ءداستۇرلى «ءبىر ەل - ءبىر كىتاپ» اكتسياسى اياسىندا بيىل كوپشىلىككە جۇسىپبەك ايماۋىتوۆتىڭ «اقبىلەك» رومانىن وقۋ ۇسىنىلىپ وتىر.

ج.ايماۋىتوۆتىڭ «اقبىلەك» رومانىن كوپشىلىككە وقۋعا ۇسىنۋ شەشىمى قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى فاريزا وڭعارسىنوۆانىڭ توراعالىعىمەن وتكەن «ءبىر ەل - ءبىر كىتاپ» اكتسياسى ۇيىمداستىرۋ كوميتەتىنىڭ وتىرىسىندا قابىلداندى.

«اقبىلەك» رومانى - ءبىر عانا قازاق قىزىنىڭ كۇردەلى تاعدىرى نەگىزىندە الەۋمەتتىك توڭكەرىستەر تۇسىنداعى قازاق اۋىلىنىڭ وزگەرۋ پروتسەسىن سۋرەتتەگەن العاشقى قازاق روماندارىنىڭ ءبىرى. شىعارمانىڭ باس كەيىپكەرى اقبىلەك وشىككەن ادامداردىڭ كەسىرىنەن اق اسكەرلەردىڭ تۇتقىنىنا ءتۇسىپ، نەشە قيلى قورلىق كورەدى. ءوز ەلىندە دە الۋان قيىندىقتارعا جولىعادى. كەيىن توڭكەرىس اياقتالعان سوڭ قالاعا كەتىپ، وقۋ وقىپ، ءوز باقىتىن تابادى.

اقبىلەكتىڭ باسىنان وتەتىن وسى وقيعالار ارقىلى جازۋشى سول ءبىر قيىن-قىستاۋ كەزەڭدەگى قازاق اۋىلدارىنداعى ءومىر شىندىعىن، ادامداردىڭ ءتۇرلى تاعدىرىن كەڭىنەن بەينەلەيدى.

ءداستۇرلى «ءبىر ەل - ءبىر كىتاپ» اكتسياسى اياسىندا بيىل كوپشىلىككە جۇسىپبەك ايماۋىتوۆتىڭ «اقبىلەك» رومانىن وقۋ ۇسىنىلىپ وتىر.

ج.ايماۋىتوۆتىڭ «اقبىلەك» رومانىن كوپشىلىككە وقۋعا ۇسىنۋ شەشىمى قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى فاريزا وڭعارسىنوۆانىڭ توراعالىعىمەن وتكەن «ءبىر ەل - ءبىر كىتاپ» اكتسياسى ۇيىمداستىرۋ كوميتەتىنىڭ وتىرىسىندا قابىلداندى.

«اقبىلەك» رومانى - ءبىر عانا قازاق قىزىنىڭ كۇردەلى تاعدىرى نەگىزىندە الەۋمەتتىك توڭكەرىستەر تۇسىنداعى قازاق اۋىلىنىڭ وزگەرۋ پروتسەسىن سۋرەتتەگەن العاشقى قازاق روماندارىنىڭ ءبىرى. شىعارمانىڭ باس كەيىپكەرى اقبىلەك وشىككەن ادامداردىڭ كەسىرىنەن اق اسكەرلەردىڭ تۇتقىنىنا ءتۇسىپ، نەشە قيلى قورلىق كورەدى. ءوز ەلىندە دە الۋان قيىندىقتارعا جولىعادى. كەيىن توڭكەرىس اياقتالعان سوڭ قالاعا كەتىپ، وقۋ وقىپ، ءوز باقىتىن تابادى.

اقبىلەكتىڭ باسىنان وتەتىن وسى وقيعالار ارقىلى جازۋشى سول ءبىر قيىن-قىستاۋ كەزەڭدەگى قازاق اۋىلدارىنداعى ءومىر شىندىعىن، ادامداردىڭ ءتۇرلى تاعدىرىن كەڭىنەن بەينەلەيدى.

اكتسيانى ۇيىمداستىرۋشىلار روماندى ەل اراسىندا ناسيحاتتاۋعا ارنالعان ءىس-شارالار جوسپارىن ازىرلەدى. ونىڭ اياسىندا قازاقستاننىڭ بارلىق مەملەكەتتىك كىتاپحانالارىندا روماننىڭ ءمانى مەن مازمۇنىن اشاتىن كەزدەسۋلەر، دوڭگەلەك ۇستەلدەر وتىرىستارى، وقۋ مارافوندارى مەن كورمەلەر، بارلىعى مىڭنان استام شارا ۇيىمداستىرىلادى. كىتاپ سۇيەر قاۋىم «اقبىلەك» رومانىنىڭ ەلەكتروندىق كوشىرمەسىن www.kazneb.kz سايتىنان الا الادى.

ەسكە سالايىق، قر مادەنيەت مينيسترلىگى مەن قر ۇلتتىق اكادەميالىق كىتاپحانانىڭ بىرلەسكەن جوباسى بيىل بەسىنشى رەت وتكىزىلىپ وتىر. اكتسيانىڭ ماقساتى - جازبا مادەني مۇرامىزدى ناسيحاتتاۋ جانە قوعامدا كىتاپ وقۋعا دەگەن قىزىعۋشىلىقتى ارتتىرۋ.