جۋىردا قازاقستان رەسپۋبليكاسىنىڭ ادىلەت مينيسترلىگى 2018 جىلدىڭ ءبىرىنشى جارتىجىلدىقتىڭ كونترافاكتىلى ءونىمنىڭ اينالىمى بويىنشا نارىقتىڭ جاعدايىنا مونيتورينگىن جاريالاپتى.

2018 جىلدىڭ ءبىرىنشى جارتىجىلدىقتا ادىلەت ورگاندارى، ىشكى ىستەر جانە قازاقستان رەسپۋبليكاسى قارجى مينيسترلىگى مەملەكەتتىك تابىس كوميتەتى ەكونوميكالىق زەرتتەۋلەر قىزمەتى زياتكەرلىك مەنشىك قۇقىقتارىن قورعاۋ شارالارىن وتكىزگەن ەكەن.

2018 جىلدىڭ ءبىرىنشى جارتىجىلدىعىندا ادىلەت ورگاندارىمەن تاۋار بەلگىسى پايدالانۋ زاڭناماسىن ساقتاۋبويىنشا 136 تەكسەرۋلەر جۇرگىزىلدى، 2017 جىلدىڭ وسىنداي كەزەڭىنە قاراعاندا 44 تەكسەرۋلەر كوپ كورسەتكىشتە (92 تەكسەرۋلەر)

تەكسەرۋ ناتيجەلەرى بويىنشا 107 قۇقىق بۇزۋشىلىقتار انىقتالدى.

قازاقستان رەسپۋبليكاسىنىڭ اكىمشىلىك كودەكسىنىڭ 158-بابىمەن 107 اكىمشىلىك ءىس قوزعالدى(سونىڭ ىشىندە 2017 جىلدان كەلە جاتقان 2 ءىس), سوتتارمەن قارالعان - 95 ءىس، اكىمشىلىك جاۋاپكەرشىلىككە تارتىلعان - 95 تۇلعا.

ايىپپۇل سوماسى 6 ملن 180 مىڭ 484 تەڭگەنى قۇرادى.

12 اكىمشىلىك ءىس قاراستىرىلۋدا (الماتى ءاد 2, شقو ءاد-3, بقو ءاد-1, قوستاني وبلىسى ءاد-3, وقو ءاد-2, ماڭعىستاۋ وبلىسى ءاد-1).

زاڭسىز اينالىمنان جالپى سوماسى 3 436 289 تەڭگەنى قۇرايتىن 3,422 بىرلىك كونترافاكتىلىك ءونىم تاركىلەندى.

قازاقستان رەسپۋبليكاسىنىڭ ىشكى ىستەر ورگاندارىمەن زاڭسىز اينالىمنان 16,4 مىڭ بىرلىك كونترافاكتىلىك ءونىم تاركىلەندى. ونىڭ ىشىندە 3,1 مىڭى اۋديوتاسىمالداۋشى جانە 12,9 مىڭىبەينەتاسىمالداۋشى، 131 ليتسەنزياسىز باعدارلامالىق قامتاماسىز ەتۋ تاسىمالداۋشىلارى جانە ت.ب.

2018 جىلدىڭ ءبىرىنشى جارتىجىلدىعىندا قازاقستان رەسپۋبليكاسىنىڭ قىلمىستىق كودەكسىنىڭ (بۇدان ءارى - قر قىلمىستىق كودەكسى) 198-بابىنا (اۆتورلىق جانە ساباقتاس قۇقىقتاردى بۇزۋ) سايكەس 38 قىلمىستىق قۇقىق بۇزۋشىلىق الدىن الا تەرگەۋدىڭ بىرىڭعاي تىزىلىمىندە تىركەلدى.

كونترافاكتىلى ءونىمدى ءوندىرۋدىڭ 4 فاكتىسى (تسەحتەر) انىقتالدى (وڭتۇستىك قازاقستان ىشكى ىستەر دەپارتامەنتىمەن - 2, قىزىلوردا جانە جامبىل وبلىستارى ىشكى ىستەر دەپارتامەنتتەرىمەن – ءبىر بىردەن).

قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ (بۇدان ءارى - اكىمشىلىك قۇقىق بۇزۋشىلىق تۋرالى كودەكس) 196-بابى (تاۋارلاردى نەمەسە وزگە دە وبەكتىلەردى زاڭسىز ساتۋ) جانە 204-بابى (بەلگىسىز ورىنداردا ساۋدا جاساۋ) بويىنشا ادامداردىڭ ۇلكەن شوعىرلانۋ ورىندارىندا (ساۋدا ورىندارىندا، بازارلار، ايالدامالار جانە ت.ب.) قۇقىق بۇزۋشىلاردى اكىمشىلىك جاۋاپكەرشىلىككە تارتۋ جۇمىس جۇرگىزىلۋدە.

