رەسەي ءىىم رەسمي سايتىندا جاريالانعان دەرەكتەرگە سايكەس، 2018 جىلدىڭ قاڭتار-ماۋسىم ايلارىندا 2,2 ملن وزبەكستان ازاماتى رەسەيدە ميگراتسيالىق ەسەپكە الىنعان.

بيىلعى جىلدىڭ العاشقى جارتى جىلدىعىندا رەسەيدە 1,1 ملن وزبەكستاندىق ەڭبەك ەتسە، 10 مىڭ ادام ءبىلىم بەرۋ مەكەمەلەرىندە وقىعان، ال 4 مىڭ ادام تۋريست رەتىندە كەلگەن.

سالىستىرۋ ءۇشىن: ەگەر 2012 جىلى رەسەي ازاماتتىعىن 13 مىڭ 400 وزبەكستاندىق السا، 2017 جىلى بۇل كورسەتكىش 23 مىڭ 300 ادام بولعان.

رەسمي مالىمەت بويىنشا، وزبەكستاننان شىققاندار رەسەي ازاماتتىعىن ەڭ كوپ الىپ جاتقان العاشقى بەستىككە كىرەدى.

2017 جىلى تومەندەگى ءتورت ەلدىڭ ازاماتتارى رەسەي ازاماتتىعىن كوپ العاندار: ۋكراينا (85,1 مىڭ ادام), قازاقستان (40,7 مىڭ.), تاجىكستان (29 مىڭ.) جانە ارمەنيا (25,1 مىڭ.).

Abai.kz