پارلامەنت سەناتىنىڭ دەپۋتاتى، قازاقستان رەسپۋبليكاسىنداعى بالا قۇقىقتارى جونىندەگى ۋاكىل ساۋلە ايتپاەۆا بالالاردىڭ قۇقىقتارى مەن زاڭدى مۇددەلەرىن قورعاۋ ماسەلەلەرى بويىنشا الماتى قالاسى مەن الماتى، قاراعاندى جانە تۇركىستان وبلىستارىنان ءوتىنىش بىلدىرگەن ازاماتتاردى بەينەكونفەرەنتسيا تارتىبىندە قابىلدادى، - دەپ حابارلايدى اباي-اقپارات قازاقستان رەسپۋبليكاسىپارلامەنتى سەناتىنىڭ ءباسپاسوز قىزمەتىنە سىلتەمە جاساپ.

شاراعا دەنساۋلىق ساقتاۋ، ءبىلىم جانە عىلىم، ەڭبەك جانە حالىقتى الەۋمەتتىك قورعاۋ، قوعامدىق دامۋ، ىشكى ىستەر مينيسترلىكتەرىنىڭ، سونداي-اق جەرگىلىكتى اتقارۋشى ورگاندار مەن ۇكىمەتتىك ەمەس ۇيىمداردىڭ وكىلدەرى قاتىستى.

قابىلداۋ بارىسىندا بالالاردىڭ قۇقىقتارىن قورعاۋ جانە ولاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا تۇرعىنداردىڭ وتىنىشتەرى قارالدى. وتىنىشتەردە بىرقاتار وزەكتى ماسەلەلەر، سونىڭ ىشىندە لايىقتى ءبىلىم الۋ، دەنساۋلىق قورعاۋ، اتا-انانىڭ قامقورلىعىنسىز قالعان بالالارعا قورعانشى بولۋ مەن قامقورلىققا الۋ، مەكتەپتە، سونداي-اق وقۋ ورىندارىنان تىس جەرلەردە (اشىق قۇدىقتار) بالالاردىڭ قاۋىپسىزدىگىن قامتاماسىز ەتۋ، اتا-انالارى اجىراسقان كەزدە بالالاردىڭ تۇرعىلىقتى جەرىن جانە ولارمەن قارىم-قاتىناستى انىقتاۋ جانە باسقا دا ماسەلەلەر كوتەرىلدى.

تۇرعىنداردى قابىلداۋ كەزىندە بارلىق وتىنىشتەر بويىنشا وڭ شەشىم قابىلداندى. بەينەكونفەرەنتسيا بارىسىندا قويىلعان سۇراقتارعا بەينەبايلانىستا بولعان وبلىس اكىمشىلىگىنىڭ كومەگىمەن جاۋاپ بەرىلدى.

بالا قۇقىقتارى جونىندەگى ۋاكىل س.ايتباەۆا جەرگىلىكتى اتقارۋشى ورگاندار وكىلدەرىنىڭ نازارىن تۇرعىندار اراسىندا ءتيىستى اقپاراتتىق-تۇسىندىرمە جۇمىسىن جۇرگىزۋ، بالالار مەن وتباسىلاردىڭ قۇقىقتارىن قورعاۋ ماسەلەلەرىندە اشىقتىق پەن ايقىندىلىقتى قامتاماسىز ەتۋ قاجەتتىلىگىنە اۋداردى.

بالا قۇقىقتارى جونىندەگى ۋاكىل وسىنداي قابىلداۋدى توقسان سايىن وتكىزەتىن بولادى.

Abai.kz