«قازاقستان تارابى ەكى ەلدىڭ دامۋىنا ارنالعان كەز كەلگەن باستامانى قولداۋعا ءازىر»،- دەپ مالىمدەگەن ساعىنتاەۆ.

ابىلعازيەۆ ءوز كەزەگىندە قازاقستانمەن ستراتەگيالىق قارىم-قاتىناستى نىعايتۋ قىرعىزستاننىڭ سىرتقى ساياساتىنىڭ باستى مىندەتتەرىنىڭ ءبىرى دەگەن. «ءبىزدىڭ پرەزيدەنتتەرىمىز ەكى ەلدىڭ ساۋدا اينالىمىن ءبىر ميلليارد دوللارعا دەيىن جەتكىزۋ جونىندە ماقسات قويدى. بۇل ساۋدا سالاسىندا كەزدەسەتىن كەدەرگىلەردى جويىپ، جاعداي جاساۋ ءۇشىن ەتەنە جاقىنداسۋعا مۇمكىندىك بەرەدى»،- دەپ مالىمدەگەن ابىلعازيەۆ.

ەكى ەلدىڭ ۇكىمەت باسشىلارى كەزەكتى جەتىنشى قازاق-قىرعىز ۇكىمەتارالىق كەڭەسىن وتكىزۋگە ءوزارا كەلىسكەن.

2017 جىلدىڭ كۇزىندە قىرعىزستاندا پرەزيدەنت سايلاۋى الدىندا ەكى ەلدىڭ قارىم-قاتىناسىنا بىردەن سىزات ءتۇستى. قازاقستان شەكارا باقىلاۋىن كۇشەيتتى. استانا بۇل شەشىمدى كونتراباندامەن كۇرەس دەپ ءتۇسىندىردى. شىن مانىندە قىرعىزستاننىڭ ەكس-پرەزيدەنتى المازبەك اتامباەۆ قازاقستان پرەزيدەنتىنىڭ اتىنا سىن ايتقان بولاتىن.

بىلتىر جىل سوڭىندا قىرعىزستان پرەزيدەنتى بولىپ سوورونباي جەەنبەكوۆ سايلانعاننان كەيىن، ەكى ەل قارىم-قاتىناسى رەتتەلە باستادى.

Abai.kz