م.ماعاۋيننىڭ ايتۋىنشا، 8 الاشتى 6 الاش ەتكەن ەسىم حان مەن تۇرسىنمۇحامەد سۇلتان اراسىنداعى "قاتاعان قىرعىنى" وقيعالارىنا بۇرىن تەك تاريح دەپ قارايتىنمىن.

ال، 2010 جىلعى قىرعىز توڭكەرىسىنەن بەرى مەنى رەجيمگە قارسى كوتەرىلىستەر قالاي ءپىسىپ جەتىلەتىنى قاتتى ويلاندىراتىن بولدى.

ماسەلەن، 1986 جىلعى "جەلتوقسان كوتەرىلىسى" تۋرالى سان قيلى پىكىر بار..
كەيبىر زەرتتەۋشىلەر "ستيحيالى كوتەرىلىس" دەسە، ەكىنشى بىرەۋلەرى كەڭەس وداعىنىڭ ىرگەتاسىن شايقالتىپ جىبەرگەن سول دۇربەلەڭدى الدەبىر توپ ۇيىمداستىردى دەسەدى.

الەكساندر ۆلاديميروۆيچ پىجيكوۆ دەگەننىڭ "حرۋششەۆ جىلىمىعى" اتتى زەرتتەۋ كىتابىندا كسرو قاۋىپسىزدىك كوميتەتىنىڭ 1965 جىلعى ("جەلتوقسان كوتەرىلىسىنەن" 21 جىل بۇرىن) مالىمەتتەرى بويىنشا جەرگىلىكتى كەڭەستەرگە دەپۋتات سايلاۋ بارىسىندا ورتالىققا قارسى استىرتىن ۇگىت بويىنشا كەڭەس وداعى قۇرامىنداعى 15 رەسپۋبليكا ىشىنەن قازاق كسر-ءى "رەكوردسمەن" بولعانىن ايتادى.

ولاي بولسا، "جەلتوقسان كوتەرىلىسىن" ستيحيالى دەپ ايتۋعا بولادى ما؟
كەرىسىنشە، 1986 جىلى وتارشىلىققا قارسى كۇرەستىڭ العى شارتتارى تولىق ءپىسىپ جەتىلگەنى بولسا كەرەك.

جاستار الاڭعا د.قوناەۆ ءۇشىن شىققان جوق. رەسپۋبليكا باسشىسىنىڭ اۋىسۋى ۇزاق جىلدار بويى وتارشىلىققا قارسى ىزا-كەكتىڭ سىرتقا لىقسىپ شىعۋىنا تۇرتكى بولدى.