الماتى اكىمى باۋىرجان بايبەك ەگدە جاندارعا ارنالعان بەلسەندى ۇزاق ءومىر ورتالىعىنىڭ اشىلۋىنا قاتىستى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلايدى.

جوندەۋدەن وتكەن عيماراتتا كىتاپحانا، يوگا مەن اەروبيكا ءۇشىن فيتنەس زال، كينو كورەتىن، شاحمات، تقوعىزقۇمالاق دومينو وينايتىن، توقىما توقيتىن جانە باسقا زالدار بار.

ەگدە جاندارعا كومپيۋتەرلىك ساۋات اشۋ، سمارتفونمەن جۇمىس ىستەۋدى جانە اعىلشىن ءتىلىن ۇيرەتۋ تۇراقتى جۇرگىزىلەدى. قوعامدىق بىرلەستىكتەرمەن بىرگە اپتا سايىن تەگىن قۇقىقتىق، پسيحولوگيالىق، مەديتسينالىق كەڭەستەر بەرىلەدى، موتيۆاتسيالىق سەمينارلار مەن شەبەرلىك سىنىپتارى ۇيىمداستىرىلادى.

«مۇندا ءبارى جاقسى جاسالعان، ءبىز ۇزاق كۇتتىك. مەن ءوزىم «ۇزىنقۇلاقتان» قالادا وسىنداي ورتالىقتىڭ اشىلاتىنىن ەستىدىم. ءبىرىنشى بولىپ كەلىپ، العاشقىلاردىڭ قاتارىنان تابىلدىم، جاقىن جەردە تۇرامىن. وزىمە ۇنايتىن باعدارلامانى دا تاڭدادىم، ەندى حورعا، يوگاعا قاتىسامىن. جاسىم 80-گە تاياپ قالدى، بىراق مەن بەلسەندى اجەيمىن. تاۋعا شىعامىن، تاياق ۇستامايمىن، بۇل جەردە مەن سكاندينايالىق قادامدى ۇيرەنەتىن بولامىن. كومپيۋتەرمەن جۇمىس ىستەۋدى دە ۇيرەنگىم كەلەدى»، - دەدى العاشقى كەلۋشىلەردىڭ ءبىرى ريمما كالاشنيكوۆا.

جاڭا ورتالىق وسىدان بىرنەشە اي بۇرىن قابىلدانعان ەگدە ۇرپاقتى قولداۋعا جانە ولاردى بەلسەندى ومىرگە تارتۋ مەن ۇرپاقتار ۇندەستىگىن قامتاماسىز ەتۋگە ارنالعان قالالىق «بەلسەندى ۇزاق ءومىر» جول كارتاسىنىڭ اياسىندا اشىلىپ وتىر.

«ەڭ الدىمەن ءبىز الەۋمەتتىك جاعىنان از قامتىلعان تۇرعىنداردىڭ ماسەلەسىن شەشۋمەن اينالىسامىز. مەملەكەت باسشىسىنىڭ تاپسىرماسىمەن ءبىز الماتىدا مەملەكەتتىك بالا باقشالارعا اقى تولەۋدى ەكى ەسە تومەندەتتىك. جاستارعا قولداۋ كورسەتۋ ءۇشىن ستۋدەنتتىك جاتاقحانالار سالىنۋدا، جاس وتباسىلار العاشقى جارنانى تولەمەي-اق 5 پايىزدىق نەسيە الىپ، تۇرعىن ءۇي ماسەەلەسىن شەشە الادى. دەگەنمەن، تۇرعىنداردىڭ تاعى ءبىر كاتەگورياسى بار، ولار كومەككە ءزارۋ. بۇلار -ەگدە جاندار، الماتىدا ولاردىڭ قاتارى 12%-دان استام. جاسى كەلگەن ادامدار زەينەتاقىمەن شەكتەلمەۋلەرى ءتيىس. ولار وزدەرىنىڭ كەرەك ەكەندىكتەرىن سەزىنگەندەرى ءجون. سوندىقتان ءبىز بيىلعى جىلدى الماتىدا اعا ۇرپاقتى قولداۋ اياسىندا وتكىزەتىن بولامىز»، - دەپ اتاپ ءوتتى باۋىرجان بايبەك.

