«تالاس وبلىسىنداعى كيروۆ سۋ قويماسىندا 2 مىڭ گەكتار جەر سۋ استىندا قالدى. سۋ قويمانىڭ 90 پايىز ىلعالىن قازاقستان مەن وزبەكستان تەگىن پايدالانىپ كەلەدى. ۇكىمەت ولاردان اقشا الۋ ماسەلەسىن قاراستىرۋ كەرەك»، - دەدى بوكوەۆ.

دەپۋتاتتىڭ سوزىنشە، تالاس ءوڭىرىنىڭ ەگىن جەتكىلىكتى سۋارىلماعاندىقتان، اۋىل شارۋاشىلىعى ونىمدەرىنىڭ باعاسى تومەندەپ كەتكەن. ول ۇرمەبۇرشاق باعاسى 30-35 سوم (0,5 دوللار), ال قاراورىك 7-10 سوم تۇرادى دەيدى.

تالاس وبلىسىنداعى كيروۆ سۋ قويماسى 1975 جىلى ماناس جانە كارا-بۋرا اۋداندارىنىڭ ورتاسىندا سالىنعان. وعان 550 ملن تەكشەمەتر سۋ سىيادى. قىرعىزستان ونىڭ تەك 12 پايىزىن عانا پايدالانادى. قالعان بولىگىن كەلىسىم بويىنشا قازاقستان پايدالانادى.

قازاقستان سۋدى پايدالانعانى ءۇشىن جىل سايىن سۋ قويماسىنا 70 ملن تەڭگە (194 مىڭ دوللار) ءبولىپ، جوندەۋ جۇمىستارىن جۇرگىزەدى. بىراق قىرعىز تاراپى بۇل قارجى جەتكىلىكسىز دەپ وتىر.

Abai.kz