مەن بىرنەشە ۇل-قىز ءوسىرىپ، ولاردىڭ ءبىر-ءبىر وتاۋ بولىپ وتىرعانىن كورىپ وتىرعان باقىتتى انالاردىڭ ءبىرىمىن. ونىڭ ۇستىنە ۇزاق جىل مەكتەپتە ۇستازدىق ەتتىم، كوپتىڭ بالاسىن وقىتىپ، ولارعا دا كورگەن-بىلگەنىمدى ۇيرەتتىم.
وسى جاسىمدا ۇققانىم - ءبىز قانشا جەردەن جاستاردى جاقسىلىققا، ىزگىلىككە، ادامگەرشىلىككە، ادالدىققا ۇيرەتىپ جاتىرمىز، ءبارىبىر سولاردىڭ قايسىبىرى ءوز دەگەندەرىن جاساپ باعۋدا. سوندا ولاردىڭ ءوز دەگەندەرى نە؟ ول - ماسكۇنەمدىك، جالقاۋلىق، كورسەقىزارلىق، جاتىپىشەرلىك، قاڭعىباستىق. وسىنداي جامان ادەتتەرگە جاستايىنان بوي الدىرعان ادامدى دۇرىس جولعا سالۋ وتە قيىن. بۇزاقىلىق، ايۋاندىق جولدى تاڭداعان ولار پەندە بىتكەن ەستىپ-بىلمەگەن، كورمەگەن سوراقىلىقتاردىڭ ءتۇرىن شىعارۋدا. جاسىراتىنى جوق، قازىر ناشاقور دا، وڭ جاقتا وتىرىپ الىپ، دۇنيەگە اكەسىز بالا اكەلەتىن دە - ءبىزدىڭ قاراكوزدەر. سودان كەلىپ پەرزەنتحانادا دا، سابيلەر ۇيىندە دە، ينتەرناتتاردا دا تاستاندى بالالار تولىپ ءجۇر. ءارى سولاردىڭ 90-95 پايىزىنىڭ ءوزىمىزدىڭ قازاقتار ەكەنىن كورگەندە، قالايشا جانىڭ اۋىرمايدى؟!

مەن بىرنەشە ۇل-قىز ءوسىرىپ، ولاردىڭ ءبىر-ءبىر وتاۋ بولىپ وتىرعانىن كورىپ وتىرعان باقىتتى انالاردىڭ ءبىرىمىن. ونىڭ ۇستىنە ۇزاق جىل مەكتەپتە ۇستازدىق ەتتىم، كوپتىڭ بالاسىن وقىتىپ، ولارعا دا كورگەن-بىلگەنىمدى ۇيرەتتىم.
وسى جاسىمدا ۇققانىم - ءبىز قانشا جەردەن جاستاردى جاقسىلىققا، ىزگىلىككە، ادامگەرشىلىككە، ادالدىققا ۇيرەتىپ جاتىرمىز، ءبارىبىر سولاردىڭ قايسىبىرى ءوز دەگەندەرىن جاساپ باعۋدا. سوندا ولاردىڭ ءوز دەگەندەرى نە؟ ول - ماسكۇنەمدىك، جالقاۋلىق، كورسەقىزارلىق، جاتىپىشەرلىك، قاڭعىباستىق. وسىنداي جامان ادەتتەرگە جاستايىنان بوي الدىرعان ادامدى دۇرىس جولعا سالۋ وتە قيىن. بۇزاقىلىق، ايۋاندىق جولدى تاڭداعان ولار پەندە بىتكەن ەستىپ-بىلمەگەن، كورمەگەن سوراقىلىقتاردىڭ ءتۇرىن شىعارۋدا. جاسىراتىنى جوق، قازىر ناشاقور دا، وڭ جاقتا وتىرىپ الىپ، دۇنيەگە اكەسىز بالا اكەلەتىن دە - ءبىزدىڭ قاراكوزدەر. سودان كەلىپ پەرزەنتحانادا دا، سابيلەر ۇيىندە دە، ينتەرناتتاردا دا تاستاندى بالالار تولىپ ءجۇر. ءارى سولاردىڭ 90-95 پايىزىنىڭ ءوزىمىزدىڭ قازاقتار ەكەنىن كورگەندە، قالايشا جانىڭ اۋىرمايدى؟!
بىردە رەسپۋبليكالىق تەلەديداردان تاستاندىلار تۋرالى تىم-ءتاۋىر حابار بەرىپ جاتىر ەكەن. حاباردىڭ سوڭىنا قاراي كوك كۇرتەشە كيگەن ءۇش-ءتورت جاسار بالانى اق ءناسىلدى شەتەلدىك جىگىت قولىنان جەتەكتەپ، ۇشاققا مىنۋگە الىپ بارا جاتىر. شىركىن-اي، سونداعى بالانىڭ جاساۋراعان كوزىن كورسەڭىز عوي، ارتىنا جالتاق-جالتاق قارايلاپ، ەلدى، ءبىزدى قيماي بارا جاتقانداي… مەن وسى تۇستا ءوزىمنىڭ قالاي قوبالجىپ، جىلاپ قالعانىمدى بايقاماي دا قالدىم. قايتسىن، قولىنان كەلەر قايران جوق، وزىنە ءالى ەس كىرمەگەن ءسابي ۇلكەن كىسىنىڭ جەتەگىندە كەتىپ بارادى…
ءدال وسى ايانىشتى كورىنىس انا، اجە بولىپ وتىرعان مەنىڭ كوز الدىمنان، ەسىمنەن ءبىر كەتپەي قويدى. ويلاي بەرسەم، جۇرەگىم اۋىرادى. شىركىن-اي، جاۋدىركوزىمىزدى قالايشا وپ-وڭاي جاتقا بەرىپ جىبەرۋدەمىز؟ ول زات ەمەس، كيىم ەمەس، تاعام ەمەس - ادام بالاسى عوي! ارينە، تاستاندى بالانى بىزدەي «تويدان قايتىپ كەلە جاتقان» ادامدارعا بەرمەيدى، بىراق، جاس وتباسىلارىنىڭ، بالاعا ءزارۋ جۇپتاردىڭ ولاردى ءبىردى-ەكىدەن اسىراپ الۋلارىنا ابدەن بولادى ەمەس پە؟ سوندا ۇكىمەت ۇيلەرىندەگى كوزدەرى جاۋدىرەپ، كورىنگەندى «اناسى» مەن «اكەسىنە» ۇقساتقان بالالار قاتارى سيرەر ەدى. ولاردىڭ ءوز وتباسى، اكە-شەشە، باۋىرلارى بولار ەدى.
ءسوزىمنىڭ سوڭىندا، وزىمنەن كەيىنگى جاستارعا امانات رەتىندە تاستاندى سابيلەردى وزەگىنەن تەپپەي، ارقايسىڭىز ءبىر-بىردەن بولسا دا بالا ەتىڭىزدەر، قامقورلاڭىزدار، ولار بوتەن ەمەس، ءوز قانىمىز دەگىم كەلەدى.

الما سالىقوۆا، ءبىلىم بەرۋ سالاسىنىڭ ارداگەرى، بالىقشى كەنتى.
«اتىراۋ» وبلىستىق گازەتى