حوك-تىڭ ەتيكا بويىنشا ديرەكتورى پاكەرەتت جيرار زاپەللي ءتيىستى حاتتى راحيموۆقا جىبەرگەن. وندا راحيموۆتىڭ AIBA پرەزيدەنتتىگىنە ۇسىنىلۋى 2020 جىلى توكيودا وتەتىن وليمپيادا ويىندارىنا بوكس باعدارلاماسىن الىپ تاستاۋ قاۋپىن تۋعىزادى دەلىنگەن. سەبەبى راحيموۆ قىلمىستىق الەممەن بايلانىسى بار دەگەن كۇدىككە ىلىنگەن.
وسىنىڭ الدىندا اقش قارجى مينيسترلىگىنىڭ شەتەلدىك اكتيۆتەردى باقىلاۋ دەپارتامەنتى راحيموۆتى سانكتسيالىق تىزىمگە ەنگىزگەن. سونىمەن بىرگە راحيموۆقا دوللارمەن كەز-كەلگەن قارجى وپەراتسياسىن جۇرگىزۋگە تىيىم سالىنعان.
AIBA پرەزيدەنتتىگىنە سايلاۋ ماسكەۋدە، 3 قاراشادا وتەدى. Inside the games پورتالىنىڭ حابارلاۋىنشا، بوكستان ازيا كونفەدەراتسياسىنىڭ پرەزيدەنتى، قازاقستاندىق سەرىك قوناقباەۆ دا AIBA باسشىلىعىنا كانديداتۋراسىن ۇسىنباق.
حوق بۇگىندە 2020 جىلى وتەتىن وليمپيادا ويىندارىنا بوكس باعدارلاماسىن ساقتاپ قالۋ ماسەلەسىن تالقىلاپ جاتىر. حوق قازىرگى تاڭدا AIBA-نى باسقارۋ، قارجىلاندىرۋ جانە انتيدوپينگكە قاتىستى ماسەلەسىن زەرتتەپ جاتىر. AIBA-نىڭ بۇرىنعى باسشىسى چينگ كۋو ۆۋ وتستاۆكاعا كەتكەن، ونىڭ مىندەتىن راحيموۆ اتقارىپ جاتىر.
Abai.kz
