كۇلەسىز بە، جىلايسىز با؟ مىناۋ “حالىق بانكتىڭ” كليەنتتەرگە بەرگەن تۇبىرتەگى. اينالدىرعان ون ءسوزدىڭ جەتەۋى قاتە جازىلعان. جانە قازاقشا سوزدەرى مۇلدە تۇسىنىكسىز. بۇل تۋرالى بەلگىلى جۋرناليست Facebook الەۋمەتتىك جەلىسىندە جازدى.

حالىقتىڭ اتىن يەلەنگەن بانك سول حالىقتىڭ تىلىنە دە قۇرمەتپەن قاراۋعا جانە ساۋاتتى قىزمەت كورسەتۋگە مىندەتتى ەمەس پە؟

وسىعان دەيىن دە بۇل بانكتىڭ مەملەكەتتىك ءتىلدىڭ ورنىنا قىتاي تىلىندە قىزمەت كورسەتىپ، قاتەلەسكەنى تۋرالى Abai.kz-تە جازىلعان ەدى. ونى بانك وكىلدەرى، ءوز كليەنتتەرىنىڭ China Union Pay حالىقارالىق تولەم جۇيەسىنىڭ كارتالارىن پايدالانۋىنا بايلانىستى دەپ تۇسىندىرگەن.

ال، مىنا ساۋاتسىزدىقتى قالاي تۇسىنۋگە بولادى؟

قازىر قازاق تىلىندەگى كەز-كەلگەن ساۋاتسىز جارناما مەن قىزمەت كورسەتۋگە بەي-جاي قاراۋعا بولمايدى. سەبەبى، قوعام تالاپ ەتپەسە، قازاق ءتىلى مازاققا اينالىپ كەتە بەرمەك.

نۇربيكە بەكسۇلتانقىزى

Abai.kz