سەمەيدە بۇگىن جيىرما شاقتى كوشەنىڭ قازاق جەرىنە تۇك قاتىسى جوق ورىسشا اتاۋلارىن الىپ تاستاپ، بارىنە قازاق قايراتكەرلەرىنىڭ اتىن قويىپتى.

اقىرىن-اقىرىن رۋحاني جاڭعىرىپ جاتىرمىز، اللاعا ءتاۋبا! بىراق مەنىڭ ءبىر كوڭىلىمە كەلگەن نارسە: جاڭاعى قازاقشا ەسىمدەردىڭ ءبارىنىڭ سوڭى وۆ، ەۆ، ەۆا دەپ بىتەدى ەكەن. ول كىسىلەردىڭ فاميلياسى وزگەرتۋگە بولمايتىن برەند ەمەس شىعار. قايتىس بولعان ادامداردىڭ اتىن دا كەيىن تاقتاعا دۇرىستاپ، ازان شاقىرىپ قويعان اتىمەن قازاقشالاپ جازىپ جاتادى عوي. بىزگە دە مۇمكىن كوشەگە بىرەۋدىڭ اتىن بەرگەن كەزدە، وسىنداي «اماناتتى» ەسكەرىپ، ولاردىڭ اتى-جونىندەگى ورىسشا تىركەستەردى الىپ تاستاپ وتىرۋ كەرەك شىعار، قالاي ويلايسىزدار؟

سوندا ءبىزدىڭ كوشەلەرىمىز عانا ەمەس، مارقۇمداردىڭ ەسىمى دە رۋحاني جاڭعىرىپ شىعا كەلەتىن ەدى...

جولىمبەت ماكىشتىڭ Facebook-تەگى پاراقشاسىنان

Abai.kz