AIBA پرەزيدەنتتىگىنە ءوتىنىش بەرۋ 23 قىركۇيەكتە اياقتالعان. AIBA باسشىسىن سايلايتىن كونگرەس 2-3 قاراشا كۇندەرى ماسكەۋدە وتپەك.
سوۆەت كەزەڭىندەگى بوكسشى، قازاقستان پارلامەنتى ءماجىلىسىنىڭ بۇرىنعى دەپۋتاتى سەرىك قوناقباەۆ 1980 جىلى ماسكەۋدە وتكەن وليمپيادا ويىندارىنىڭ جانە 1982 جىلعى الەم بىرىنشىلىگىنىڭ كۇمىس جۇلدەگەرى اتانعان. ول الەم كۋبوگىن ەكى رەت (1979 جانە 1981 جىلى) جەڭىپ العان.
گافۋر راحيموۆ 2018 جىلدىڭ شىلدەسىنە دەيىن وزبەكستان ىشكى ىستەر مينيسترلىگىنىڭ ىزدەۋىندە جۇرگەن.
بۇعان دەيىن حالىقارالىق وليمپيادا كوميتەتى راحيموۆ بوكستىڭ وليمپيادا باعدارلاماسىندا قالا بەرۋىنە ىقپال ەتۋى مۇمكىن دەپ، وعان ءوز كانديداتۋراسىن ۇسىنباۋعا شاقىرعان. اقش قارجى مينيسترلىگىنىڭ شەتەلدىك اكتيۆتەردى قاداعالاۋ دەپارتامەنتى ءراحيموۆتى وزبەكستانداعى ەڭ ۇلكەن قىلمىسكەرلەردىڭ ءبىرى رەتىندە سانكتسيا تىزىمىنە ەنگىزگەن. قارجى مينيسترلىگى سونىمەن قاتار ءراحيموۆتىڭ اقش دوللارىمەن كەز-كەلگەن قارجى وپەراتسياسىن جاساۋىنا تىيىم سالعان.
Abai.kz
