وبلىستىڭ كاسىپكەرلەر پالاتاسى ۇيىمداستىرعان فورۋمعا قاتىسۋشىلار بىرلەسكەن جوبالار جاساۋ، ونىمدەردى ەكسپورتتاۋ جانە يمپورتتاۋ، باسقا ەلدەردىڭ نارىقتارىنا شىعۋ ءۇشىن ءوزارا كومەكتەسۋ ماسەلەلەرىن تالقىلادى.
جەرگىلىكتى اقپارات اگەنتتىكتەرىنىڭ حابارلاۋىنشا، فورۋم اياسىندا 62 ملن دوللار تۇراتىن سەگىز قۇجاتقا قول قويىلدى. ونىڭ ىشىندە وقو اكىمدىگى مەن وزبەكتىڭ Alliance textile كومپانياسى اراسىندا ايماقتاعى ماقتا-ماتا سالاسىنا ينۆەستيتسيا سالۋ مەموراندۋمى بار.
بۇعان قوسا، اكىمدىك پەن وزبەكتىڭ "دەنتافيل پليۋس" كومپانياسى وبلىستا مەديتسينالىق بۇيىمدار ءوندىرۋ جونىندە زاۋىت قۇرىلىسىن سالۋ تۋرالى مەموراندۋم قابىلدادى.
بيزنەس-فورۋم كەزىندە ىسكەرلىك كەڭەسىنىڭ العاشقى وتىرىسى ءوتتى.
وزبەكستان سوڭعى ۋاقىتتا كورشى ەلدەرمەن ساياسي جانە ەكونوميكالىق قارىم-قاتىناسىن جاقسارتۋعا كۇش سالىپ وتىر. ەلدىڭ سىرتقى ساياساتتاعى باعىتىنىڭ وزگەرۋىنە 2016 جىلى بيلىككە شاۆكات ميرزياەۆتىڭ كەلۋى تۇرتكى بولدى. ميرزياەۆ وزبەكستاندى وقشاۋلاۋ ساياساتىن جۇرگىزىپ كەلگەن پرەزيدەنت يسلام كاريموۆتىڭ قازاسىنان سوڭ بيلىككە كەلگەن ەدى. رەسمي تاشكەنت ورتالىق ازيا مەملەكەتتەرىمەن بايلانىستى جاقسارتۋ - سىرتقى ساياساتتاعى باسىم باعىتى رەتىندە اتادى.
Abai.kz
