"مەن جاقىندا قۇجات دايىن بولعان كەزدە قول قويامىن. بۇل زاڭعا سايكەس كەلەدى. مەن سەنىمدىمىن", – دەدى ترامپ 20 ماۋسىمدا اق ۇيدە جۋرناليستەر الدىندا.
بۇل قۇجات ەگەر ەرەسەكتەر ۇستالىپ نەمەسە زاڭسىز شەكارادان ءوتتى دەگەن ايىپپەن تەرگەلىپ جاتقان كەزدە دە وتباسى مۇشەلەرىمەن بىرگە بولۋعا مۇمكىندىك بەرىلەدى دەپ كۇتىلەدى.
18 ماۋسىمدا ترامپ "اقش ميگرانتتاردىڭ لاگەرى بولمايدى" دەپ مالىمدەگەن. ول دەموكراتتاردى اكىمشىلىكپەن بىرگە زاڭ جوباسىن ازىرلەۋگە اتسالىسپايدى دەپ ايىپتاعان.
اقش-تا سوڭعى ۋاقىتتا زاڭسىز ميگرانتتاردىڭ وتباسى مۇشەلەرىنىڭ ءبىر-بىرىنەن اجىراتۋ ماسەلەسىن تالقىلاۋ ءبىرىنشى كەزەكتە تۇر. وتباسى مۇشەلەرىن اجىراتۋ بۇرىن سيرەك قولداناتىن، ەندى فەدەرالدىق اگەنتتەر ەلدەن بوسقىن مارتەبەسىن الۋدى كوزدەيتىندەردى نەمەسە زاڭسىز ەلگە كىرگەندەردى كەرى قايتارىپ جاتىر. سوڭعى التى اپتادا 2 مىڭعا جۋىق كامەلەتكە تولماعان بالا اتا-اناسىنان اجىراتىلدى دەپ حابارلاعان ەدى وتكەن اپتادا ترامپ اكىمشىلى.
بۇۇ-نىڭ ادام قۇقىقتارى جونىندەگى جوعارعى كوميسسارى زەيد رااد ءال-حۋسسەين بالالاردى قىسىمعا الۋ ارقىلى ميگراتسيانى ازايتۋ ارەكەتىن "شەكتەن شىعۋ" دەپ باعا بەرگەن.
بۇل ماسەلە بويىنشا اقش ءبىرىنشى لەديى مەلانيا ترامپ تا پىكىرىن بىلدىرگەن.
"مەلانيا حانىم بالالاردى وتباسىنان اجىراتىپ جاتقانىن جۇرەگى سىزداپ قابىلداپ جاتىر جانە ەكى تاراپتىڭ دا بىرلەسىپ، ءساتتى ميگراتسيالىق رەفورما جاسايتىنىنا سەنەدى", – دەپ مالىمدەدى ونىڭ ءباسپاسوز قىزمەتى.
بۇرىنعى ءبىرىنشى لەدي لورا بۋش The Washington Post گازەتىنە وتباسىن ءبولۋ ساياساتى "قاتىگەزدىك، مورالدىققا جاتپايدى" دەپ پىكىر بىلدىرگەن.
Abai.kz
