الەۋمەتتىك جەلىدەن بايقاپ وتىرمىز. جۇرتتىڭ كوبى تەگىنىڭ تۇبىنە "يچ" جالعاپتى. ويتپەسە قازاق بولا ما. ءۇپ ەتكەن جاڭالىقتى وزىمدىكى دەپ تانىپ، وڭاي ولجانى مالدانۋ مۇلدە جاقسى قاسيەت تە شىعار. «وقجەتپەستىڭ» ويىنىن كورمەيتىندەر «حالا، رەال» دەپ وزىنشە اۋە جايىلىپ، «قىرانعا» كوزىن سالمايتىندار «بارسەلونا» بايراعىن بوساعاسىنا سۇيەپ قويسا، «ە، ەلىمىز وركەنيەت كوشىنە ەرگەن شىعار»، - دەپ قانا ويلايمىز.. ەگەر، ەرىنبەسەك...

حورۆاتيانىڭ فينالعا شىعۋى – تازا ەرلىك! وڭ قولدى جۇرەك تۇسىنا اپارىپ، قۇرمەت كورسەتۋگە تۇراتىن! باپكەرىڭ زلاتكو داليچ سەكىلدى، قازىر. دوموگايىن دا، وزگەلەرىن دە جۋساتىپ، ورگىزەتىن. ءجۇزى جىلى. اقىلى الپەتىنە كورىك بەرىپ تۇر. قازاق بولسا، يمانجۇزدىگە بالاۋشى ەدىك. ەلىن جاقسى كورەدى. وتە جاقسى كورەدى. پاتريوت دەۋشى ما ەدىك. داليچ قىپ-قىزىل پاتريوتتىڭ ءوزى! كوماندا قايراعى! قالاي قايرايدى! سوعىس كورگەن، نامىستى ورگەن ۇرپاقتى قايراپ، قايراپ كوماندا جاساپ الدى دا، ەندى جولىققانىن ۇرىپ، جىعىپ ءجۇر. جىگىت! «چيرو» سەكىلدى. ميروسلاۆ بلاجەۆيچ دەۋشى ەدىك قوي.

جايراتىپ، فۋتبول ويناماسا دا، كەز كەلگەن ماتچتى جايناتىپ جىبەرەتىن قارىم بار. ونى بىلدىك. ساۋاتتىلىق دەگەن تۇسىنىك بار. بۇگىنگى حورۆاتيا فۋتبولدى بارىنشا ساۋاتتى ويناپ ءجۇر. ولاردا بۇعان دەيىن دە فۋتبول يا، فۋتبولشىلار بولدى. داۆور شۋكەردىڭ ءوزى نەگە تۇرادى. روبەرت يارني ۇناۋشى ەدى. نيكو كرانچار دا ەستە. قايسى ءبىرىن تۇستەيىك. وزىندىك مەكتەبى بار ولكە.

قازاق ەلىنىڭ مۇنداي بيىككە شىعار شاماسى بار ما؟ يەكتى قولمەن ساۋىپ وتىرىپ، سان ويلانعان ساتتەر بار. جاۋابىن ىزدەپ شە. تابىلادى دا، تابان استىندا عايىپ بولادى. ول ءۇشىن كوپ ءىس تىندىرۋ كەرەك.

الدىمەن، اناۋ لەگيونەر دەگەن بالەدەن ارىلعان ءجون. باپكەر تاسىعاندى دا توقتاتا الساق. سودان شىعاتىن ءمۇيىز بولسا، ۇستاپ كورۋگە كەلەتىن زامان ءوتتى عوي.

ول دا ەمەس. ءوز فۋتبولىمىزدى تۇزەۋگە نيەتتى كىسى كەرەك. ءار وڭىردە. اكىمدەر فۋتبول ءامىرشىسى اتانۋدان جالىقسا شىركىن... بولىنگەن قوماقتى قارجى سول اياقدوپتى ورىستەتۋگە عانا ارنالسا.. ايتپەسە شارشاتتى... بىتپەيتىن قارىزدار.. سىزدەردى قايدام، انا كوماندا مۇنشا قارىز ەكەن دەگەندى ەستىگەندە ورنىمىزدان اتىپ تۇرامىز... ءتاپ ءبىر سونشا تەڭگەنى ءوزىمىز جوعالتىپ العانداي... ەرتىگىگە وزەك سىلتاۋلار.... بالەنباي ميللليون قارىز.. جانە كىمگە دەيسىز عوي. سىرتتان كەلگەندەرگە... ءبىر كىلتيپاننىڭ بار راس قوي... كىلتيپان كىلتى اشىلعانشا ومالىپ وتىرعانىمىز، وتىرعان.

