2015 جىلى قايرات جاماليەۆ دەيتىن «قاھارماننىڭ» ەلدى دۇرلىكتىرگەنىن ۇمىتا قويماعان شىعارسىزدار. ول كوڭىلدەس ايەلىمەن اۋەيى بولدى دەپ ءالىبي جۇماعۇلوۆ اتتى جاس جىگىتتى سوققىعا جىعىپ، ءبىر-اق كۇندە بار قازاققا تانىمال بولىپ شىعا كەلگەن ەدى.

فوتو: lenta.inform.kz

سول تۇستا جاماليەۆ جاس جىگىتتى وققاعارلارىمەن بىرىگىپ ۇرىپ-سوعىپ قانا قويماي، زورلاماق بولعانى باق بەتتەرىندە جازىلدى. سونداي-اق، ول «ءىرى كولەمدە اقشا بوپسالاعان»، «ادامدى قاساقانا قاماپ زاڭسىز ۇستاعان»،  «كۇشپەن جىنىستىق قاتىناسقا ماجبۇرلەگەن» دەپ كەلەتىن  باپتار  بويىنشا دا ايىپقا تارتىلعان-دى.

سول قايرات جاماليەۆ بوستاندىققا شىقتى. قر قىلمىستىق كودەكسىنىڭ 73-بابى 3-بولىگىنە سايكەس اقمولا وبلىسى كوكشەتاۋ قالالىق سوتىنىڭ شەشىمىمەن قالعان وتەلمەگەن جازاسى ايىپپۇلعا اۋىستىرىلعان.

قايرات جاماليەۆ 2015 جىلدىڭ تامىزىندا 13 جىلعا باس بوستاندىعىنان ايىرىلعان ەدى. كەيىننەن ۇكىم وزگەرىپ، جاماليەۆتىڭ جازا مەرزىمى 13 جىلدان 7 جىلعا ازايتىلعان بولاتىن.

ءشارىپحان قايسار

Abai.kz