ەۋروپانى شىرىگەن دەپ قويامىز...
كوپشىلىك ء"ىرىپ-شىرىگەن قوعام" سانايتىن ەۋروپادا بالا مەن انا قۇقىعى تاماشا قورعالادى. وندا ء"وز بالام، ۇرسام دا، سوقسام دا ءوزىم بىلەمىن" دەگەن قاعيدا جوق. "مەملەكەت ارالاسپاسىن، بالاما قانداي تاربيە بەرسەم دە ءوزىم بىلەمىن" دەپ توقپاقتاپ، تاياقتىڭ استىنا الاتىندار جوقتىڭ قاسى.
ۇلىبريتانيادا بالانىڭ كوڭىل-كۇيى جوق بولىپ ساباققا كەلسە، ونىمەن بىردەن پسيحولوگ سويلەسەدى. ال ەگەر بالانىڭ ءبىر جەرى كوگەرىپ كەلسە، وندا بىردەن اتا-اناسى مەكتەپكە شاقىرىلىپ، قۇقىق قورعاۋ ورگاندارىمەن اڭگىمە باستالادى. بۇل بالانىڭ قۇقىعىن قورعاۋ ما؟ قورعاۋ!
ال بىزدە اسىلىپ ولگەننەن كەيىن بارىپ، بيلىك وتىرىك تەكسەرۋ ۇيىمداستىرىپ، بالاجاندى بولا قالادى.
بالاباقشادا ەشكىم ءسابيدى قىلقىندىرىپ، تۇنشىقتىرىپ ۇيىقتاتپايدى. ۇرمايدى، سوقپايدى. ولاي ەتكەندەردىڭ جازاسى بىرەۋ. تەمىر تور! بۇل بالانىڭ قۇقىعىن قورعاۋ ما؟ قورعاۋ!
ولاردا ادام جانە ونىڭ ءومىرى، قۇقىعى باستى ورىندا. بالا ادام، دەمەك ونىڭ قۇقىعى دا ماڭىزدى، ءبىرىنشى ورىندا.
بىزدە بيىك مىنبەردەگى بىلعارى كرەسلودا وتىرعان كوكەلەرىمىز وسى انا مەن بالا قۇقىعىن قورعايمىز دەپ ميلليونداپ الىپ وتىر. بىراق قورعالعان قۇقىق كورىپ تۇرعانىم جوق.
بالاباقشادا بالانى تۇنشىقتىرعان قاتىن قاتاڭ جازالانسىن! تۇرمەدە تۇندەرىن، جىلدارىن وتكىزۋى ءتيىس. بالاسىن قورعاماعان، بالالىعىن ۇرلاعان ەلدىڭ بولاشاعى بۇلىڭعىر، كەلەشەگى تۇماندى. سۋ جاڭا ومبۋدسمەنىمىز ءتىپتى كورىنبەيدى دە...
ەۋروپانى شىرىگەن دەپ قويامىز، وزىمىزدە ءشىريتىن دە ەشتەڭە قالمادى-اۋ...
اسحات قاسەنعاليدىڭ Facebook-تەگى پاراقشاسىنان
Abai.kz