2018 جىلدىڭ ءبىرىنشى جارتىجىلدىعىندا قر اكىمشىلىك قۇقىق بۇزۋشىلىق تۋرالى كودەكسىنىڭ 196-بابىنا سايكەس 6 ادام اكىمشىلىك جاۋاپكەرشىلىككە تارتىلدى، ولارعا 330 مىڭ تەڭگە ايىپپۇل سالىندى.

اكىمشىلىك قۇقىق بۇزۋشىلىق تۋرالى كودەكستىڭ 204-بابىنا سايكەس 149 ادامعا 631 مىڭ تەڭگە ايىپپۇل سالىندى.

2018 جىلدىڭ 6 اي ىشىندە قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتىنىڭ ەكونوميكالىق تەرگەۋ قىزمەتىمەن (بۇدان ءارى-كاميتەت) كونترافاكتىلىك ونىمدەردى ءوندىرۋ جانە ساتۋ فاكتىلەرى بويىنشا اتبت-دە 47 قۇقىق بۇزۋشىلىق تىركەلدى (قر قىلمىستىق كودەكسىنىڭ 98-بابىنا سايكەس - 41, قر قىلمىستىق كودەكسىنىڭ 222-بابىنا سايكەس - 6).

رەسپۋبليكا بويىنشا 107 قىلمىستىق ءىس ورىن الدى (وتكەن جىلدارداعى جاعدايلاردى ەسكەرە وتىرىپ). 95 قىلمىستىق ءىس (قر-نىڭ قىلمىستىق كودەكسىنىڭ 198-بابى بويىنشا 82 قىلمىستىق ءىس، قر-نىڭ قىلمىستىق كودەكسىنىڭ 222-بابىنا سايكەس 13 قىلمىستىق ءىس) اياقتالدى، ونىڭ ىشىندە 16 ءىس سوتقا جىبەرىلدى (13 - قر قك 198-بابى، ), 79 ءىس (قر قىلمىستىق كودەكسىنىڭ 98-بابىنا سايكەس - 69, قر قىلمىستىق كودەكسىنىڭ 222-بابى بويىنشا - 10) - قالپىنا كەلتىرىلمەگەن نەگىزدەر بويىنشا توقتاتىلدى، 1 قىلمىستىق ءىس قالپىنا كەلتىرۋ نەگىزىندە توقتاتىلدى.

اۆتورلىق جانە ساباقتاس قۇقىقتاردى بۇزۋ باعىتىندا (قر قىلمىستىق كودەكسىنىڭ 98-بابى).

92 قىلمىستىق ءىس ورىن الدى، ونىڭ ىشىندە 82 ءىس اياقتالدى:

- 13 ءىس – سوتقا جابەرىلدى;

- ماملەگە كەلۋ جانە زالالدىڭ ورنىن تولتىرۋعا بايلانىستى قىلمىستىق ىستەر قالپىنا كەلتىرىلمەيتىن نەگىزدەر بويىنشا 69 قىلمىستىق ءىس توقتاتىلدى;

- 1 جاعداي وڭالتۋ سەبەپتەرى بويىنشا توقتاتىلدى.

كوبىنەسە، بۇل قۇقىق بۇزۋشىلىق CD / DVD ديسكىلەرىن وندىرۋگە جانە ساتۋعا، سونداي-اق SONY PlayStation ءۇشىن كونترافاكتىلىك ويىنداردىڭ تارالۋىنا، مەملەكەتتىك جانە بيۋدجەتتىك ۇيىمداردىڭ مەملەكەتتىك ساتىپ الۋلارىندا ليتسەنزياسىز باعدارلامالىق قامتاماسىز ەتۋدى ورناتۋعا بايلانىستى.

ماسەلەن، الماتى قالاسىنىڭ مەملەكەتتىك كىرىس دەپارتامەنتى مەملەكەتتىك ساتىپ الۋ شەڭبەرىندە مەملەكەتتىك مەكەمەلەرگە تىركەلگەن «Microsoft Office-2013 Professional Plus»، «Microsoft» دەگەن كونترافاكتىلىك باعدارلامالىق قامتاماسىز ەتۋمەن جابدىقتاۋدىڭ 5 فاكتىسىن انىقتادى(ىستەر سوتقا جىبەرىلدى).

