19 ساۋىردە قازاقستان پارلامەنتى اقش-پەن اۋعانستانعا جۇك جەتكىزۋ جونىندەگى كەلىسىمگە ەنگىزىلەتىن وزگەرىستەر جوباسىن ماقۇلداعان. قازاقستان پرەزيدەنتى نۇرسۇلتان نازارباەۆ اقش-تىڭ اۋعانستاندى قالپىنا كەلتىرۋ ىسىنە جۇمىلۋىنا بايلانىستى قازاقستان ارقىلى جۇك تاسىمالداۋعا قاتىستى حاتتامانى ماقۇلدايتىن زاڭعا قول قويعان. ول زاڭ ءماتىنى 5 ماۋسىمدا رەسمي باسپاسوزدە جاريالانعان.
"كاسپيدە اسكەري بازا بولادى دەگەن ەشقانداي اڭگىمە جوق. ترانزيت اسكەري ەمەس جۇكتەرگە قاتىستى، ترانزيتكە قازاقستان اۋماعى عانا ەمەس، اقش-تىڭ اۋعانستانعا جۇك تاسىمالدايتىن جولىندا ورنالاسقان وزگە دە ەلدەر تارتىلعان" دەلىنگەن سىرتقى ىستەر مينيسترلىگىنىڭ مالىمدەمەسىندە.
مينيسترلىك كوممەنتاريىندە 2010-2015 جىلدارى سولتۇستىك تاراتۋ جەلىسى بويىنشا مۇنداي جۇك رەسەي، قازاقستان جانە وزبەكستان ارقىلى دا تاسىمالدانعانىن ايتادى.
"رەسەيلىك باق پەن ساراپشىلار مۇنداي كوممەنتاريدى جوعارىدا ايتىلعانداردى ادەيى بۇرمالاۋ ءۇشىن ەمەس، تەك ناقتى جاعدايدان حابارسىز بولعاندىقتان ايتىپ وتىر دەگىمىز كەلەدى" دەلىنگەن قازاقستان ءسىم مالىمدەمەسىندە.
سولوۆەۆ 15 ساۋىردە ءوزىنىڭ تەلەباعدارلاماسىندا قازاقستاننىڭ بۇۇ قاۋىپسىزدىك كەڭەسىندە رەسەيدىڭ سيرياعا اقش پەن وداقتاستارىنىڭ زىمىراننان سوققى جاساعانىن ايىپتايتىن قارارىنا داۋىس بەرمەگەنىن مەڭزەپ، ەكى ەل اراسىندا "تۇسىنبەيتىن ءبىر جايت بولدى ما، ەكى ەل اراسىندا قارا مىسىق جۇگىرىپ ءوتتى مە؟" دەگەن ساۋالدار قويعان. قازاقستان سىرتقى ىستەر ءمينيسترىنىڭ ورىنباسارى ەرجان اشىقباەۆ سولوۆەۆتىڭ بۇل سوزىنە كوممەنتاريىندە "رەسمي مالىمدەمەگە عانا سۇيەنۋگە" شاقىرعان.
Abai.kz
