تىگىن ماشيناسى
اتاما تۇرمىسقا شىققاندا ەنەم قارشىعا تىگىن ماشيناسىن بىرگە الىپ كەلگەن ەكەن. 45 جىلدان بەرى سىر بەرمەگەن، ءبىر سىنباعان. وسىنداي قارا ماشينا ءار ءۇيدىڭ ءبىر بۇرىشىندا تۇرعان شىعار.
امەريكالىق جازۋشى، ونەرتاپقىش يسااك زينگەردىڭ 1870 جىلى ويلاپ تاپقان تۋىندىسى. پاتشالىق رەسەي 1900 جىلى زينگەردىڭ ماشيناسىنىڭ قۇرال-جابدىقتارىنىڭ بولشەكتەرىن قۇراستىراتىن شەبەرحانا اشادى. پودولسكىدە تىگىن ماشيناسى شىعارىلا باستادى. كەيىن كسرو زاۋىت اشىپ، قازاق قىز-كەلىنشەكتەرىنىڭ قولىن ۇزارتقان عوي.
بۇگىن تىگىن ماشينانىڭ شىققان جىلىن ىزدەپ، ءارى-بەرى توڭكەرىپ تاپپادىق. 1973 جىلدارى الماتى ماقتا-ماتا كومبيناتىندا ىستەگەن ايەل ەنەمە سىيلاعان. كونە ماشينا بولسا دا، ءالى ىستەپ تۇر. بۇگىن ەنەم ۇلىنىڭ شالبارىنىڭ بالاعىن قايىرىپ تىگىپ بەردى. مەنىڭ دە جاڭا كيىمىمنىڭ ارتىقتاۋ جەرىن زىڭ-زىڭ ەتتى.
ەنەمنىڭ قولى التىن. ءوزى تىڭ. ءجۇز جاساسىن.
جازيرا بەگالىنىڭ Facebook-تەگى پاراقشاسىنان
Abai.kz
