پۋتين يل-20 ەكيپاجىندا قازا تاپقانداردىڭ وتباسىنا كوڭىل ايتقان. ول ماسكەۋدىڭ وقيعاعا بايلانىستى يزرايلگە قاتىسى قورعانىس مينيسترلىگىنىڭ مالىمدەمەسىندە تولىق ايتىلعان دەدى. پۋتين بۇل مالىمدەمەنىڭ وزىمەن كەلىسىلگەنىن اتاپ ءوتتى.

رەسەيلىك يل-20 اسكەري ۇشاعى جەرورتا تەڭىزىنىڭ سيريا جاعالاۋىندا اپاتقا ۇشىرادى. ۇشاقتى رەسەي وداقتاسى باشار اساد اسكەرى قۇلاتقان. اپاتتان 15 رەسەيلىك اسكەر قازا تاپتى. ماسكەۋ بۇل وقيعا ءۇشىن ءيزرايلدى ايىپتادى. رەسەيدىڭ قورعانىس مينيسترلىگىنىڭ مالىمدەۋى بويىنشا، اسادتىڭ اسكەري نىسانىنا سوققى بەرىپ جاتقان يزرايلدىك اتقىشتار يل-20 ۇشاعىن قورعانۋ ءۇشىن پايدالانعان.

يزرايل رەسەيلىك اسكەريلەردىڭ قازاسىنا كوڭىل ايتا وتىرىپ، ماسكەۋدىڭ ايىپتاۋىنا كەلىسپەيتىنىن جەتكىزدى. يزرايل ارمياسى يل-20 سوعىس وپەراتسياسى ءجۇرىپ جاتقان لاتاكيادان تىس جەردە بولعان دەيدى. بۇل ماسەلەنى بۇگىن پۋتين يزرايل پرەمەر-مينيسترىمەن تالقىلايدى.

ءيزرايلدىڭ قورعانىس ارمياسى جۇيەلى تۇردە اساد نىساندارىنا شابۋىل جاساپ كەلەدى. رەسەي بولسا سيريا پرەزيدەنتىنىڭ باستى وداقتاسى. سوڭعى كەزدە رەسەي اسكەرى يدليب پروۆينتسياسىنا شابۋىلدى كۇشەيتتى. حالىقارالىق قاۋىمداستىق ايماققا حيميالىق قارۋ قولدانۋ قاۋپىن ايتىپ دابىل قاعىپ جاتىر.

Abai.kz