ءجىبى ءتۇزۋ باعدارلاما بار ەدى. سارسەنبەك كەلجانوۆ پەن باۋىرجان سارسكەنوۆ سىندى اعالاردا. ەكەۋى دە و دۇنيەلىك. جوسپارلارى جۇزەگە اسپادى. نەگىزى وتە ساۋاتتى جازىلعان.. ونى جۇزەگە اسىرۋعا ەشكىم اسىقپادى.

ءبىردى ايتىپ، بىرگە كەتەمىز.. بالكىم بىردەڭە بىلەتىندىكتەن.. بالكىم دىم تۇسىنبەيتىندىكتەن.. ناداندىقتىڭ دا بەلگىسى شىعار، تۇسىنىكتىڭ تارلىعى دەگەندەي...

ءبىر وكىنىش. نەمەسە ... بۇل - وكىنىش... قولدان كەلەتىن شارۋانى رەتتەۋگە مۇمكىندىكتىڭ جوقتعى... ايتىلار، قالار... كىمنىڭ قۇلاعىنا سىرعا بولىپ، تاعىلسىن... كىم تاقتىرادى، ءا؟

ءبىر ءۇمىت... ءالى دە بۋىن اۋىسقان شاقتا الگى ءبىر جوسپارلار جۇزەگە اساتىن بولار... ۇمىتتەن كۇدەر ۇزۋگە بولمايدى عوي.. قانداي ەدىڭ، ەل فۋتبولى.. ءار ءوڭىردىڭ ءوز كومانداسى بولدى.. ءار كوماندا ساپىندا ءوز جىگىتتەرىمىز ونەر كورسەتتى... ەشكىمنەن كەم وينامايتىن... ءوڭىر باسشىلارى كەڭ ويلايتىن...

«گورنياگىڭ» قايدا، حرومتاۋ؟ «بولاتىڭ» قايدا، تەمىرتاۋ؟ «لاشىنىڭ» قايدا، قاراتاۋ؟ "ىلەڭ" قايدا، وتەگەن باتىر اۋىلى؟ «اقبۇلاعىڭ»، قايدا تالعار؟ «سۇڭقارىڭ» قايدا، قاسكەلەڭ؟ سۇڭقىلداعان قارت جانكۇيەردى كوردىك.. «حالانى» قارا دەپ تۇسىنبەيتىن... «ىلە-ساۋلەتتى» عانا قابىلدايتىن... ول ەسكى ادام. يچ ءتى دە تەگىنە «تەگتەپ» المايتىن... ونى ەشكىم تۇسىنبەيدى...

الەمدىك فۋتبول داعدارىسقا تاپ بولعان مىنا زاماندا بايان باداعۇلوۆ، تالعات بايسۋفينوۆ، تىلەۋحان تۇرماعامبەتوۆ، مارات ەسمۇراتوۆ، عاني قاينازاروۆ، اسقار قوجابەرگەنوۆ دەڭگەيلەس ويىنشىلارمەن دە تالاي شارۋانى شەشىپ الار ەدىك... ولاردىڭ ءىزباسارلارى دا كوپ ەدى عوي...

ەلىڭدە جيىرما شاقتى عانا كومانداڭ قالدى... ەلىڭدە لەگيونەرلەر تولىپ ءجۇر.. ولاردىڭ اگەنتتەرى قازىناڭدى تورىپ ءجۇر.. فۋتبولشى اكىمدەر الگى فۋتبولشىلار مەن اگەنتتەردىڭ «جەمى» بولىپ ءجۇر... جولىڭ بولسىن، ءبىزدىڭ فۋتبول... سەنىڭ باعىڭا دا بىرەۋ تۋدى ما ەكەن، وسى؟

امانگەلدى  سەيىتحان

Facebook-گى پاراقشاسىنان الىندى

Abai.kz