بۇدان كەيىن وزبەك پرەزيدەنتىن ماداقتاپ ءان ايتقان - انشىلەر، كومپوزيتورلار ليتسەنزياسىنان ايىرىلىپ، زاڭ الدىندا جاۋاپ بەرۋى مۇمكىن.

“مەملەكەت باسشىسىنا ارناپ ءان سالۋ، ونى ماقتاۋ ادەپكە جاتپايدى”، – دەيدى “وزبەككونتسەرتتىڭ” ۋاقىتشا ديرەكتورى ازامات حايداروۆ. مۇنداي شەشىم بىرنەشە اپتا بۇرىن پرەزيدەنت شاۆكات ميرزيەەۆكە وزبەكستاندىق ءانشىنىڭ ارناعان “مەنىڭ سۇلتانىم” انىنەن كەيىن قابىلدانعان.

49 جاستاعى ءانشى، اكتريسا ديلفۋزا يسمايلوۆانىڭ ءانى ينتەرنەتتە 21 مامىر كۇنى جاريالانعانىمەن، ارتىنشا قايتا وشىرىلگەن. اندە ميرزيەەۆ “جەر بەتىندەگى تەڭدەسسىز سۇلتان”، “قۇدايدىڭ جەردەگى كولەڭكەسى”، “سۇيىكتى ادام” رەتىندە سۋرەتتەلەدى. بەينەروليكتە قازىرگى پرەزيدەنتتىڭ ءارتۇرلى شارالارداعى سۋرەتتەرى كورسەتىلگەن.

جالپى العاندا پوست-كەڭەستىك ەلدەردىڭ بارىندە باسشى ماقتاۋ جارىسى تولاستاعان ەمەس. وزگەنى بىلاي قويىپ، قازاقستان پرەزيدەنتى نۇرسۇلتان ءابىشۇلى دا ارتىق ماقتاۋدى دوعارۋ جونىندە نەشە مارتە ەسكەرتۋ جاسادى. تاۋەلسiزدiكتiڭ 25 جىلدىعىنا ارنالعان سالتاناتتى شارادا مەملەكەت باسشىسى نۇرسۇلتان نازارباەۆ:

«...بۇگiن مەنiڭ اتىما كوپ اسىرە ماقتاۋ ءسوز ايتىلدى. مەنiڭ جاسىم دا، تاجiريبەم دە ۇلكەن، سوندىقتان مۇنداي سوزدەر ماعان اسەر ەتپەيدi, ارينە. شىن مانiندە iستەلگەن iستەر تۋرالى ايتىلسا، وندا ءجون، بiراق ودان ارتىق ايتىلماۋى تيiس. دەگەنمەن مەن بارشاڭىزعا جىلى سوزدەرiڭiز ءۇشiن العىس ايتامىن. مۇنىڭ ءبارi مەنi بولاشاق iستەرگە قاناتتاندىرۋ ءۇشiن ايتىلىپ جاتىر دەپ ەسەپتەيمiن. ءدال قازiر مەن قاناتتانىپ وتىرمىن دەپ سiزدەردi سەندiرگiم كەلەدi»، - دەگەن ەدى.

سوندا دا ەلباسى ماقتاۋدان الدىعا جان سالماي كەلەمىز. ەلباسى قانداي ماداققا دا لايىق. قازىر قاراپايىم باسشىلاردى  ماقتاۋ ىندەتى بۇكىل قازاق دالاسىن جايلاپ العان جوق پا؟ وسىعان زاڭ جۇزىندە تيىم سالاتىن كەز كەلگەن سياقتى. ءسىز نە دەيسىز؟

ءشارىپحان قايسار

Abai.kz