قازاقستاننىڭ ەڭبەك ەرى، كسرو حالىق ءارتىسى ءاسانالى ءاشىموۆ سولتۇستىك قازاقستان وبلىسىنىڭ اكىمى قۇمار اقساقالوۆقا العىس ءبىلدىردى.

«وتان» جانە «دوستىق» وردەندەرىنىڭ يەگەرى – فرانتسيادا وتكەن 71 كانن كينوفەستيۆالىنىڭ ەڭ ۇزدىك اكتريساسى اتانعان سامال ەسلياموۆانى جەڭىسىمەن قۇتتىقتاپ قانا قويماي، وبلىس ورتالىعىنان پاتەر سىيلاپ، ەل مارتەبەسىن اسقاقتاتقان قازاق قىزىنا قولداۋ كورسەتكەنى ءۇشىن وبلىس اكىمىنە العىس ءبىلدىردى.

«قازاق قىزى بۇكىل الەمگە تانىلدى. ءبىز ءۇشىن ۇلكەن مارتەبە. بۇل دەگەنىمىز قازاق ونەرىنىڭ بيىكتەگەنى. سول بيىكتەردى ۋاقىتىندا باعالاپ، ەلەپ ەسكەرۋ كىم كورىنگەننىڭ قولىنان كەلمەسى انىق. سامال قىزىمىزدى، شەتەلدەن الدىرتىپ، ەلدىڭ قوشەمەتىن سەزدىرتىپ، العىسقا بولەپ جاتقان قر مادەنيەت جانە سپورت ءمينيسترى ارىستابەك مۇحامەديۇلىنا رازى بولدىم. ءمينيستردىڭ ۇسىنىسىمەن سقو اكىمى دە سامالدى ءوز تۋعان جەرىندە قۇرمەتتەپ قوشەمەتكە بولەپ جاتقانىن جاڭالىقتاردان وقىپ قاتتى قۋاندىم. سىزدەردىڭ ىستىق ىقىلاستارىڭىزعا قاراپ، بولاشاقتا دا وزدەرىڭىز باسقارىپ وتىرعان سالا دا وڭىردەن دە قازاق ونەرىن دۇنيەجۇزىنە تانىمال ەتەر جاستاردىڭ توپ جارىپ شىعارىنا سەنەمىمىز مول. مادەنيەتىمىزدىڭ مارتەبەسىن ۇستەم ەتەر سىزدەردەي ازاماتتاردىڭ ىسىنە وراسان زور تابىس تىلەيمىن» - دەلىنگەن قازاقستاننىڭ ەڭبەك ەرى، كسرو حالىق ءارتىسى ءاسانالى ءاشىموۆتىڭ ارنايى قۇتتىقتاۋ حاتىندا.

ايتا كەتەيىك، وبلىس اكىمى قۇمار اقساقالوۆ كانن كينوفەستيۆالىندە توپ جارعان اكتريسا سامال ەسلاموۆامەن كەزدەسكەن بولاتىن. سامال ەسلəموۆاعا سقو əكىمى قۇمار اقساقالوۆ 3 بولمەلى پəتەردىڭ كىلتىن تابىس ەتتى.

Abai.kz