قۇجاتتا رەسەيدىڭ قىرىمدى اننەكسيالاۋى، ۋكراينا شىعىسىنداعى تۇراقسىزدىق، ناتو ەلدەرىنە جاقىن شەكاراعا اسكەري تەحنيكالارىن ورنالاستىرۋ جانە سايلاۋعا ارالاسۋ ارەكەتتەرى ايماقتاعى قاۋىپسىزدىككە قاتەر ءتوندىرىپ وتىر دەپ ايتىلعان. سونىمەن بىرگە بريتانيا شەشىمىنە سايكەس، سولسبەريدىڭ ۋلانۋىنىڭ ارتىندا دا رەسەي تۇر دەپ بىلەدى.
دەكلاراتسيادا رەسەيدەن گرۋزيا، مولداۆيا جانە ۋكراينا ايماعىنان اسكەرىن شىعارۋدى، ۋكراينانىڭ شىعىسىنداعى سەپاراتيستەرگە قولداۋ كورسەتۋدى جانە مينسك كەلىسىمىن ورىنداۋدى تالاپ ەتەدى. سوعان قاراماستان ناتو ەلدەرى ەگەر رەسەي پيعىلىن وزگەرتەتىن بولسا، قارىم-قاتىناستى جاقسارتىپ، ماسكەۋمەن ديالوگقا كەلۋگە دايىن ەكەنىن جەتكىزگەن.
قۇجاتتا سونىمەن بىرگە ناتو ەلدەرىنىڭ قورعانىس شىعىنىن ارتتىرۋعا تالپىنىسى بار ەكەنى، كەمىندە جالپى ىشكى ءونىمنىڭ ەكى پايىزىن جۇمساۋعا نيەتتى ەكەنى ايتىلعان. اقش پرەزيدەنتى دونالد ترامپ وداقتاستارىن قورعانىس سالاسىنا بولىنەتىن قارجىعا قاتىستى سىناپ كەلگەن.
Abai.kz