جوبا قولعا الىنىسىمەن قالادا 1700 ادامدى قامتىعان 32 الەۋمەتتىك كلۋب اشىلدى. كومپيۋتەرلىك ساۋات كۋرسىنان 1000-نان استام زەينەتكەر ءوتتى.

قالانىڭ ءار اۋدانىندا تاڭعى جانە كەشكى دەنەشىنىقتىرۋ ساباقتارى، فيتنەس، يوگا، سكانديناۆيالىق قادام جۇزەگە اسىپ، بۇلارعا 2000 زەينەتكەر قاتىسۋدا. ارداگەرلەر كەڭەسىنىڭ بازاسىندا 100-دەن اسا ادام قاتىساتىن ەكوتۋريزم كلۋبى جۇمىس جاساۋدا. شىلدە مەن قاراشا ايلارى ارالىعىندا دەمالىس كۇندەرى ۇلكەن الماتى وزەنىنە،بورالداي ساق قورعانىنا جانە باسقالارىنا بارۋعا 20 تۋر جوسپارلانعان.

اقىلى باسسەيندەرگە، سپورت زالدارىنا، بي ستۋديالارىنا بارۋدى قولجەتىمدى ەتۋ ءۇشىن الەۋمەتتىك جوبا جاسالعان. قازىردىڭ وزىنىدە 800 زەينەتكەردىڭ باسسەيندەر مەن فيتنەس كلۋبتارعا جەڭىلدىكپەن بارۋلارى ءۇشىن ابونەمەنتتەر ساتىپ الىنۋدا.

اكىمدىكتىڭ «Open Almaty» سall-center قوعامدىق قابىلداۋلارى ارقىلى الەۋمەتتىك قىزمەت تۋرالى اقپارات بەرەتىن 1308 ارنايى جەلى ۇيىمداستىرىلعان. سوڭعى جىلدارى قالا ەمحانالارىندا 16 گەرياتريكالىق كابينەتتەر اشىلدى.

تاياۋ اراداعى ەكى اي ىشىندە Ata-Apa.kz ينتەرنەت- پورتالى جۇمىس ىستەيتىن بولادى، مۇندا ەگدە جاندار ءۇشىن قاجەت الەۋمەتتىك جانە مەملەكەتتىك باعدارلامالار تۋرالى اقپاراتتار مەن ارنايى ەڭبەك بيرجاسى تۋرالى مالىمەتتەر بەرىلەدى.مىسالى، ەگەر زەينەتكەر ۇيىندە وتىرىپ رەپەتيتورلىقپەن اينالىسقىسى كەلسە، وندا ول ۇزاق ءومىر ورتالىعىنا تەلەفون ارقىلى حابارلاسىپ، ءوزى تۋرالى مالىمەتتەردى بەرە الادى.

جول كارتاسى اياسىندا 100-دەن اسا مادەني-بۇقارالىق، سپورتتىق جانە زياتكەرلىك شارالار وتكىزىلىپ، ولارعا زەينەتكەرلەر كەڭىنەن تارتىلادى. مىسالى، «تالانتتار كونكۋرسىنىڭ»، «مەنىڭ سۇيكىتى الماتىم» فوتوكورمەسىنىڭ، زەينەتكەرلەر ءۇشىن ارنايى بوس ورىندار جارمەڭكەسىنىڭ تارتىمدىلىعى ارتا تۇسەدى.

بۇگىنگى كۇنى الماتىدا 222 مىڭ زەينەتكەرلەر تۇرادى نەمەسە ولار قالا تۇرعىندارىنىڭ 12,5% پايىزىن قۇرايدى. دۇنيەجۇزىلىك دەنساۋلىقتى ساقتاۋ ۇيىمىنىڭ مالىمەتىنە جۇگىنسەك، زەينەتكەرلەردى بەلسەندى ومىرگە تارتۋ ولاردىڭ عۇمىر جاسىن ۇزارتىپ، دەنساۋلىقتارىنا وڭ ىقپال ەتەتىن بولادى.

Abai.kz