Самалдың жеңісіне бәріміз де қуанып жатырмыз ғой. Өзім бір нәрсе байқадым: осы қарындастың жүзінде, көзінде бір мұң бар. Тіпті жеңімпаз есімі аталып, сахнаға шыққанда да кетпеген. Неге екен?! "Айка" фильмінде ойнаған рөлі - тағдыры тартысқа толы қырғыз қызы екен, содан ба? Әйтеуір өз басым Самалдың фильмдегі рөлін жан-тәнімен ойнағаны, сол қалпынан әлі толық айыға алмай жүргені себеп шығар деп түйдім. Бақытты болсын қарындасымыз!

Тағы бір ой: Кинематография не деген сұңғыла өнер?! Жеті жыл бойы түсіріліпті, яғни оның идеясы одан да бұрын туғаны анық. Сонда осыдан кемінде 7 жылдан кейін келетін көрерменді тәнті қылатын шығарма режиссердің миында туып, жүрегінде пісіп тұр ғой. Уақыт өлтіретін, сабындай көпіретін мелодрама сериал емес, шынайы өнер туындысын өмірге әкелудің азабы мен мехнатын, қиындығы мен кедергілерін шамамен ғана түсінуге тырысамын. Сосын басымды иемін.

Қазыбек Құттымұратұлының facebook-тегі парақшасынан

Abai.kz