ماۋسىمنىڭ ءتورتى كۇنى تاشكەنتتە قازاقستاننىڭ وزبەكستان رەسپۋبليكاسىنداعى ەلشىلىگى كولىگىنىڭ قاتىسۋىمەن ءىرى جول-كولىك وقيعاسى بولعان ەدى. ەلشىلەر مىنگەن «نيسسان-ماكسيما» الدەقانداي «تويوتا-پرادومەن» ءتۇيىسىپ، اۋدارىلىپ بارىپ كوشەدەگى ءۇش جاياۋدى قاعىپ كەتكەن. اۋىر جاراقات العان ءبىر ادام كەيىن اۋرۋحانادا قازا تاپتى. عالامتورداعى كەيبىر اقپارات قۇرالدارى كولىك قاقتىعىسىنا قازاقستاندىق ەلشىلەر كىنالى دەپ حابارلاعان-دى. بىراق قازاقستان ەلشىلىگى وكىلدەرى ءوز سايتتارىندا وقيعانى قاز-قالپىندا بايانداپ، جۋرناليستەر بۇرمالاعان تۇستاردىڭ انىق-قانىعىن اشىپ بەردى.
ەلشىلىك تاراتقان ءباسپاسوز مالىمدەمەسىنە سۇيەنسەك، «نيسسان-ماكسيما» جۇرگىزۋشىسى قىزمەتتىك ساپاردان كەلە جاتقان قازاقستاندىق كونسۋلدى اۋەجايدان كۇتىپ الىپ، ديپلوماتتاردىڭ ءبىرىنىڭ ۇيىنە بەت الادى. جولدا وقىستان دجيپكە سوعىلىپ، اۋدارىلىپ قۇلاعان كولىك ءۇش جاياۋدى قاعىپ كەتەدى. جۇرگىزۋشىنىڭ ارت جاعىندا وتىرعان كونسۋل سالدەن كەيىن ەسىن جيىپ، زارداپ شەككەن جاياۋلارعا كومەككە ۇمتىلعان.
– قينالىپ جاتقان قىز بالانى كورىپ، تاكسي ۇستاپ، اۋرۋحاناعا اپاردىم. دارىگەرلەرگە وعان جاقسىلاپ كومەك كورسەتۋدى تاپسىردىم. ال رۋلدە بولعان ەلشىلىكتىڭ ءۇشىنشى حاتشىسى اۋىر جاراقات الدى. قازىر ول اۋرۋحانادا جاتىر، – دەدى بىزگە تەلەفون ارقىلى تۇسىنىك بەرگەن قر وزبەكستانداعى كونسۋلى بابۋر داۋرەنبەكوۆ.

ماۋسىمنىڭ ءتورتى كۇنى تاشكەنتتە قازاقستاننىڭ وزبەكستان رەسپۋبليكاسىنداعى ەلشىلىگى كولىگىنىڭ قاتىسۋىمەن ءىرى جول-كولىك وقيعاسى بولعان ەدى. ەلشىلەر مىنگەن «نيسسان-ماكسيما» الدەقانداي «تويوتا-پرادومەن» ءتۇيىسىپ، اۋدارىلىپ بارىپ كوشەدەگى ءۇش جاياۋدى قاعىپ كەتكەن. اۋىر جاراقات العان ءبىر ادام كەيىن اۋرۋحانادا قازا تاپتى. عالامتورداعى كەيبىر اقپارات قۇرالدارى كولىك قاقتىعىسىنا قازاقستاندىق ەلشىلەر كىنالى دەپ حابارلاعان-دى. بىراق قازاقستان ەلشىلىگى وكىلدەرى ءوز سايتتارىندا وقيعانى قاز-قالپىندا بايانداپ، جۋرناليستەر بۇرمالاعان تۇستاردىڭ انىق-قانىعىن اشىپ بەردى.
ەلشىلىك تاراتقان ءباسپاسوز مالىمدەمەسىنە سۇيەنسەك، «نيسسان-ماكسيما» جۇرگىزۋشىسى قىزمەتتىك ساپاردان كەلە جاتقان قازاقستاندىق كونسۋلدى اۋەجايدان كۇتىپ الىپ، ديپلوماتتاردىڭ ءبىرىنىڭ ۇيىنە بەت الادى. جولدا وقىستان دجيپكە سوعىلىپ، اۋدارىلىپ قۇلاعان كولىك ءۇش جاياۋدى قاعىپ كەتەدى. جۇرگىزۋشىنىڭ ارت جاعىندا وتىرعان كونسۋل سالدەن كەيىن ەسىن جيىپ، زارداپ شەككەن جاياۋلارعا كومەككە ۇمتىلعان.
– قينالىپ جاتقان قىز بالانى كورىپ، تاكسي ۇستاپ، اۋرۋحاناعا اپاردىم. دارىگەرلەرگە وعان جاقسىلاپ كومەك كورسەتۋدى تاپسىردىم. ال رۋلدە بولعان ەلشىلىكتىڭ ءۇشىنشى حاتشىسى اۋىر جاراقات الدى. قازىر ول اۋرۋحانادا جاتىر، – دەدى بىزگە تەلەفون ارقىلى تۇسىنىك بەرگەن قر وزبەكستانداعى كونسۋلى بابۋر داۋرەنبەكوۆ.
وكىنىشكە قاراي، تاشكەنتتەگى تراۆماتولوگيا جانە ورتوپەديا ينستيتۋتىنا جەتكىزىلگەن 18 جاستاعى قىز بالا قايتىس بولعان. قازاقستان ەلشىلىگى ۇجىمى اياقاستى وقيعانىڭ سالدارىنان كوز جۇمعان مارقۇمنىڭ وتباسىنا كوڭىل ايتىپ شىقتى.
كونسۋلدىڭ ايتۋىنشا، وقيعا بولعان ساتتە الداعى ۋاقىتتا قانداي دا ءبىر تۇسىنىسپەۋشىلىكتەر ورىن الماسى ءۇشىن رۋلدە وتىرعان ديپلومات ءوز ەركىمەن، ءارى ەكى جول پوليتسەيى، ەكى دارىگەر مەن باسقا دا كۋاگەرلەردىڭ كوزىنشە ناركولوگيالىق ديسپانسەردە تەكسەرۋدەن وتكەن. ناتيجەسىندە، ەلشىلىك قىزمەتكەرىنىڭ الكوگول قولدانباعانى انىقتالدى. دەمەك، عالامتورداعى كەيبىر اقپارات قۇرالدارى تاراتقانداي، قازاقستاندىق ەلشىنىڭ سپيرتتىك ىشىمدىك قولدانعانى – جالعان ءسوز. دەگەنمەن جول-كولىك وقيعاسىنا كىمنىڭ كىنالى ەكەنىن وزبەكستاننىڭ قۇقىق قورعاۋ ورگاندارى جۇرگىزىپ جاتقان تەرگەۋدىڭ ناتيجەسى كورسەتەدى.
P.S. قازاقستاندىق كونسۋل سول كۇنى نوكىستەن كەلە جاتقان. ايتۋىنشا، قازىر وندا تۇتقىندا وتىرعان 27 وتانداسىمىزدىڭ ماسەلەسى وڭ شەشىلۋى مۇمكىن. سوت پروتسەسى ءجۇرىپ جاتىر…

سەرىك جۇماباەۆ
«الاش ايناسى» گازەتى 9 ماۋسىم 2009 جىل