حالىقارالىق اسكەري-تەحنيكالىق دەپارتامەنتىنىڭ قىزمەتكەرى اسلانبەك سىرلانوۆ قازاق-وزبەك بىرلەسكەن سپۋتنيگىن سالۋدا ناقتى ۇسىنىس بار ەكەنىن ايتادى.
«قازىر ءبىزدىڭ وزبەكستاندىق ارىپتەستەرىمىز شەتەلدىك سپۋتنيكتى پايدالانادى. سوندىقتان بىرلەسكەن ءبىر سپۋتنيك سالۋ جونىندە ۇسىنىس ءتۇستى»، – دەيدى سىرلانوۆ ءباسپاسوز ءماسليحاتى كەزىندە.
مۇنان بولەك ورتالىق ازيا ەلدەرى ىنتىماقتاستىعى اياسىندا بىردەن بەس سپۋتنيك تۇرعىزۋ قاراستىرىلىپ جاتىر ەكەن. بۇل اپپاراتتار 5 مەترگە دەيىنگى زاتتاردى سۋرەتكە تۇسىرە الادى.
«سوندا ورتالىق ازياداعى ءاربىر مەملەكەت ءبىر سپۋتنيكتەن باسقارادى. كۇندەلىكتى سۋرەتكە ءتۇسىرىپ وتىرۋعا مۇمكىندىك بار. مۇنىڭ ءبارى قازاقستان ۇسىنىپ وتىر»، – دەيدى سىرلانوۆ.
21 قىركۇيەكتە استانادا جاڭا گەوساياسي جاعدايدا قازاقستان مەن وزبەكستان اراسىنداعى ىنتىماقتاستىقتى دامىتۋ جونىندەگى حالىقارالىق كونفەرەنتسيا وتكەن. بۇل جيىنعا ەكى ەلدىڭ عارىش سالاسىنداعى وزىق ساراپشىلارى قاتىستى. شارا اياسىندا ەكى ەل اراسىندا عارىش وناركاسىبىن دامىتۋعا بايلانىستى مەموروندۋمعا قول قويىلعان.
Abai.kz
