قىزىلوردا وبلىسى سىرداريا اۋداندىق تاريحي-ولكەتانۋ مۋزەيىندە قۇندى جادىگەر رەتىندە جوعارى باعالانعان شكاف اباي قۇنانباەۆتىكى بولىپ شىقتى، -  دەپ حابارلايدى التاينيۋس ءتىلشىسى قازاقپاراتقا سىلتەمە جاساپ.

شكافتى مۋزەيگە اتالمىش وڭىردەگى ا.توقماعانبەتوۆ اۋىلىنىڭ تۇرعىنى احمەتبەك ىسكەندىروۆ تابىس ەتكەن ەكەن.  احمەتبەكتىڭ  ايتۋىنشا، زەرە وعان ناعاشى اجە بولىپ كەلەدى.  بىردە قۇنانبايدىڭ تۋىسى، تۇرعان ەسىمدى ايەل ادام اۋىلىنا توركىندەپ بارعاندا،  اباي ەستەلىك رەتىندە اتالمىش شكافتى تارتۋ ەتكەن كورىنەدى.

– ودان كەيىنگى جىلدارى ول كىسى (تۇرعان) قىز بوسانىپ، وعان ابايدىڭ اجەسى زەرەنىڭ ەسىمىن قويادى. ءبۇلدىرشىن زەرە بوي جەتىپ، سىر وڭىرىنە كەلىن بولىپ تۇسكەندە وسى شكاف جاساۋىمەن بىرگە كەلەدى, – دەيدى اۋداندىق ولكەتانۋ مۋزەيىنىڭ قىزمەتكەرلەرى.

وسىلايشا احمەتبەك ىسكەندىروۆ قانشاما جىل كوزىنىڭ قاراشىعىنداي ساقتاپ كەلگەن دۇنيەنى اۋداندىق ولكەتانۋ مۋزەيىنە تابىس ەتكەن.

Abai.kz