سانكتسيالار اقش-تىڭ بارلاۋ قىزمەتتەرى بەرىلگەن مالىمەتتەر نەگىزىندە ەلدىڭ قارجى مينيسترلىگى مەن مەملەكەتتىك دەپارتامەنت تارابىنان ەنگىزىلەدى. سانكتسيالىق تىزىمگە ەنگەن زاڭدىق جانە جەكە ازاماتتاردىڭ امەريكالىق ەسەپ-شوتتارى بۇعاتتالادى. مۇنان بولەك قۇراما شتاتتاردىڭ قارجى مەكەمەلەرىنە مۇمكىندىكتەرى شەكتەلىپ، ال امەريكالىق ازاماتتارعا تىزىمدەگى كومپانيالارعا ينۆەستيتسيا سالۋعا تىيىم سالىنادى.
وسىعان دەيىن ترامپ سايلاۋعا ارالاسقاندار تۋرالى شەكتەۋلەردىڭ ءوز ۆاريانتىن دايىنداپ جاتقان امەريكالىق زاڭ شىعارۋشىلاردان وزىپ، سانكتسيالار تۋرالى جارلىققا قول قوياتىنىن حابارلاعان. اق ءۇي ترامپتى سايلاۋ جۇيەسىنە ءتيىستى كوڭىل بولمەي جاتىر دەپ سىناعاندارعا وسىلايشا جاۋاپ بەردى.
ۆاشينگتون ماسكەۋدى 2016 جىلعى اقش-تاعى پرەزيدەنت سايلاۋىنا ارالاستى دەپ ايىپتايدى. ال رەسمي ماسكەۋ بولسا، بۇل ايىپتاۋلاردى تەرىسكە شىعارادى.
Abai.kz
