سامالدىڭ جەڭىسىنە ءبارىمىز دە قۋانىپ جاتىرمىز عوي. ءوزىم ءبىر نارسە بايقادىم: وسى قارىنداستىڭ جۇزىندە، كوزىندە ءبىر مۇڭ بار. ءتىپتى جەڭىمپاز ەسىمى اتالىپ، ساحناعا شىققاندا دا كەتپەگەن. نەگە ەكەن؟! "ايكا" فيلمىندە ويناعان ءرولى - تاعدىرى تارتىسقا تولى قىرعىز قىزى ەكەن، سودان با؟ ايتەۋىر ءوز باسىم سامالدىڭ فيلمدەگى ءرولىن جان-تانىمەن ويناعانى، سول قالپىنان ءالى تولىق ايىعا الماي جۇرگەنى سەبەپ شىعار دەپ ءتۇيدىم. باقىتتى بولسىن قارىنداسىمىز!

تاعى ءبىر وي: كينەماتوگرافيا نە دەگەن سۇڭعىلا ءونەر؟! جەتى جىل بويى ءتۇسىرىلىپتى، ياعني ونىڭ يدەياسى ودان دا بۇرىن تۋعانى انىق. سوندا وسىدان كەمىندە 7 جىلدان كەيىن كەلەتىن كورەرمەندى ءتانتى قىلاتىن شىعارما رەجيسسەردىڭ ميىندا تۋىپ، جۇرەگىندە ءپىسىپ تۇر عوي. ۋاقىت ولتىرەتىن، سابىنداي كوپىرەتىن مەلودراما سەريال ەمەس، شىنايى ونەر تۋىندىسىن ومىرگە اكەلۋدىڭ ازابى مەن مەحناتىن، قيىندىعى مەن كەدەرگىلەرىن شامامەن عانا تۇسىنۋگە تىرىسامىن. سوسىن باسىمدى يەمىن.

قازىبەك قۇتتىمۇراتۇلىنىڭ facebook-تەگى پاراقشاسىنان

Abai.kz