ءبىزدىڭ باستىقتار مەن شەندىلەردىڭ اۋىزاشار بەرگەنى دە قىزىق. ءبىر-ءبىرىنىڭ كوڭىلىن اۋلاعانداي بولىپ، ءبىر ۇلكەن مەيرامحاناعا وزدەرى سياقتى وڭشەڭ بايشىكەشتەردى جيناپ الادى. ونى جانە جىلدا كەپ جارنامالايدى عوي!

ولار سول تاماققا مۇقتاج دا ەمەس قوي، قاراپ تۇرساڭ... كوبى اۋزىن دا بەكىتپەگەن.

مۇسىلمان ەلدەرىنە، ءتىپتى مىنا ءوزىمىزدىڭ قانداسىمىز تۇركيالىقتارعا قاراڭدارشى، پرەزيدەنتى قاراپايىم حالىققا ارناپ اۋىزاشار بەرىپ، ءوزى سولاردىڭ اراسىندا اڭگىمەلەسىپ وتىرادى. بىزدە وسىنداي قاراپايىمدىلىق، اسكەتيزم جوق. ەۆروپا مەن امەريكانىڭ اتاقتى ادامدارى كوشەدەگى اسحانادا حالىقپەن بىرگە تاماقتانا بەرەدى.

اۋىزاشار بەرگىڭ كەپ بارا جاتسا، حالىققا بەر، اشقۇرساق جۇرگەن تالاي ادامنىڭ العىسىن الاسىڭ سوندا. «بالەنباي اۋىزاشار بەرگەن جىلى» دەپ، اۋزىنان تاستاماي ايتىپ جۇرەتىن ەدى ولار.

ناعىز ساۋاپ دەگەن، مەنىڭشە، وسى!

جولىمبەت ماكىشتىڭ Facebook-تەگى پاراقشاسىنان

Abai.kz