الماتى اكىمى باۋىرجان بايبەك گەرمانيا فەدەراتيۆتىك رەسپۋبليكاسىنىڭ سىرتقى ىستەر ءمينيسترى، بۋندەستاگ دەپۋتاتى نيلس اننەنمەن كەزدەستى. تاراپتار ساۋدا-ەكونوميكالىق جانە مادەني-گۋمانيتارلىق بايلانىستار ماسەلەلەرىن تالقىلادى.

مەگاپوليس باسشىسى الماتى قالاسى مەن گەرمانيا اراسىنداعى تاۋار اينالىمىنىڭ وڭ ديناميكاعا يە ەكەندىگىن جەتكىزدى. الماتىدا نەمىستىڭ «اقىلدى» تەحنولوگياسى مەن يننوۆاتسيالىق قۇرىلىمدارىنا، سونىمەن قاتار گەرماندىق بيزنەستى قالا ەكونوميكاسىنا تارتۋعا قىزىعۋشىلىقتىڭ ۇلكەن ەكەنىن ايتتى.

گفر-نىڭ سىرتقى ىستەر ءمينيسترى ءوز كەزەگىندە قازاقستان مەن گەرمانيانى ستراتەگيالىق سەرىكتەستىكتىڭ جاقىنداتا تۇسەتىنىن اتاپ ءوتتى. ول بيىلعى كۇزدە الماتىدا وتەتىن جىل سايىنعى «قازاقستانداعى گەرمانيا ەكونوميكاسىنىڭ كۇندەرى» بيزنەس-فورۋمىنىڭ ەكى ەل اراسىنداعى ىسكەرلىك بايلانىستى ودان ءارى نىعايتۋعا ىقپال ەتەتىنىن ايتتى.

نيلس اننەن قالاداعى جاياۋ جۇرگىنشى جانە كولىك ينفراقۇرىلىمىن مودەرنيزاتسيالاۋدى اتاپ ءوتتى.

«ءوزىمنىڭ تۋعان قالام گامبۋرگتە BRT جۇردەك اۆتوبۋستار جەلىسى جۇزەگە اسۋدا، قوعامدىق كولىك دامۋدا. مۇنىڭ بارلىعى بيزنەس جانە ينۆەستورلار ءۇشىن قالانى بارىنشا تارتىمدى ەتەدى، جاڭا وفيستەر اشۋعا قۇلشىندىرادى ءارى قالا تۇرعىندارى ءۇشىن وتە ىڭعايلى»،- دەدى ول.

Abai.kz