استانا. 9 اقپان. قازتاگ - پرەزيدەنت سايلاۋىنا قاتىسۋعا ۇمىتكەر مۇساعالي دۋامبەكوۆ مەملەكەتتىك ءتىلدى ەركىن مەڭگەرۋ بويىنشا ەمتيحاننان ءوتتى، دەپ ءمالىم ەتتى لينگۆيستيكالىق كوميسسيانىڭ توراعاسى مىرزاتاي جولداسبەكوۆ.

«لينگۆيستيكالىق كوميسسيانىڭ مۇشەلەرى پرەزيدەنتتىككە ۇمىتكەر مۇساعالي دۋامبەكوۆ قازاق ءتىلىن ەركىن مەڭگەرگەن دەگەن قورىتىندىعا كەلدى»، - دەدى ول سارسەنبى كۇنى كوميسسيانىڭ شەشىمىن جاريالاي وتىرىپ.

كوميسسيا توراعاسىنىڭ ايتۋىنشا، م.دۋامبەكوۆ ءوزىنىڭ جازباشا جۇمىسىندا ويىن دۇرىس جەتكىزە الاتىنىن كورسەتتى، بىراق 5 قاتە جىبەرگەن: 1 - ورفوگرافيالىق، 2 ستيليستيكالىق جانە 2 پۋنكتۋاتسيالىق قاتە. ەكىنشى تاپسىرمانى ورىنداۋ كەزىندە ۇمىتكەر قازاق اقىنى ماعجان جۇماباەۆتىڭ 3 ولەڭىن وقىپ بەردى. كوميسسيا ونىڭ جاقسى وقىعانىن اتاپ ءوتتى.

«ەمتيحاننىڭ ءۇشىنشى بولىگى - ءسوز سويلەۋدە - دۋامبەكوۆ ءوز ويىن دۇرىس جەتكىزە الاتىنىن دالەلدەدى. كەمشىلىكتەر دە بولدى، بىراق وتە ماڭىزدى جانە قوسىمشا سۇراقتارعا دۇرىس جاۋاپ بەردى»، - دەدى م.جولداسبەكوۆ.

ەسكە سالا كەتەيىك، 8 اقپاندا ءوزىن-ءوزى ۇسىنعان ءۋاليحان قايساروۆ «قازاقستاننىڭ بولاشاعى بۇگىننەن باستالادى» تاقىرىبىندا جازعان جازباشا جۇمىسىندا 28 لينگۆيستيكالىق، ورفوگرافيالىق جانە ستيليستيكالىق قاتە جىبەرىپ، ەمتيحاننان وتپەي قالعان بولاتىن. كوميسسيا توراعاسى ۋ.قايساروۆ ءوز شىعارماسىندا تاقىرىپتى اشا المادى دەدى.

استانا. 9 اقپان. قازتاگ - پرەزيدەنت سايلاۋىنا قاتىسۋعا ۇمىتكەر مۇساعالي دۋامبەكوۆ مەملەكەتتىك ءتىلدى ەركىن مەڭگەرۋ بويىنشا ەمتيحاننان ءوتتى، دەپ ءمالىم ەتتى لينگۆيستيكالىق كوميسسيانىڭ توراعاسى مىرزاتاي جولداسبەكوۆ.

«لينگۆيستيكالىق كوميسسيانىڭ مۇشەلەرى پرەزيدەنتتىككە ۇمىتكەر مۇساعالي دۋامبەكوۆ قازاق ءتىلىن ەركىن مەڭگەرگەن دەگەن قورىتىندىعا كەلدى»، - دەدى ول سارسەنبى كۇنى كوميسسيانىڭ شەشىمىن جاريالاي وتىرىپ.

كوميسسيا توراعاسىنىڭ ايتۋىنشا، م.دۋامبەكوۆ ءوزىنىڭ جازباشا جۇمىسىندا ويىن دۇرىس جەتكىزە الاتىنىن كورسەتتى، بىراق 5 قاتە جىبەرگەن: 1 - ورفوگرافيالىق، 2 ستيليستيكالىق جانە 2 پۋنكتۋاتسيالىق قاتە. ەكىنشى تاپسىرمانى ورىنداۋ كەزىندە ۇمىتكەر قازاق اقىنى ماعجان جۇماباەۆتىڭ 3 ولەڭىن وقىپ بەردى. كوميسسيا ونىڭ جاقسى وقىعانىن اتاپ ءوتتى.

«ەمتيحاننىڭ ءۇشىنشى بولىگى - ءسوز سويلەۋدە - دۋامبەكوۆ ءوز ويىن دۇرىس جەتكىزە الاتىنىن دالەلدەدى. كەمشىلىكتەر دە بولدى، بىراق وتە ماڭىزدى جانە قوسىمشا سۇراقتارعا دۇرىس جاۋاپ بەردى»، - دەدى م.جولداسبەكوۆ.

ەسكە سالا كەتەيىك، 8 اقپاندا ءوزىن-ءوزى ۇسىنعان ءۋاليحان قايساروۆ «قازاقستاننىڭ بولاشاعى بۇگىننەن باستالادى» تاقىرىبىندا جازعان جازباشا جۇمىسىندا 28 لينگۆيستيكالىق، ورفوگرافيالىق جانە ستيليستيكالىق قاتە جىبەرىپ، ەمتيحاننان وتپەي قالعان بولاتىن. كوميسسيا توراعاسى ۋ.قايساروۆ ءوز شىعارماسىندا تاقىرىپتى اشا المادى دەدى.

ەمتيحاننىڭ ەكىنشى بولىگى - كوركەم ءماتىندى وقۋ ورتاشا دەڭگەيدە بولدى.

سونداي-اق، ول ءسوز سويلەۋ كەزىندە دە بىرنەشە قاتە جىبەرىپ، ناقتى بولمادى، قوسىمشا سۇراقتارعا تولىق جاۋاپ بەرە المادى.

وسىلايشا ۋ.قايساروۆ ءبىرىنشى كەزەڭنەن وتپەي قالدى.

وسك تۇستەن كەيىن وتىرىس وتكىزىپ، پرەزيدەنتتىككە كانديدات ۋ. قايساروۆتىڭ كونستيتۋتسياعا جانە «قر سايلاۋ تۋرالى» كونستيتۋتسيالىق زاڭىنىڭ تالاپتارىنا سايكەستىگى نەمەسە سايكەس كەلمەيتىنى تۋرالى شەشىمىن جاريالايدى.