىرگەن ءيتسىڭ. باسقا فازاسى، ءتۇرى، پوشىمى جوق. وسى ەكى وپتسيا عانا بولۋى مۇمكىن. 

ايدوس سارىم

Abai.kz