قوجايىن جانە قوجايىننىڭ تۇقىم-تۇقياسى ەشقاشان قۇلداردىڭ تىلىندە سويلەمەيدى. كەرىسىنشە، قۇلدار ءوز دارەجەسىن باسقا قۇلداردىڭ الدىندا كوتەرۋ ءۇشىن قوجايىننىڭ تىلىندە سويلەۋگە تالپىنادى.

اۆسترالياداعى - ابوريگەندەر، جاڭا زەلاندياداعى - ماوريلەر، امەريكاداعى - ۇندىلەر، لاتىن امەريكاداعى - اتستەك-مايالار، افريكاداعى نيگەريا، كامەرۋن، موزامبيك تايپالارى - بارلىعى ءوز تىلدەرىن ۇمىتىپ، ەجەلگى قوجايىننىڭ تىلىندە سويلەپ ءجۇر. قۇلدىق جويىلعانىنا 100 جىلدان اسىپ كەتسە دە، ەگەمەندىكتەرىن السا دا، كوپتەگەن ەلدەر "ەليتالىق" ءتىلدى تاڭدادى.

ەندى ءوزىمىزدىڭ تەرريتوريامىزعا كەلسەك، ءبىز دە 257 جىل بويى رەسەي يمپەريياسىنىڭ ەزگىسىندە بولدىق، ءبىزدىڭ دە ارامىزدان قوجايىننىڭ ءتىلىن بىلگەندەر وزىپ شىقتى، وندايلار قوجايىنعا جاقىن بولىپ، قوجايىن سونداي "جاقىن" قۇلدارعا باسقا قۇلداردىڭ ۇستىنەن بيلىك بەرىپ قويدى. ءبىزدىڭ دە قۇلدىقتىڭ جويىلعانىنا 25 جىل بولدى. الايدا، ءبىز ءالى دە سول قوجايىننىڭ تىلىندە سويلەيمىز.

قوجايىننىڭ مەكتەبى بار، قۇلداردىڭ مەكتەبى بار. "اقىلدى قۇلدار" بالالارىن قوجايىننىڭ مەكتەبىنە بەرگىسى كەلەدى. قوجايىننىڭ ءتىلىن بىلمەسەڭ، سەنى بىردە ءبىر مەكەمە جۇمىسقا المايدى. بانك، ۋنيۆەرسيتەت، اكىمشىلىك - بارلىق جەردە كەز-كەلگەن كاعازدىڭ ءوزى كوجايىننىڭ تىلىندە جازىلعان. كافە، كينوتەاتر، نوتاريۋس، پارك، ۇشاق، تەمىرجول - بارلىعىندا قوجايىن ءتىلى ۇستەمدىكتى ۇستاپ تۇر.

"مەن قۇل بولسام دا، بالام قۇل بولماسىن" دەگەن وي جوق، بىزدە...

بەستىباي جايسانباەۆتىڭ Facebook-تەگى پاراقشاسىنان

Abai.kz