"شەكاراسىز رەپورتەرلەر" حالىقارالىق ۇيىمى ءجۋرناليستىڭ ءولىمىن ويدان قۇراستىرعانىنا نارازى. بۇل جونىندە ۇيىم جەتەكشىسى كريستوف دەلۋار تۆيتتەرگە جازدى. ونىڭ سوزىنشە، ءجۋرناليستى پايدالانىپ، مەملەكەتتىڭ فاكتىمەن ويناۋى وتە قاۋىپتى.
ءجۋرناليستىڭ ءوزى ۋكراينا قاۋىپسىزدىك قىزمەتىن ءومىرىن قۇتقارعانى ءۇشىن العىسىن جەتكىزدى. ول ۋقق وزىنە قاستاندىق جاسالۋى مۇمكىن ەكەنىن ەسكەرتىپ، دالەلدەر كورسەتكەن.
اركادي بابچەنكوعا قاستاندىق جاساماق بولعان كۇدىكتى گ. دەگەن ۋكراينا ازاماتى بولىپ شىققان.
ۋكراينا قاۋىپسىزدىك قىزمەتى باسشىسىنىڭ ورىنباسارى ۆاسيلي گريتساكتىڭ ايتۋىنشا، "قاستاندىققا تاپسىرىس رەسەيدەن تۇسكەن جانە وپەراتسياعا 40 مىڭ دوللار بولىنگەن. 10 مىڭ دوللاردى دەلدال العان".
ۋقق دەلدالدىڭ ۇستالعانى جونىندە ۆيدەونى كورسەتتى.
ءباسپاسوز ءماسليحاتى كەزىندە گريتساك اقشا بەرۋ ءساتى مەن دەلدالدىڭ ۇستالعان كەزىندە تۇسىرىلگەن ۆيدەونى كورسەتتى. كيەۆ "تاپسىرىستى رەسەي قاۋىپسىزدىك قىزمەتى بەردى" دەپ ايىپتايدى.
"بابچەنكوعا قاستاندىق - رەسەي قاۋىپسىزدىك قىزمەتىنىڭ ساياسي كوزقاراستارىنا بايلانىستى ەلدەن كەتكەن ازاماتتاردىڭ كوزىن جويۋ ءۇشىن جاساعان ءبىر عانا تەراكتىسى" دەدى گريتساك.