اعىمداعى جىلى قاراعاندى وبلىسىنىڭ مەملەكەتتىك كىرىس دەپارتامەنتى جاساندى ديسكىلەردى ءوندىرۋ جانە ساتۋ بويىنشا جاسىرىن تسەح انىقتادى. قۇقىق يەلەرىنە شامامەن 2 508 000 تەڭگە كولەمىندە زيان كەلتىرىلگەن (ىس سوتقا جىبەرىلدى).

تاۋار تاڭباسىن زاڭسىز پايدالانۋ باعىتىندا (قازاقستان رەسپۋبليكاسى قىلمىستىق كودەكسىنىڭ 222-بابى):

قىلمىستىق زاڭعا سايكەس تاۋار تاڭباسىنىڭ بۇزىلۋى قىلمىستىق ارەكەتتەرگە جاتادى جانە ءجۇز ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە بiردەي مولشەردە تۇزەۋ جۇمىستارىنا نە قوعامدىق جۇمىستارعا توقسان ساعاتقا دەيiن تارتىلادى نەمەسە قىرىق تاۋلiككە دەيiن قاماۋعا الىنادى.

اعىمداعى جىلى بۇل ءىس بويىنشا 15 سوتقا دەيىنگى ءىس جۇرگىزىلدى، 6 قىلمىس تىركەلدى، 3 ءىس سوتقا جىبەرىلدى(«AMOY» تاۋارلىق بەلگىسىنىڭ كونترافاكتىلى سوۋسىن ءوندىرۋ جانە ساتۋ جانە «ۆوكرۋگ سۆەتا» كوفە كومپانياسى «حۋتوروك» جانە «زدوروۆە» تاۋار بەلگىسىندەگى تسيكوري، «Procter & Camble» كومپانياسىنىڭ تۇرمىستىق حيمياسى).

كوميتەت كونترافاكتىلىك ونىمدەردى جاسىرۋ ءۇشىن جاسىرىن تسەحتاردى انىقتاۋ قاجەتتىلىگىنە اۋماقتىق بولىمشەلەردىڭ نازارىن اۋدارادى، ونىڭ ىشىندە حالىقتىڭ قاۋىپسىزدىگى مەن دەنساۋلىعىنا اسەر ەتەتىن كونترافاكتىلى ونىمدەردى ءوندىرۋ جانە ماركەتينگ فاكتىلەرىن توقتاتۋ(قۇرىلىس ماتەريالدارى، قوسالقى بولشەكتەر، جابدىقتار، مەديتسينالىق جانە مەديتسينالىق ماقساتتاعى بۇيىمدار، تاماق ونىمدەرى جانە ت.ب.).

كوميتەتتىڭ شەكارالىق بولىمشەلەرىندە كونترافاكتىلىك تاۋارلاردى انىقتاۋداعى كونترابانداعا قارسى كۇرەسكە باقىلاۋدى كۇشەيتۋ بويىنشا شارالار قابىلدانۋدا.

شەكارالىق باقىلاۋ پۋنكتتەرىندە جەدەل توپتار ءوز قىزمەتىن جۇزەگە اسىرادى، ولار تاۋلىك بويى جۇمىس ىستەيدى، كونتراباندالىق ونىمدەردىڭ، ونىڭ ىشىندە زياتكەرلىك مەنشىك سالاسىنداعى بۇزۋشىلىقتار تۋىنداعان تاۋارلاردىڭ يمپورتىن توقتاتادى.ادامنىڭ دەنساۋلىعىنا پايدالانۋ مەن قولدانۋداعى زيان كەلتىرۋ قاۋپى بار تاۋارلاردى يمپورتتاۋ باقىلاۋىنا ەرەكشە نازار اۋدارىلادى.

مىسالى، بالالارعا (ويىنشىقتارعا), ازىق-تۇلىك تاۋارلارىنا، جابدىقتاردىڭ، ماشينالاردىڭ، ۇيالى تەلەفونداردىڭ، ءدارى-دارمەكتەر مەن پرەپاراتتاردىڭ ءارتۇرلى تۇرلەرىنە اكەلىنەتىن تاۋارلار باقىلاۋعا تۇسەدى.

قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ ستاتيستيكاسى بويىنشا 2018 جىلدىڭ ءبىرىنشى جارتىجىلدىعىندا اۆتورلىق قۇقىقتى قورعاۋ بويىنشا ءبىرىنشى ساتىداعى سوتقا بەرىلەتىن ازاماتتىق ىستەر بويىنشا تالاپتاردىڭ سانى 331 ءوتىنىم قۇرادى، 293 ءوتىنىش بويىنشا ءىس قوزعالدى، 29-ى تاۋار بەلگىلەرىن قورعاۋ بويىنشا، 23 ءوتىنىم بويىنشا ءىس قوزعالدى.

Abai.kz